मानव हृदयभित्र कहिले लुकेको, कहिले गुम्सिएको र कहिले जागृत भएको भावनाहरूलाई व्यक्त गर्ने सजिलो माध्यम साहित्य सिर्जना हो र त्यसमा गीत सवभन्दना सरल र सहज माध्यम हो । गीतले धेरै कुरा बोल्दछ, धेरै अर्थ लगाउँदछ र स्रोता, दर्शक तथा पाठकहरूले जसरी बुझन चाहृयो गीतले त्यस्तै अर्थ दिन्छ । सिर्जना गर्नेले आफ्नो मनमा गुम्सिएर रहेका भावनाहरूलाई पोखिदिएका हुन्छन् । यसले पाठकहरूलाई सन्तुष्टि दिन्छ- प्रेरणा दिन्छ ।
यस्तै अर्न्तर्मनमा गुम्सिएर रहेका भावनाहरूलाई संग्रहको रुपमा र्सार्वजनिक गर्नुभएको छ गीतकार नवराज थापाले 'अर्न्तर्मनका सुसेली'मार्फ । विद्यालय जीवनदेखि नै फाट्टफुट्ट कविता, गीत लेख्न थाल्नुभएका नवराज थापाका गीतहरूले माया-प्रेमलाई आफ्नो लेखनको विषय बनाउनुभएको छ । गीतकार थापाले राष्ट्रिय जिम्मेवारी निर्वाह गर्दै देशका विभिन्न ठाउँमा पुग्दा त्यहाँ देखे-भोगेका वास्तविकताहरूलाई गीतको माध्यमले पोख्नुभएको छ । संग्रहमा समाहित ७४ वटा गीतहरूमध्ये अधिकांश गीत राष्ट्रप्रेमले ओतप्रोत छन् भने प्रकृत्रि्रेमी गीतकारकारका रुपमा पनि उहाँले आफूलाई उभ्याउनुभएको छ । गीतभित्र युवावस्थाका चाहना, भावना र आकांक्षाहरूलाई पनि समेटिएका छन् । समग्रमा संग्रहभित्र मिश्रति भावना छ । उहाँका गीतहरूले मायाको सुन्दरता र मर्यादालाई राष्ट्रिय भावना र प्रकृत्रि्रेममा पोख्नुभएको छ ।
सानैदेखि सिर्जना गर्न थाल्नुभएका नवराज थापाले आफूले बाल्यकालमा लेखेको गीत, कविताहरूको संकलन कार्य नगर्नुभएको उहाँको कथन छ । प्रस्तुत कृतिमा विशेष गरेर २०६५।०६६ सालमा रचना गरिएका गीतहरू समावेश गरिएको छ भने २०३७।३८ सालतिर आइपुग्दा मात्र उहाँले आफ्ना भावनाहरू डायरीमा टिप्ने गरेको स्वीकार्नु भएको छ र ती गीतहरूलाई पनि संग्रहमा राख्नुभएको छ । गीतकार थापाका कति भावनाहरू त्यसै हराए होलान्, उहाँको बेढङ्गी स्वाभावको स्वीकृति उहाँकै भनाइले दिएको छ ।
स्रष्टाले आफ्नो मनका कुराहरूलाई टिपोटका रुपमा राख्न सकेन भने त्यसको घाटा समाजलाई हुन्छ । गीतकार नवराज थापाले बाल्यकालमा रचना गर्नुभएका रचनाहरूको संग्रह पाठकहरूको रुचीको विषय बन्नसक्छ तर त्यो सम्भावना कति छ थापालाई नै ज्ञात होला । सानै उमेरमा मातृवियोगको पीडा भोग्न विवश हुनुभएको गीतकार नवराज थापाको साहित्य सिर्जनाको र उहाँको हृदयमा कोमलताले बास गर्नुको कारण त्यो पनि हुनसक्छ ।
गीतले जस्तो पनि अर्थ दिन्छ । गीतमार्फ आफूलाई लागेको भावना पोख्न सजिलो हुन्छ । राष्ट्रप्रेमका अगाध भावनाहरूलाई अनेक कारणले समय प्रसङ्गमा व्यक्त गर्न नसकिए पनि साहित्यका मार्फ् त्यसलाई र्सवसाधारणको पहुँचमा पुर्याउने काम गीतकार नवराज थापाले गर्नुभएको छ । नेपाली राष्ट्रियता यति कमजोर भैरहेको र प्राकृतिक स्रोत साधनको दुरुपयोग भैरहेको सर्न्दर्भमा राष्ट्रियताको भावनाले ओतप्रोत भएका गीतहरू पाठकहरूले पाउनु राष्ट्रिय भावनाको जागृतिका लागि केही हदसम्म मद्दत पुग्ने विश्वास लिन सकिन्छ ।
