यसै वर्षो एसएलसी परीक्षाको प्रश्नपत्र छाप्ने गरी चारवटा जापनिज प्रेस ल्याइएको थियो । एसियाली विकास बैंक र डेनिस सरकारको १३ करोडको सहयोगमा जापानबाट ल्याइएको सुविधायुक्त प्रेस जनक शिक्षा सामग्री केन्द्र लिमिटेडमा स्थापना गरिएको थियो ।

प्रश्नपत्र छपाइको काम जनक शिक्षालाई नै दिने शिक्षा मन्त्रालयको निर्ण्र्ाानुरूप प्रश्नपत्र छपाइका लागि आवश्यक जनशक्ति समेत तयार गरिए पनि प्रश्नपत्र छपाइ गर्न नपाएको जनक शिक्षा सामग्री केन्द्रले जनाएको छ । केन्द्रका अनुसार प्रश्नपत्र छपाइका लागि ६० जना कर्मचारीलाई विशेष तालिम दिइएको र गोप्यताका लागि आवश्यक तयारी समेत पूरा गरिएको थियो ।

स्वदेशमै कम लागतमा प्रश्नपत्र छपाइ गर्न सकिने हुँदाहुँदै पनि भारतमा बढी रकम तिरेर प्रश्नपत्र छपाइ गर्न लैजानुको खास कारण केही छैन । जनक शिक्षा सामग्री केन्द्र सूत्रका अनुसार कमिशनको लोभ र प्रश्नपत्र छपाइ गर्न जाने कर्मचारीहरूलाई प्राप्त हुने भत्ता नै यसको प्रमुख कारण रहेको छ । सरकारी निर्ण्र्ााो समेत वेवास्ता गर्दै करोडौं रुपैयाँको लगानी भए पनि परीक्षा नियन्त्रण कार्यालयले त्यसको वेवास्ता गर्नुलाई 'घर डढाएर खरानी जम्मा गर्ने' प्रवृत्तिको संज्ञा जनक शिक्षा सामग्री केन्द्रका कर्मचारीले दिन थालेका छन् । केही लाखको लोभमा करोडौंको लगानीलाई वेवास्ता मात्र गरिएन सरकारी निर्ण्र्ाासमेत लत्याइएको छ । यसमा अख्तियार दुरुपयोग अनुसन्धान आयोग र सम्बन्धित मन्त्रालयले गम्भीर रुपमा ध्यानदिनुपर्ने सम्वद्ध कर्मचारीहरूको माग छ ।