यी घटनाहरू मुलुकका लागि ज्यादै सम्वेदनशील भए पनि सरकार र राजनीतिक दलहरू मौन रहनु दलीय स्वार्थ मात्र रहेको विश्लेषकहरू बताउँछन् । जनादेश बमोजिम कुनै काम हुन नसक्दा उत्पन्न हुने परिस्थितिलाई सत्तास्वार्थसंग जोडेर आ-आफ्नै जोड-घटाउमा लागेका दलहरूले भारतीय हैकमवादका विरुद्ध एक शब्द उच्चारण नगर्नु नेपाली जनताका लागि दर्ुभाग्यको सूचक सिवाय केही होइन । भारतीयको हेपाहा प्रवृत्ति यति चरमचुलीमा पुगेको छ कि अब भारतीय सुरक्षाकर्मी नेपालभित्र प्रवेश गरेर नेपालीमाथि गोली प्रहार गर्न थालेका छन् । गत मंगलबार मोरङको दक्षिणी सीमावर्ती गाविस अमाहिवरियातीमा भारतीय सीमा सुरक्षा बल -एसएसवी) को गोली लागेर सोही ठाउँका ५५ वषर्ीय वासुदेव साहको मृत्यु भएको थियो ।

घटना विवरण अनुसार सो राति ९ बजेतिर मोटरसाइकलमा हतियारसहित बिनाअनुमति नेपाल प्रवेश गरेका एसएसवीका जवानले अमाहिवरियाती-७ स्थित साहको घरमै गएर गोली प्रहार गरेका थिए । सो गोली सीमा चौकीमा कार्यरत प्रहरीमाथि प्रहार गरिएको थियो ।

भारतीय सुरक्षाकर्मीले नेपालभित्रै प्रवेश गरेर चलाएको गोलीबाट एकजना नेपालीको मृत्यु भएको विषय जति सम्वेदनशील हो त्यसलाई राजनीतिक तहले कुनै महत्व नदिनु झन गम्भीर देखिएको छ । राष्ट्रिय सुरक्षासंग सम्बन्धित यस्ता मुद्दालाई मुलुकको सुरक्षा हर्ेर्ने राष्ट्रिय सुरक्षा परिषद्मा कुनै छलफल चलेको छैन भने रक्षा मन्त्रालय र जिम्मेवार राजनीतिक दलहरू पनि मौन नै रहेका छन् ।

यो घटनाले भारतले नेपालमाथि गरिरहेको व्यवहार कस्तो छ भन्ने पुनः र्छलङ्ग भएको छ । अनुमतिबिना नेपालभित्र प्रवेश गरेर सुरक्षाकर्मीलाई ताकेर गोली प्रहार गर्नु दर्ुइ देशबीच कायम रहेको मैत्री सम्बन्ध विरुद्ध हुनुका साथै राष्ट्रिय सुरक्षाका दृष्टिले पनि अत्यन्त सम्वेदनशील विषय हो । नेपाल प्रहरी र भारतीय प्रहरीबीच सीमामा गोली हानाहान भएको विषयलाई दुवै पक्षले गम्भीरतापर्ूवक लिनुपर्नेमा स्थानीयस्तरमै यो विषयलाई सल्ट्याउने प्रयास गरिएको छ । राजनीतिक-कूटनीतिक तवरमा नेपालमाथि दबाब र हस्तक्षेपकारी भूमिका निर्वाह गर्दैआएको भारतले सीमा रक्षकहरूबाट नेपाली भूमिमा प्रवेश गरेर गोली प्रहार गरेको विषयलाई सामान्य कूटनीतिक मर्यादा पालन गर्ने प्रयास समेत गरेन ।

कसरी नेपालमा आफ्नो निर्देशन पालना गर्ने सरकार स्थापित गराउने र कसरी बढीभन्दा बढी अस्थिरता कायम गर्ने भन्ने षड्यन्त्रमा निरन्तर लागिरहेको भारतका लागि नेपालमाथि थिचोमिचो हुनु सामान्य लाग्नसक्छ तर यो नेपाली जनताका लागि सैहृय हुन सक्दैन । केही मुठ्ठीभरका नेताहरूको गुलामीका कारण सिंगो नेपाल र नेपाली जनता भारतको 'कठपुतली' बन्न सक्दैन भन्ने तथ्य भारतले पनि बुझनर्ुपर्छ र नेपालका त्यस्ता व्यक्तिहरूले पनि बुझनर्ुपर्छ भन्ने आम प्रतिक्रिया छ ।