काठमाडौं । भारतमा सुरु भएको सत्ता समीकरणको पछिल्लो खेलले नेपालको आन्तरिक राजनीतिमा के कस्तो प्रभाव पार्ने हो भन्नेबारे राजनीतिक बौद्धिक क्षेत्रमा तीब्र उत्कण्ठा जागृत भएको छ । कांग्रेस नेतृत्वको संयुक्त राष्ट्रिय प्रगतिशील गठबन्धन सरकारबाट वाममोर्चा, बहुजन समाजवादी लगायतका केही दलहरुले र्समर्थन फिर्ता लिएपछि कांग्रेस सरकार गिर्ने अवस्थामा पुगेको छ । सरकार जोगाउन सांसद खरीद-विक्रीको ठूलो कसरत भैरहेको समाचार पनि प्रकाशमा आइरहेका छन् । सरकारले आज संसद्मा विश्वासको मत लिन प्रस्ताव प्रस्तुत गर्दैछ भने दर्ुइ दिनपछि मतदान हुने भएको छ । विपक्षी दलहरु सोनिया गान्धीको मनमोहन सरकारलाई विश्वासको मत हाँसिल गर्न नदिन एकजुट भएका छन् । गणितीय खेलमा कांग्रेस सरकार अहिलेसम्म पछाडि नै परेको समाचार विवरण आइरहेकाले भारतमा केन्द्रीय सत्ता परिवर्तन हुँदा नेपालमा पर्नसक्ने प्रभावबारे उत्सुकता बढेको हो ।

सीमावर्ती क्षेत्रमा आतंक
काठमाडौं । नवलपरासी जिल्लाका सीमावर्ती क्षेत्रका गाउँहरुमा केही दिनयतादेखि भारतका प्रहरीहरु हतियारसहित प्रवेश गरेर घुमफिर गरी र्फकने गरेका छन् । नियमित रुपमा देखिन थालेको यस्तो गतिविधिले जनमानसमा आतंक सिर्जना भएको छ तापनि यस्तो निषेधित गतिविधि रोक्न नेपालको प्रहरी र प्रशासनले कुनै चासो नदेखाएको पीडित जनताले बताएका छन् । गण्डक नहरले सिर्जना गरेको डुवान समस्या र पानीको उपभोग अधिकारबारे केही अगाडि आन्दोलनमा उत्रिएका स्थानीय वासिन्दालाई मनोवैज्ञानिक रुपले आतंकित पार्न सुनियोजित रुपमा भारतका वर्दीधारी प्रहरीहरु हतियारसहित पस्नेगरेको आशंका पीडित जनताले गरेका छन् । र्सार्वभौम मुलुकको सीमाभित्र यसरी विदेशी सुरक्षाकर्मीले चलखेल गर्न पाउने कुनै अधिकार छैन । भारतको हस्तक्षेपकारी मिचाहा नीतिबारे नेपालको सरकार र प्रशासनिक निकायहरु भने प्रतिक्रियाहीन र मौन रहेको स्थानीय जनताको भनाइ छ ।