काठमाडौं । २०६४ असार २१ गते महेन्द्रनगरबाट अपहरण गरिएका पत्रकार प्रकाश ठकुरीको अवस्था एक वर्षपूरै वितिसक्दा पनि अज्ञात नै रहेको छ । उहाँको स्थिति र्सार्वजनिक गर्न माग गर्दै विगत एक वर्षेखि पत्रकारहरुले बारम्बार माग गर्दै आए पनि सरकारले चासो देखाएको छैन । मानवअधिकारवादी, नागरिक समाज र राजनीतिक दलहरु पनि यसबारे केही बोलिरहेका छैनन् । नेपाल पत्रकार महासंघको केन्द्रीय अधिवेशनले पनि अपहृत पत्रकार ठकुरीको अवस्था र्सार्वजनिक गर्न माग गरेको थियो । तर दवाव सिर्जना गर्ने कुनै कार्यक्रम भएन । नेपाल पत्रकार महासंघ कञ्चनपुर जिल्ला शाखाले एक वर्षम्म पनि अपहृत पत्रकार ठकुरीको स्थिति र्सार्वजनिक नभएको विरोधमा गत आइतबार मात्रै सरकारलाई स्मरणपत्र दिएको छ ।

राजदूत सुदको गोप्य मन्त्रणा

काठमाडौं । राजनीतिक वृत्तमा आजकल 'सुद फर्मुला' लागू नभएकाले नै संविधानसभा अवरुद्ध हुने गरेको हो र 'सुद फर्मुला' लागू नहुँदासम्म अवरोध जारी नै रहने चर्चा चलिरहेको छ । भारतीय राजदूत राकेश सुदले नेपालको आन्तरिक राजनीतिमा भारतले गरेको लगानीको 'सूद' असुल गर्न धेरै प्रपञ्च गरिरहेका छन् भन्ने जगजाहेर नै छ । राजदूत सुदले दिएको फर्मुला अनुसार कांग्रेस -गिरिजा)लाई राष्ट्रपति, माओवादीलाई प्रधानमन्त्री र एमालेलाई सभाध्यक्ष बनाएर गएको भए देश अनिर्ण्र्ााो बन्दी बनिरहने पनि थिएन र अस्थिरताको नयाँ चरण पनि सुरु हुने थिएन भन्नेखालका प्रतिक्रियाहरु समेत राजनीतिक वृत्तमा सुन्न थालिएका छन् । राजदूत सुदको गोप्य मन्त्रणाले दलहरु दलदलमा फस्दै गएको पनि सुन्नमा आउने गरेको राजनीतिक सम्वादसूत्रहरु बताउँछन् ।