कहिल्यै कुनै राजनीतिक दल र सिद्धान्तको पछि नलागी कलाकारिताका माध्यमबाट राष्ट्रको सेवा गरिरहेका कलाकारहरु पछिल्लोपटक एकीकृत नेकपा माओवादीतिर आकषिर्त हुनुलाई विभिन्न कोणबाट हर्ेन थालिएको छ । पहिलो त नेपाली चलचित्र उद्योगलाई राष्ट्रिय उद्योगको मान्यता दिलाउने र हिन्दी चलचित्रको निर्वाध प्रवेशलाई रोक्नु रहेको बताइन्छ । माओवादी प्रवेश गरेका अधिकांश कलाकर्मीहरु नेपालमा निर्वाध रुपमा भित्रिरहेको हिन्दी चलचित्रलाई रोक्नुपर्ने अभियानमा सक्रिय छन् ।

स्रष्टा न्यौपानेको सम्मानमा अभिनन्दनको तयारी

काठमाडौं । वरिष्ठ साहित्यकार प्रा. दैवज्ञराज न्यौपानेको गुरुपूणिर्मा तथा भानु जयन्तीको अवसर पारेर असार २६ गते राजधानीमा अभिनन्दन गरिने भएको छ । चार दशकदेखि साहित्य सिर्जना र प्राध्यापन कार्यमा संलग्न रहँदै आउनुभएका स्रष्टा न्यौपाने लामो समयदेखि मधुमेह, उच्च रक्तचाप र पक्षघात जस्ता जटिल रोगबाट ग्रस्त रहनुभएकाले उहाँको उपचारमा राज्यले ध्यान दिनुपर्ने आग्रह समेत साहित्यकार, प्राध्यापक एवं बुद्धिजीवीहरुले गरिरहेका छन् । स्रष्टा न्यौपानेले एक दर्जनभन्दा बढी कृतिहरु रचना गरी नेपाली साहित्य भण्डारलाई उपहार दिनुभएको छ । साहित्यकार न्यौपानेको अभिनन्दनका लागि प्रा.डा. वासुदेव त्रिपाठीको अध्यक्षतामा साहित्यकार, प्राध्यापक, बुद्धिजीवी एवं समाजसेवीहरु संलग्न अभिनन्दन समारोह समिति गठित छ ।