काठमाडौं । सिद्धहस्त पत्रकार अग्निशिखा -शुकदेव नेपाल)को हिजो असोज ६ गते विहान असामयिक निधन भएको दुखद् समाचार छ । लामो समयदेखि पत्रकारिता, राजनीतिक लेखन एवं साहित्य सिर्जनामा सक्रिय रहँदै आउनुभएका ५४ वषर्ीय अग्निशिखाको यो असामयिक अवशानले सिंगो नेपाली पत्रकारिता एवं साहित्यिक क्षेत्रमा अपूरणीय क्षति पुगेको अनुभूत गराएको छ ।

२०१२ साल असार १८ गते काठमाडौंमा जन्मनुभएका दिवंगत अग्निशिखाले २०३४।०३५ सालमा नाटक र कविता लेखनबाट सामाजिक न्यायका पक्षमा आवाज उठाउँदै आउनुभएको थियो । अन्तर्रर्ााट्रय मामिलामा विशेष दख्खल राख्ने थोरै पत्रकारहरुमध्ये उहाँ एक हुनुहुन्थ्यो । २०५९ देखि २०६४ सालसम्म उहाँ नेकपा एमालेको केन्द्रीय प्रचार तथा प्रकाशन विभागको सचिव समेत हुनुहुन्थ्यो । थोरै बोल्ने तर सटिक बोल्ने उहाँको स्वभाव थियो । उहाँका- रक्तवीज -कविता संग्रह), इज्जत -नाटक), ऊ फेरि आउने छ -नाटक), शहीदकी आमा -गीतिनाटक), देश तपाईंहरुको जिम्मा -गीतिसंग्रह) लगायत अलअमेरियाको चिहान, सलाम मुक्ति योद्धा, वधशाला विरुद्ध, भोल्गाले विर्सने छैन जोया, आस्थापुञ्ज र रोजाहरुले रोजेको जीवन जस्ता अन्तर्रर्ााट्रय राजनीतिसित सम्बन्धित विश्लेषणात्मक कृतिहरु प्रकाशित छन् ।

सुप्रसिद्ध पत्रकार अग्निशिखा दक्षिण एसियाली स्वतन्त्र पत्रकार संगठन -साफ्मा)का उपाध्यक्ष हुनुहुन्थ्यो भने प्रेस चौतारी नेपालका संस्थापकमध्ये एक हुनुहुन्थ्यो । उहाँ हृदयचन्द्रसिंह पत्रकारिता पुरस्कार र छलफल सिर्जनशील पत्रकारिता पुरस्कारबाट पनि सम्मानित हुनुभएको थियो । उहाँ रेडियो नेपाल र गोरखापत्र संस्थाको संचालक समितिमा समेत रहनुभएको थियो । पछिल्लो समय उहाँ नयाँ पत्रिका दैनिकमा आवद्ध हुनुहुन्थ्यो । आइतबार पनि उहाँ आफ्नो कार्यकक्षमा व्यस्त हुनुहुन्थ्यो । आइतबार राति अचानक हृदयाघात भएपछि उहाँलाई गंगालाल हृदयकेन्द्र पुर्‍याइएको थियो । उहाँको त्यही निधन भयो । दिवंगत अग्निशिखाका श्रीमती, एक छोरा र एक छोरी हुनुहुन्छ ।