प्रस्तुत कृतिमा गीतकार नवराज थापाले आफ्नो राष्ट्रप्रेमलाई माया-पिरतीसंग लगेर सुन्दर बान्की बुन्नुभएको छ । "हिमालभन्दा अग्लो भए" शर्ीष्ाकको गीतले त्यही बुझाउँछ । हेरौं त्यसको एक बान्की-
"हिमालभन्दा अग्लो भए के ले छेक्न सक्छ
सगरमाथा चढ्न सके कल्ले भेट्न सक्छ
उद्देश्य र लक्ष्यचाहिं ठूलै लिनर्ुपर्छ
भाग्यको भर हुन्न कर्मै गर्नुपर्छ ।
कल्ले साथ कल्लाई दिन्छ पूरै जीवनभरि
भमरा नै घुम्दा रै'छन् फूलको वरिपरि
मानेभञ्ज्याङ दुख्यो मलाई सुस्ता पनि दुख्यो
बैगुनीलाई सम्भिmदा पो दुख्नु छाती दुख्यो ।"
राष्ट्रियता र प्रकृत्रि्रेमलाई माया-पिरतीसंग लगेर जोड्नु गीतकार थापाको खुबी हो । पुस्तकका भूमिका लेख्ने कवि डा. बमबहादुर थापा 'जिताली'ले पनि यो कुरा स्वीकार गर्नुभएको छ । थापा- कृतिका बारेमा भन्नुहुन्छ- "... प्रस्तुत गीतसंग्रहमा उनको कवि र गीतकारभित्र भरिएका राष्ट्रियता, राष्ट्रिय अखण्डता र माया-पिरतीका भरिला भावना गीतीकला, कौशल र सरल शैलीमा अभिव्यक्त भएका छन् ।"
त्यसै गरी हरि मञ्जुश्री आफ्नो भूमिकामा गीतकार नवराज थापाको प्रस्तुत कृतिका बारेमा यसो भन्नुहुन्छ- "गीतकारमा भउको अत्यन्त भावुक र सम्वेदनशील स्वभाव यस संग्रहभित्रका सबै गीतहरूमा र्सलक्क उत्रिएका छन् । उहाँका गीतहरू मानव हृदयका मौन आवाजहरू बनेका छन् । नेपालमा मनमा उब्जने नेपालीपनका यी गीतहरू गीतकारको भावनासंग पाठकको भावनालाई एकाकार पार्न सक्षम छन् ।"
२०१६ साल मंसिर १० गते काभ्रेपलाञ्चोक जिल्लाको महाङ्काल गाविस-२ भुग्देउमा जन्मनुभएका गीतकार नवराज थापा पेशाले सुरक्षाकर्मी हुनुहुन्छ । उहाँ राष्ट्रिय अनुसन्धान विभागमा राष्ट्रिय अनुसन्धान निर्देशक -डीआईजी) पदमा कार्यरत हुनुहन्छ । यसअघि थुप्रै पुरस्कार तथा पदक प्राप्त गरिसक्नुभएका गीतकार थापाबाट आगामी दिनमा पनि यस्तै कृतिहरूको अपेक्षा गर्न सकिन्छ । एउटा सुरक्षाकर्मीका नाताले कार्यक्षेत्रमा उत्रिदाका ती दिनहरूको लामो यात्राका क्रममा देखेका, भोगेका र अनुभूत गरेको कुराहरूलाई साहित्यिक कृतिमार्फ् आम पाठकको भावनासंग मितेरी गास्ने मौका पुनः प्राप्त हुने आशा गर्न सकिन्छ । श्रीमती कल्पना थापा प्रकाशिका रहनुभएको 'अर्न्तर्मनका सुसेली'हरू संग्रहका रुपमा गीतकार नवराज थापाको पहिलो कृति हो र पहिलो भए पनि सानैदेखि साहित्य सिर्जनामा लाग्नुभएको हुँदा उहाँका रचनाहरू गहकिला र मर्मस्पर्शी छन् । फरक शैलीका गीतहरूको खोजी गर्ने पाठकहरूका लागि 'अर्न्तर्मनका सुसेली' एउटा गतिलो खुराक बन्नसक्छ । यसका लागि नवराज थापालाई मुरी मुरी धन्यवाद । उहाँबाट आगामी दिनमा यस्तै कृतिको अपेक्षा गर्नु अन्यथा हुँदैन ।
देवकोटा
Comments (0)
Print
Tell friend
Top