मुलुकको सुरक्षा नीति समयानुकूल बनाउन सकिएन भने त्यसले गम्भीर परिस्थिति सिर्जना गर्नसक्ने चिन्ता सुरक्षाविद्हरुले गरिरहेका छन् । तर मुलुकको सुरक्षा जस्तो सम्वेदनशील विषयलाई पनि राजनीतिक रंग दिइने गरिएको छ । अहिलेको आवश्यकता भनेको क्षणिक राजनीतिक लाभका लागि नीति निर्माण गर्ने नभएर मुलुकको सुदूर भविष्यलाई दृष्टिगत गरी सोही मुताविकको योजना बनाउनु रहेको छ । तर अहिलेसम्म सुरक्षा नीति बन्ने त के कुरा त्यसबारे सामान्य बहस चलाउने काम समेत भएको छैन । सुरक्षा नीति सरकारको मात्र जिम्मेवारी, चासो र सरोकारको क्षेत्र होइन । संविधानसभामा प्रतिनिधित्व गर्ने सवै दलहरुको सामूहिक प्रयासबाट बनाइएको सुरक्षा नीतिले मात्र मुलुकलाई एकतावद्ध बनाउन सक्छ । तर त्यस दिशातिर पनि कुनै प्रयास भएको छैन । मुलुकमा सुरक्षा सम्बन्धी जेजस्ता नीतिहरु कार्यान्वयमा आइरहेका छन् ती राष्ट्रिय आवश्यकता अनुसार बनेका छैनन् । पुरानै परम्परा र र्ढरामा चलेका नीतिहरु अहिलेको सर्न्दर्भमा लंगडो सावित भैसकेको छ ।