राजनीतिक निकासको गति अवरुद्ध प्रायः अनुभूत छ । संविधानसभाको निर्वाचन सम्पन्न भएपछि ताजा जनादेश अनुरुप राजनीतिक दलहरुले जनताले निर्धारण गरिदिएको स्थान अनुरुप आफ्नो हैसियत स्वीकार गरी समायोजनकारी भूमिकामा आफूलाई प्रस्तुत गर्नुपर्ने र राजनीतिक निकासको गतिलाई सहज पार्नुपर्ने अपेक्षा गरिएको भए पनि देशको राजनीतिक परिस्थिति तदनुकूल अपेक्षित दिशामा अगाडि बढ्न सकेको छैन । संविधानभसाको निर्वाचन सम्पन्न भएको दर्ुइ-दर्ुइ महिना वितिसक्दा पनि देशमा जननिर्वाचित नयाँ सरकार बन्न सकेको छैन भने देश र जनताका सामु विकराल समस्याका रुपमा खडा हुँदै गएका कुनै पनि पक्षको सम्बोधन हुन सकेको छैन ।

नेपाल युग परिवर्तनको संघारमा आइपुगेको छ । आस्था र विश्वासका मात्र होइन आशंका र चिन्ताका क्षणहरु पनि अनुभूत भैरहेका छन् । जननिर्वाचित संविधानसभाको पहिलो बैठक भोलिबाट सुरु हुँदैछ । निर्वाचित, समानुपातिकबाट छनोट भएका र सत्ताधारी दलहरुको भागवण्डापर्ूण्ा सहमतिबाट मनोनित भएका गरी छ सय एकजना सभासद् रहने संविधानसभाको पहिलो बैठकले नेपालका भावी राजनीतिक दिशा निर्धारणमा कस्तो कदमको सुरुवात गर्ने हो भन्ने आमजिज्ञासा र्सवत्र जागृत हुनु स्वाभाविक नै छ ।