|
राजनीतिक कटुताको विस्तार ः शान्ति प्रक्रिया जोखिममा
Monday, 07.20.2009, 06:28pm
काठमाडौं । सत्ताभित्र र सत्ता बाहिर रहेका प्रमुख राजनीतिक दलहरू शान्ति प्रक्रियालाई निचोडमा पुर्याउने र नयाँ संविधान निर्माण गर्ने गहनतम् जिम्मेवारी पूरा गर्नतिरभन्दा एक आपसमा कटुता बढाएर देशलाई थप अन्योल र अनिश्चितताको दिशातिर धकेल्ने अनपेक्षित कसरतमा लागेका छन् । नयाँ संविधान निर्माणका लागि संविधानसभाले पाएको जनादेशको समय छोटिँदै दश महिना पनि बाँकी नरहेको अवस्थामा पनि प्रमुख राजनीतिक दलहरू सत्ता संर्घष्ाकै अवाञ्छित खेलमा सरिक भैरहेका छन् । एकीकृत नेकपा माओवादी र कांग्रेस-एमालेबीच मतमतान्तर चुलिँदै गएकाले राजनीतिक जटिलता र संविधान नबन्ने जोखिम एकसाथ बढेको छ । सेना समायोजनको मुद्दा नटुंगिएसम्म शान्ति प्रक्रिया नै निष्कर्षा नपुग्ने र शान्ति प्रक्रिया टुंगोमा नपुगेसम्म संविधान नै नबन्ने निश्चित नै छ । संविधान निर्माणका लागि बृहद् राजनीतिक सहमति अपरिहार्य छ तापनि प्रमुख राजनीतिक दलका नेताहरू एक अर्कामाथि आरोप-प्रत्यारोपको लहर उठाएर अविश्वासको खाडल गहिर्याउने र सहमतिको विन्दु नै नभेटिने अवस्था सिर्जना गर्नेतर्फउन्मुख छन् । नेताहरूका भाँडभैलो मच्चाउने प्रकृतिका कथनहरू आन्तरिक उद्वेगकै मात्र प्रतिफल हुन् अथवा नियोजित रुपमा त्यस्तो प्रक्षेपण भैरहेको हो भन्नेबारे पनि राजनीतिक वृत्तमा अनेक तर्क वितर्कहरू जीवन्त छन् ।
|
