काठमाडौं । एकीकृत नेकपा माओवादीले बन्द कार्यक्रममा संचारकर्मीहरुलाई पनि बाहान चलाउन छुट नदिँदा संचारकर्मीहरुले हिजो धेरै सास्ती खेप्नुपरेको थियो । बन्दकर्ताहरुले प्रेस पास र परिचयपत्र देखाउँदा पनि सञ्चारकर्मीहरुको आवागमनमाथि रोक लगाउँदै संचारकर्मीले प्रयोग गरेका मोटर र मोटरसाइकल तोडफोड गरेका थिए । सडकमा लठ्ठी लिएर खटिएका बन्दकर्ता युवाहरु कतै सञ्चारकर्मीहरुप्रति नरम रुपमा प्रस्तुत हुँदै परिचयपत्र हेरेर अगाडि जान इशारा गर्दथे भने कतै परिचयपत्र देखाएर आग्रह गर्दा पनि बाहन जलाईदिने धम्की दिन पछिपरेका थिएनन् । वर्षौंदेखि अहिलेसम्मका बन्द कार्यक्रममा कसैले पनि संचारकर्मीहरुप्रति नदेखाएको व्यवहार वाईसीएलका युवाहरुले हिजोको बन्दमा देखाएका थिए ।

सिक्किमीकरणको षड्यन्त्र !

काठमाडौं । साहित्य सिर्जनाका क्षेत्रमा 'चैतन्य'नामले चिनिने नेकपा माओवादीका वैचारिक नेता मोहन वैद्य किरणले संविधान निर्माण र शान्ति प्रक्रियालाई टुङ्गोमा पुग्न नदिन अनेक षड्यन्त्र भैरहेको र देशभित्रका दलाल शक्तिहरु नेपाललाई सिक्किमीकरणको दिशातर्फधकेल्ने प्रयासमा लागेकाले स्रष्टाहरुलाई सचेत रहेर कलम चलाउन आग्रह गर्नुभएको छ । लेखक संघद्धारा हालै आयोजित 'राष्ट्रिय स्वाभिमान र समसामयिक सर्न्दर्भमा स्रष्टाहरुको भूमिका' विषयक गोष्ठीमा बोल्दै नेता किरणले वामपन्थी शक्तिहरुलाई एकजुट गराउन स्रष्टाहरुको रचनात्मक प्रयास अपरिहार्य रहेको धारणा पनि राख्नुभएको थियो ।