काठमाडौं । 'युगसम्वाद' यसै अंकदेखि २१ औं वर्षा प्रवेश गरेको छ । राष्ट्र, राष्ट्रियता र प्रजातन्त्रप्रति प्रतिबद्ध रहेर दर्ुइ दशकदेखि नियमित रुपमा प्रकाशित हुँदैआएको युगसम्वादको प्रतिवद्धता अहिले पनि तिनै मूल आदर्शप्रति लक्षित छ । पछिल्लो दर्ुइ दशकको अन्तरालमा नेपालमा राजनीतिक परिवर्तनका विविध स्वरुप देखिएका छन् । राष्ट्रिय-अन्तर्रर्ााट्रय घटनाक्रमले राष्ट्रिय परिस्थिति र जनजीवनमा पनि ठूलो परिवर्तन ल्याएको छ । समयको गतिसंगै संचार क्षेत्रमा पनि उल्लेखनीय परिवर्तन आएको छ । सिंगो नेपाली समाज संचार सञ्जालभित्र वेष्ठित भएको छ । सूचना र विचारको संकलन र प्रक्षेपणमा सहजताका साथसाथै व्यावसायिक प्रतिस्पर्धा र चुनौतीहरु बढेका छन् । व्यवस्थागत राजनीतिक परिवर्तनसंगै सामाजिक-आर्थिक रुपान्तरणका अपरिहार्य चाहनाहरु पनि बढेका छन् । राष्ट्रिय एकता, अखण्डता र र्सार्वभौमिकताको रक्षाका निम्ति राष्ट्रिय चिन्तनधारलाई प्रखर रुपमा प्रस्तुत गर्नुपर्ने दायित्व अरु बढेर गएको छ । युगसम्वादले सुरुदेखि अवलम्बन गरेको मूलधार नै राष्ट्रिय चिन्तनधार हो र परिवर्तनको कुनै पनि धारले त्यसलाई न्यूनीकरण गर्न नहुने विश्वास राखेर युगसम्वादले राष्ट्रियहितका सवालहरुलाई प्रमुखताका साथ उठाउँदै प्रस्तुत गर्दैआएको तथ्य सुविज्ञ पाठकहरुका सामु र्छलङ्ग छ । वस्तुतः हाम्रो अविरल यात्राको आधार नै त्यही हो ।

सूचना सम्प्रेषण र विचार प्रस्तुतिमा राष्ट्रिय मुद्दाहरुको छनोट युगसम्वादको विशिष्टता भएको प्रतिक्रिया हामीले सुविज्ञ पाठकहरुबाट पाउने गरेका छौं । देशभित्रका महत्वपर्ूण्ा घटनाहरुबारे समाचार र विश्लेषण प्रस्तुतिको क्रममा पाठकहरुको विश्वास, सहयोग र सद्भाव प्राप्त हुँदैआएको छ । युगसम्वादको प्रकाशनलाई निरन्तरता दिन सम्वद्ध संचारकर्मी साथीहरु, वितरक एवं विज्ञापनदाताहरुको अविष्मरणीय सहयोग पनि यो प्रकाशनका लागि प्रेरणादायी बनेको छ । समयसापेक्ष युगान्तकारी परिवर्तनलाई सहर्षआत्मसात गर्दै राष्ट्र, राष्ट्रियता र प्रजातन्त्रप्रति प्रतिवद्ध रहेर राष्ट्रिय चिन्तनधारलाई प्रखर रुपमा प्रस्तुत गर्ने अठोटका साथ युगसम्वादको प्रकाशनलाई निरन्तरता दिने विश्वास यो क्षणमा प्रकट गर्न पाउँदा प्रतीक प्रकाशन र युगसम्वाद परिवार कृतकृत्य छ ।