काठमाडौं । ६ दिनसम्म भएको आमहड्तालका क्रममा एकीकृत नेकपा माओवादीका कार्यकर्ताहरूले जुन संयम र धर्ैय देखाएर स्वाबासी पाएका थिए त्यसलाई जोगाइराख्न उनीहरु विफल भएका छन् । गत आइतबार सिंहदरबार घेराउका क्रममा घेराउकर्ताहरूले पत्रकारहरूमाथि कुटपिट गरेर जघन्य गल्ती गरेका छन् । यो प्रकरणले माओवादीको छवि नै धमिलिएको छ । माओवादी कार्यकर्ताहरूले माइतीघरमा एसोसिएटेड न्यून एजेन्सीका फोटोपत्रकार प्रवीण महर्जनलाई मरणासन्न हुने गरी कुटपीट गरे भने एभिन्यूज टेलिभिजनका क्यामरा म्यान रवीन्द्र श्रेष्ठलाई पनि कुटपीट गरी क्यामरा फुटाइदिएका छन् । त्यसै गरी सगरमाथा टेलिभिजनका संवाददाता श्रुति निरौलालाई पनि घेरावन्दीमा पारेर धम्की दिएको बताइन्छ । गत शनिवार खुलामञ्चमा आयोजित आमसभामा माओवादी अध्यक्ष प्रचण्डले पत्रकार, नागरिक समाजका अगुवा तथा बुद्धिजीवीहरूबारे गरेको नकारात्मक टिप्पणीले पनि कडा प्रतिक्रिया जन्माएको छ । एकीकृत नेकपा माओवादीले आमहड्तालका क्रममा पत्रकार, अस्पताल, मानवअधिकार, खानेपानी तथा कूटनीतिक नियोगका सवारीसाधनलाई निर्वाध आवागमनको प्रत्याभूति दिएर आर्जन गरेको छवि कित यति चाँडै धमिलियो - यो गम्भीर प्रश्न खडा भएको छ । एकीकृत नेकपा माओवादीले आफ्नो घोषित नीतिविपरीत व्यवहार गर्ने कार्यकर्तालाई छानबिन गरी कार्बाही गर्ने अग्रसरता देखाए आगामी दिनमा यस्ता घटना नदोहोरिने र माओवादीलाई नागरिक पार्टर्ीीभएको भन्ने आरोप लगाउनेहरूको पनि मुख थुनिने थियो कि !