काठमाडौं । 'गोर्खा भर्ती बन्द गर !' नेपालका सवै वामपन्थी दलहरुले पार्टर्ीीथापनाकालदेखि नै राख्दैआएको माग र भट्याउँदै आएको नारा हो । नेकपा माओवादीले संविधानसभाको निर्वाचनमा जारी गरेको प्रतिबद्धतापत्रमा समेत गोर्खा भर्तीकेन्द्र बन्द गर्ने प्रतिबद्धता जाहेर गरेको थियो । माओवादीका नेताहरुले निर्वाचनपछि पनि गोर्खा भर्तीकेन्द्र बन्द गरिने भनाइ राख्दैआएका छन् । संविधानसभाको निर्वाचनमा ६० प्रतिशतभन्दा बढी मत र स्थान वाम पार्टर्ीीले ल्याएका छन् । वाम दलहरु विभिन्न खेमामा विभक्त भए पनि गोर्खा भर्तीकेन्द्र बन्द गर्ने साझा नारा रहेको पृष्टभूमिमा यो मुद्दाको छिनोफानो अब कसरी हुन्छ भन्ने जिज्ञासा स्वतः जागृत भएको छ । संविधानसभामा वाम दलहरुको प्रष्ट बहुमत भएकाले गोर्खा भर्तीकेन्द्र बन्द गर्ने साझा र पुरानो माग पूरा गर्नसक्ने हैसियतमा कम्युनिष्ट दलहरु पुगेका छन् । वाम दलहरुले ६ दशकभन्दा लामो समयदेखि उठाएको यो साझा माग पूरा गर्न यथार्थमा ती दलहरु कति इमान्दार छन् भन्ने पारख गर्ने बेला आएको छ ।

प्राप्त जानकारी अनुसार गोर्खा भर्तीकेन्द्र बन्द गर्ने प्रतिवद्धताविरुद्ध भारतीय सेनाबाट निवृत्त भएका भूतपर्ूव गोर्खा सैनिकहरु संगठित भएर पर््रदर्शन गर्ने तयारीमा लागेका छन् । रुपन्देहीको भैरहवामा असार १२ गते विरोध पर््रदर्शन गर्ने कार्यक्रम उनीहरुले राखेका छन् । गोर्खा भर्ती रोक्न पाइन्न भन्ने उनीहरुको नारा छ । भैरहवाबाट सुरु हुने विरोध पर््रदर्शन नेपालका २२ जिल्लामा क्रमशः गर्दैजाने कार्यक्रम तय भएको ज्ञात हुनआएको छ । भनिन्छ ः भारतमा अहिले पनि ४० हजारको हाराहारीमा नेपाली नागरिकहरु भारतीय गोर्खा सैनिक सेवामा संलग्न छन् । भारतीय नै बनिसकेका गोर्खा सैनिकहरुको संख्या यसमा गाभिएको छैन । भारतीय पेन्सन खाने नेपाली भू.पू. गोर्खाहरुको संख्या पनि डेढ लाखभन्दा बढी छ । नेपाल भारत मानव विकास तथा मैत्री संघमा आवद्ध भू.पू. सैनिक प्रभागका अध्यक्ष कर्र्णोल डी.बी. राना, महासचिव क्याप्टेन टी.बी. गुरुङ र रुपन्देही शाखाका प्रमुख क्याप्टेन हस्तबहादुर गुरुङको नेतृत्व र सक्रियतामा विभिन्न २२ जिल्लाका भू.पू. भारतीय गोर्खा सैनिकहरु परिचालन गरी गोर्खा भर्तीकेन्द्र बन्द गराउने वाम पार्टर्ीीको साझा नाराविरुद्ध पर््रदर्शन गर्ने तयारी भैरहेको छ । यसको अगुवाई नेपाल भारत मानव विकास तथा मैत्री संघले गरिरहेको समेत खबरमा उल्लेख छ ।

जानकार सूत्रहरु भन्दछन्- भारतमा नेपालीहरुको संख्या पुगनपुग डेढ करोड छ । भारतीय सेनाबाट निवृत्त भएका भू.पू. गोर्खाहरुमध्ये ३ लाखभन्दा बढीको संख्याले उत्तराञ्चल र हिमाञ्चल प्रदेशमा स्थायी बसोबास गरी भारतीय नागरिकता लिएका छन् । त्यस्तै भारतका विभिन्न प्रान्तमा स्थायी बसोबास गरेर भारतीय नागरिक बनेका नेपालीभाषीहरु लाखौंको संख्यामा छन् । ती भारतीय नेपालीहरुले पनि गोर्खा भर्तीकेन्द्र बन्द गर्नुपर्ने र नेपालीहरुको सट्टा उनीहरुलाई नै सेनामा भर्ती गर्नुपर्ने माग राख्न थालेका छन् । भारतीय प्रधानमन्त्रीका विदेश मामिला सल्लाहकार श्यामशरणले पनि नेपालले प्रस्ताव गरे गोर्खा भर्तीकेन्द्र बन्द गर्न भारत सहमत हुने प्रतिक्रिया दिइसकेका छन् । भर्तीकेन्द्र बन्दको विरोधमा उत्रन लागेकाहरु यो बेला भर्तीकेन्द्र बन्द गर्ने कुरा उतैको इशारामा उठेको आरोप समेत लगाउँछन् । रोजगारी र व्रि्रेषणको स्रोतका रुपमा रहेको गोर्खा भर्तीकेन्द्र रोक्नका लागि वैकल्पिक रोजगारीको व्यवस्था सुनिश्चित हुनुपर्ने समेत उनीहरुको माग रहेको बताइन्छ ।

खबरसूत्रका अनुसार भारतीय सेनाबाट निवृत्त भू.पू. गोर्खाहरुले संयुक्त संर्घष्ा समिति बनाएर गोर्खा भर्ती बन्द विरुद्ध पर््रदर्शन गर्दै संर्घष्ामा उत्रने तयारी गरेकाले यो मुद्दाको छिनोफानो नेपालको सरकार, संविधानसभा र वाम दलहरुले कुन रुपमा गर्ने हुन् भन्नेतिर चासो बढ्न थालेको छ । नेपालीको श्रम र सीप नेपालकै समृद्धि र सुरक्षाका निम्ति उपयोग हुने वातावरण सिर्जना हुनर्ुपर्छ र त्यसका निम्ति आन्तरिक रोजगारीको अवसर सिर्जना गर्ने प्रतिवद्ध प्रयास हुनर्ुपर्छ भन्ने जनप्रतिक्रिया पनि आउन थालेको छ ।