काठमाडौं । एनेकपा माओवादीका वरिष्ठ नेता मोहन वैद्य 'किरण'ले नेपालमा सिक्किमीकरणको खतरा बढेको धारणा व्यक्त गर्नुभएको छ । गत शनिवार राजधानीमा वाईसीएलद्वारा आयोजित 'वैदेशिक हस्तक्षेप र राजनीतिक सवाल' विषयक एक अन्तरक्रिया कार्यक्रममा बोल्दै उहाँले के पनि भन्नुभएको छ भने- 'भारतले नेपाललाई सिक्किम बनाउन नेपालकै राजनीतिक दलका नेताहरुलाई दलाल बनाएको छ र माओवादीलाई पनि दलाल बनाउने षड्यन्त्र गरिरहेको छ ।' उहाँले राष्ट्रियताका निम्ति राष्ट्रिय युद्ध लड्नुपर्ने अवस्था पनि आउनसक्छ भन्दै भारत पीडित दक्षिण एसियाली देशहरुबीच मोर्चावन्दीको खाँचो रहेको समेत औंल्याउनु भएको छ ।