काठमाडौं । गोर्खा भर्ती केन्द्र खारेज गर्नुपर्ने लगायतका राजनीतिक नारा निकै जोडतोडले लागिरहेको बेला ती सैनिकहरुबाट नेपालको अर्थतन्त्रमा पुगिरहेको योगदानको समेत चर्चा हुन थालेको छ । पछिल्लो समयमा नेकपा -माओवादी) र भारतीय जिम्मेवार व्यक्तिबाट समेत भर्ती केन्द्र बन्द गराउन सकिने अभिव्यक्ति आएपछि गोर्खा भूतपर्ूव सैनिकहरुले यसमा चिन्ता व्यक्त गर्न थालेका हुन् । उनीहरुले हालै रुपन्देहीमा एक पत्रकार सम्मेलन गरी भारतीय र बेलायती गोर्खा सेनाबाट नेपालमा वर्षोनी २३ अर्ब रुपैयाँ भित्रिरहेको बताएका छन् । गोर्खाली सेनामार्फ पेन्सन र अन्य बचत गरी नेपालको गर््रार्हस्थ उत्पादनको २० प्रतिशत हिस्सा ओगटिरहेको तथा भारतीय र बेलायती सेनाका दर्ुइ लाख भूपूमार्फ दस लाख भन्दा बढी परिवार आश्रति रहेको उनीहरुको दावी छ । १८१४ को नालापानी युद्धसंगै गोर्खा भर्तीमा नेपाली युवाहरूको प्रवेश भएको बताइन्छ ।

नेपालमा रहेका पर्ूव भारतीय गोर्खा सैनिकहरुको संगठन नेपाल भूतपर्ूव संनिक संघले आयोजना गरेको पत्रकार सम्मेनमा भारतको सुरक्षा र नेपालको आर्थिक उन्नतिसंग जोडिएको गोर्खा भर्तीका बारेमा बिना सुझबुझ टीका टिप्पणी नर्गन नेकपा -माओवादी) र भारतीय सरकारलाई चेतावनी दिएको छ । संघले दुवै देशको समृद्धिमा दूरगामी असर पर्ने गोर्खा भर्ती लगायतका विषयमा हल्काफुल्का ढंगले टीकाटिप्पणी गर्दा कसैको हित नहुने बताइएको छ ।

संघले पल्टनमा रहँदा आर्जन गरेको नेपालको उच्चशिक्षा, प्राविधिक ज्ञान र अनुभवबाट नेपालको आर्थिक, राजनीतिक, समाजिक र शैक्षिक विकासमा पुर्‍याएको योगदान अद्वितीय रहेको समेत जनाएको छ । गोर्खा भर्ती केन्द्रको खारेजीले दुवै देशका दूतावासले भूपू गोर्खामार्फ नेपालको विभिन्न क्षेत्रको विकासका लागि प्रत्यक वर्षप्रदान गर्दै आइरहेको झन्डै १४ अर्ब बराबरको थप रकमसमेत रोकिनसक्ने खतरा रहेको उल्लेख गरेको छ ।