काठमाडौं । ६।६ महिनामा हुनुपर्ने नेपाल र भारतबीचको जलस्रोत वार्ता चार वर्षछि हिजोदेखि सुरु भएको छ । लामो अन्तरालपछि भएको जलस्रोत वार्तामा नेपालले आफ्ना अडानहरु कसरी राख्छ र भारतले त्यसको कस्तो सुनुवाई गर्छ भन्ने कौतुहलता व्याप्त छ । भारतकै कारण हरेक वर्षनेपालको तर्राई क्षेत्रमा बाढी र डुबान समस्या बढ्दै गएको, सप्तकोशीको तटबन्ध भत्केर पुगेको क्षति, महाकाली सन्धि तथा सोही सन्धिलाई वैधता दिन सम्झौता गरिएको पञ्चेश्वर बहुउद्देश्यीय परियोजना कार्यान्वयन, सप्तकोशी उच्चबाँध, महलीसागर, लक्ष्मणपुर, नौमुरे जलविद्युत परियोजना, महाकाली सन्धि लगायत अनगिन्ती समस्याहरु नेपाली पक्षले उठाउने बताइएको छ ।

नेपालको परिवर्तित राजनीतिक सर्न्दर्भलाई उत्साहका साथ स्वीकार गरेको र जस्तोसुकै सहयोग गर्न तयार रहेको बताउने भारतले यसपटक नेपालमा डुबान, बाढी र सीमा अतिक्रमणका विषयमा टालटुले र हेपाहा नीति नै प्रस्तुत गर्छ कि वास्तवमै सहयोगी भूमिका निर्वाह गर्छ भन्ने प्रतिक्षाकै विषय बनेको छ । वार्तामा नेपाली पक्षको नेतृत्व जलस्रोत सचिव शंकरप्रसाद कोइरालाले गर्नुभएको छ भने भारतीय पक्षको नेतृत्व भारतका जलस्रोत सचिव उमेसनाथ पञ्चियारले गर्नुभएको छ ।

होमनाथ स्मृति पुरस्कार प्रदान

काठमाडौं । मर्स्याङ्दी वाङ्मय प्रतिष्ठानद्वारा प्रत्येक वर्षप्रदान गरिने रु. दश हजार राशीको वर्ष२०६४ को 'होमनाथ स्मृति पुरस्कार' 'नेपाली भाषा साहित्यमा आन्दोलन' कृतिका लागि स्रष्टा सुकुम शर्मालाई हिजो प्रदान गरियो । लमजुङको शिक्षा प्रसारमा विशिष्ट योगदान दिनुभएका विद्वान गुरु स्व. होमनाथ सुवेदीको स्मृतिमा उहाँका सुपुत्रहरु प्रा. कोमलनाथ सुवेदी, डा. देवीप्रसाद सुवेदीर्,र् इ. ध्रुव सुवेदी र प्रा. डा. र्सर्ूय सुवेदीद्वारा स्थापित सो पुरस्कार हिजो राजधानीमा आयोजित एक कार्यक्रममा राष्ट्रकवि माधवप्रसाद घिमिरेज्यूको हातबाट प्रदान गरिएको थियो । पुरस्कार वितरण समारोहमा विख्यात स्रष्टा एवं प्रज्ञा प्रतिष्ठानका पर्ूव उपकुलपति मदनमणि दीक्षित लगायत स्रष्टा, समालोचक एवं विशिष्ट विद्वानहरुको उपस्थिति थियो ।