काठमाडौं । दण्डहीनता, विधिको शासनको उपहास र अपराधिक गतिविधिको बढोत्तरीले थिलथिलो भएको नेपाली समाजमा नेकपा एमालेका नेता वामदेव गौतम उपप्रधानमन्त्री तथा गृहमन्त्री भएपछि शान्ति सुरक्षामा तात्विक परिवर्तन आउने आशा गरेका छन् । हरेक सभा, समारोह र कार्यक्रमहरुमा गृहमन्त्री गौतमले आफूले पाएको जिम्मेवारी पूरा गर्न नसके आफू कारवाही भोग्न तयार रहेको दोहोर्‍याइरहनु भएको छ । उहाँको दृढताले जनतामा राहतको आशा जगाएको छ । गौतमले कानुन हातमा लिएर अराजकता उत्पन्न गर्ने चाहे वाईसीएल हुन् वा युथफोर्स आफू कारबाही गर्न पछिनपर्ने र त्यस्तो कार्य नगर्न चेतावनी दिनुभएपछि उहाँको अभियानले सफलता पाउने आशामा जनमानस रहेको छ ।