वारमा त्रिपक्षीय भीडन्त

काठमाडौं । नेपाल वार एसोसिएशनको निर्वाचनमा त्रिपक्षीय राजनीतिक भीडन्त भएको छ । तीन वर्षअगाडिसम्म व्यावसायिक प्रगतिशील पक्ष र प्रजातान्त्रिक पक्षको सीमा रेखांकन गर्दै चुनावी प्रतिस्पर्धा हुने गरेकोमा यसपटक प्रेमबहादुर खड्काको नेतृत्वमा नेपाली कांग्रेस पक्षधर प्यानल, हरिकृष्ण खड्काको नेतृत्वमा एमाले प्यानल र रामनाथ मैनालीको नेतृत्वमा माओवादी प्यानल मैदानमा उत्रेको थियो । ६ हजार ८ सय ८९ कुल मतदाता रहेको बारको चुनावमा यसपटक ८४ प्रतिशत मतदान भएको छ । विगतमा प्रगतिशील पक्षबीच मेलमिलाप गरी एउटै प्यानल बनाउँदा पनि पूरै प्यानल जित्न नसकि झिनो मतले वाम पक्षधर समूह अध्यक्ष र महासचिवमा जित्न सफल देखिएको पृष्टभूमिमा यसपटक एमाले र माओवादीबीच भएको कटाक्ष र भीडन्तको लाभ प्रजातान्त्रिक समूहले लिने प्रचूर सम्भावना रहेको बताइन्छ । वारको मतगणना आजैबाट सुरु हुने खबर सूत्रले बताएको छ ।