काठमाडौं । मुलुकमा राजनीतिक संकट दिन प्रतिदिन गहिरिँदै गएको छ । एक महिना अगाडि कुन शक्तिको प्रेरणाले हो संविधानसभाको म्याद थपेर सम्भाव्य वैधानिक संकट र्टार्न मध्यरातमा सहमत भएका प्रमुख तीन दलहरू तीन बुँदे सहमतिमा हस्ताक्षर गरेको मसी नसुक्दै एक आपसमा अविश्वास र दूरी बढाउने अभियानमा जुट्नुको कारण के हो - यो खोजीकै विषय छ । मुलुकमा हत्या, हिंसा, अपहरण र अराजकताको शृङ्खलावद्ध विस्तारले आम जनजीवनलाई भयभित र त्रसित पारिरहेको छ तर सरकार र प्रमुख राजनीतिक दलहरू यसप्रति पटक्कै सम्वेदनशील छैनन् । जेठ १४ गतेपछिको एक महिना तीन दलहरूबीचको हठ पर््रदर्शनमै बित्यो । प्रधानमन्त्री माधवकुमार नेपालले यसबीचमा राजीनामा गर्ने संकेत दिंदै सरकारलाई अस्थिर बनाउने काम गर्दैआएकाले सिङ्गो राज्य संयन्त्र शिथिल, गतिहीन र गन्तव्यहीन बन्न पुगेको छ । सिंगो कार्यकाल मुलुकलाई दिशाहीन र गतिहीन बनाउन समय खर्चिएको गठबन्धन सरकारले देशलाई भयावह आर्थिक संकटको खाडलमा धकेल्ने लक्षण देखा परिसकेको छ ।