दशगजामा भारतीय भन्सार

सिराहा । नेपालमा भारतीय हैकमवाद र सीमा अतिक्रमण विरुद्ध निरन्तर आवाज उठ्ने गरेको भए पनि सीमा सुरक्षाप्रति सरकार सम्वेदनशील नरहने गरेकाले भारतले सीमा अतिक्रमण जारी राखेको तथ्य सिराहाबासीले उद्घाटन गरेका छन् । सिराहाको सीमावर्ती क्षेत्रमा सीमास्तम्भभन्दा धेरै भित्रसम्म आएर भारतीयहरूले बसोबास र खेतीपाती गरिरहेका छन् भने भारतले दशगजा क्षेत्रमा नै आफ्नो भन्सार कार्यालय बनाएर अतिक्रमणको नाङ्गो स्वरुप देखाएको स्थानीय बासिन्दाहरूको कथन छ । एनेकपा माओवादीका शर्ीष्ा नेताहरूले अतिक्रमित सीमा क्षेत्रको निरीक्षण गरेर अतिक्रमणको विरोध गरेको प्रसङ्ग नसेलाउँदै सिराहामा पुनः सीमा अतिक्रमण उदाङ्ग भएको छ भने अतिक्रमणको ठाडो विरोध होइन कूटनीतिक पहलबाट समस्याको समाधान र विवादको अन्त्य हुनर्ुपर्छ भन्ने नेताहरू भने निरन्तरको अतिक्रमणप्रति मौन रहेर निरीहता पर््रदर्शन गरिरहेको आरोप अतिक्रमित क्षेत्रका बासिन्दाहरूले लगाइरहेको खबरसूत्रले बताएको छ ।