स्वास्थ्य क्षेत्रमा बन्दको असर

काठमाडौं । अत्यावश्यकीय सेवामा बन्द हड्ताल गर्न कानुनले निषेध गरे पनि हिजो नेपाल चिकित्सक संघको आव्हानमा देशभरका सयौं स्वास्थ्य संस्थाहरु हिजो आकस्मिक कक्षबाहेक सबै बन्द रहे । बन्दको असर निजी क्षेत्रका अस्पतालहरुमा पनि परेको सम्बद्ध सूत्रहरुले बताएका छन् । सरकार र चिकित्सक संघबीच आइतबार भएको वार्तामा माग पूरा गर्ने सहमति भए पनि सरकारले पहिले पहिले पनि सहमति लागू नगरी धोका दिने गरेको भन्दै माग पूरा नभएसम्म सरकारलाई विश्वास गर्न नसकिने भन्दै बन्द आव्हान नफर्काउने अडानमा चिकित्सकहरु रहेको ज्ञात भएको छ । बन्दको असर देशव्यापी रुपमा परेकाले लाखौं विरामीले सास्ती खेप्नुपरेको पीडित सेवाग्राहीहरुले बताएका छन् ।