काठमाडौं । संविधानसभा निर्वाचनको नतिजापछि उत्पन्न अन्योल र विभिन्न तर्क-वितर्कलाई चिर्दै प्रधानमन्त्री गिरिजाप्रसाद कोइरालाले अन्तरिम संविधानअनुसार नयाँ सरकार निर्माण गर्न राजनीतिक पहल र परामर्श प्रारम्भ गर्न आहृवान गर्नुभएको छ । आगामी सरकार गठनका विषयमा अनेकथरि चर्चा चलिरहँदा प्रधानमन्त्री कोइरालाले हिजो एक पे्रस वक्तव्य प्रकाशित गर्दै सो आहृवान गर्नुभएको हो ।
प्रधानमन्त्री कोइरालाले वक्तव्यमा निर्वाचन परिणाममार्फ जनताले दिएको फैसलाअनुरूप अब हामीले हाम्रा अगाडि रहेका कार्यहरूमा ध्यान केन्द्रित गर्नुपरेको छ भन्दै निर्वाचन परिणाम पनि युगान्तकारी जनआन्दोलनदेखि राजनीतिक दलहरूले अवलम्बन गर्दै आएको सहमति, सहकार्य र एकताको पक्षमा रहेको स्पष्ट पार्नुभएको छ । उहाँले संघीय गणतन्त्रात्मक राज्य संरचना र बहुदलीय लोकतान्त्रिक शासन प्रणालीले समुन्नत एवं समृद्ध नेपाल स्थापना गर्ने सबल आधार प्रदान गर्ने हुँदा सोका लागि एकताबद्ध भएर जुट्न आग्रहसमेत गर्नुभएको छ । 
प्रधानमन्त्रीले आफ्नो वक्तव्यमा "संविधानसभाको पहिलो बैठकबाट गणतन्त्र कार्यान्वयन गर्ने कुरालाई संविधानले नै पहिलो प्राथमिकतामा राखिदिएको छ । र्सवप्रथम यस कार्यलाई सम्पन्न गर्नु हाम्रो साझा दायित्व हो ।" त्यसैगरी वक्तव्यमा "संविधानसभाको गठन प्रक्रियालाई पर्ूण्ाता दिने कार्य सम्पन्न गरी नेपालको अन्तरिम संविधान, २०६३ को धारा ६९ अनुसार सविधानसभाको पहिलो बैठकको आहृवान तोकिएको समयमा नै गरिनेछ । यर्सतर्फ हामी सबैको ध्यान जानु आवश्यक छ ।"