'राष्ट्रियताः हाम्रो प्रतिबद्धता'को मूल धेय राखेर २०४५ साल असारदेखि नियमित रुपमा प्रकाशित हुँदैआएको 'युगसम्वाद साप्ताहिक' यसै अङ्कदेखि २२ औं वर्षा प्रवेश गरेको छ । २१ वर्षेखिको अविरल यात्रामा 'युगसम्वाद'ले राष्ट्रियता र जनसरोकारका सवाललाई अविचलित रुपमा उच्च प्राथमिकताका साथ प्रस्तुत गर्दैआएको विज्ञ पाठकवर्गलाई अवगत नै छ । २१ वर्षो अन्तरालमा प्रयोग र परिवर्तनका राजनीतिक घटनाक्रमले ठूलै फड्को मारेको प्रतीत भए पनि राष्ट्रियताको संरक्षण र सर्ंवर्द्धन, लोकतन्त्रको संस्कारगत र संस्थागत विकास एवं जनतालाई बलियो बनाउने काम भने झनै चुनौतीपर्ूण्ा बन्दै गएको छ । राष्ट्रियता, प्रजातन्त्र र जनजीविकाका सवालहरुप्रति गम्भीर चासो राखेर सूचनामूलक एवं विश्लेषणात्मक धारणालाई निष्पक्ष रुपमा प्रस्तुत गर्ने सतत् प्रयासमा 'युगसम्वाद' विगतमा जसरी निरन्तर लागिरहेको थियो आगतमा पनि त्यसरी नै प्रतिवद्ध प्रयास जारी राख्ने विश्वास हामी समस्त पाठकवर्गलाई दिलाउन चाहन्छौं । वैदेशिक हस्तक्षेपले मुलुक रन्थनिरहेको वर्तमान अवस्थामा राष्ट्रियताको मुद्दा झनै घनीभूत भएको छ । राष्ट्रिय चिन्तनधारलाई प्रखर पार्न सके मात्र राष्ट्र र राष्ट्रियता जोगिन सक्छ भन्ने हाम्रो मान्यता छ । सूचना प्रवाह र स्रोत उपयोगमा सत्ताको प्रभाव र आग्रहजन्य राजनीतिको प्रभाव विस्तारले स्वतन्त्र र व्यावसायिक पत्रकारिताको भविष्यप्रति नै सन्देह खडा गर्दैलगेको भए पनि 'युगसम्वाद' राष्ट्र, राष्ट्रियता, लोकतन्त्र र जनताप्रति समर्पित भै उत्तरदायित्वपर्ूण्ा भूमिका निर्वाहमा पछाडि नपर्ने विश्वास प्रतीक प्रकाशनले राखेको छ । 'युगसम्वाद'को प्रकाशनलाई निरन्तरता दिन हरप्रकारले सहयोग पुर्‍याउदै आउनुभएका सम्वद्ध सञ्चारकर्मीहरु, लेखकहरु, विज्ञापनदाताहरु, वितरकहरु र विविध क्षेत्रका सहयोगीहरुप्रति हार्दिक आभार व्यक्त गर्दै २२ औं वर्षप्रवेशका अवसरमा पुनः आप\mनो व्यावसायिक उत्तरदायित्व निर्वाह गर्न प्रतीक प्रकाशन र 'युगसम्वाद' परिवार सचेत रहने प्रतिवद्धता प्रकट गर्दछ ।