उसै त दर्ुगम, त्यसमाथि पनि स्वास्थ्यकर्मी र औषधिको अभाव । मध्यपश्चिमाञ्चल विकास क्षेत्रका पहाडी जिल्ला जाजरकोटमा सामान्य रोगको रुपमा लिइने झाडापखालाबाट सयभन्दा बढीको ज्यान गयो । यो घटनाले नेपालको जनस्वास्थ्य नीति र त्यसलाई कार्यान्वयन गराउने पक्षको गैरजिम्मेवार प्रवृत्तिलाई नै उदाङ्गो पारेको छ ।

समाजमा अपराधिकरणको वृद्धिसंगै शान्ति सुरक्षामा आएको कमी र राजनीतिक दलहरुको आ-आफ्नो स्वार्थ अनुकुलको व्यवहार र क्रियाशीलताले नागरिक सर्वोच्चताको खिल्ली उडेको छ । जनता आफ्नो सुरक्षा आफैं गर्नुपर्ने अवस्थामा पुगेका छन् । अब टोल टोलमा सुरक्षा दस्ता खडा गरेर गस्ती गर्नुपर्ने वाध्यकारी अवस्था विद्यमान नै छ ।