भारतले जुन समस्या भोगिरहेको छ त्यसमध्ये प्रमुख समस्या भनेको एउटा जाली नोटको कारोबार, आतंकवादी गतिविधि, आईएसआईको चलखेल लगायतका हुन् । यो नेपालमाभन्दा भारतमा बढी छ । त्यो कुरोलाई ढाकछोप गर्नका निम्ति भारतले नेपाल जस्तो गरिब र सानो राष्ट्रलाई दोष दिने गरेको छ ।

राजनीतिक रुपमा त मुलुक खतराको मोडमा पुगिसक्यो अब राष्ट्रिय सुरक्षाका दृष्टिले पनि त्यस्तै अवस्था आउँदैछ । गाविसमा सचिवहरू छैनन्, जिल्ला विकास समितिमा पदाधिकारी छैनन्, दर्ुगम गाउँमा प्रहरी चौकी छैन । अर्कोतिर केन्द्रमा प्रधानमन्त्रीका लागि मारकाट चलिरहेको छ । राजनीतिक दलका नेताहरू मुलुक संचालन गर्न असफल भैसकेका छन् ।