हेटौंडा । स्थानीय जनताको आर्थिकस्तर बढाउने र वनजंगलको संरक्षण गर्ने उद्देश्यले जिल्ला वन कार्यालय मकवानपुरले जिल्लाका विभिन्न सामुदायिक वन उपभोक्ता समितिमार्फ स्थानीय उपभोक्तालाई र्सार्वजनिक स्थल एवं जङ्गलमा चिराइतो, र्सपगन्ध, रक्तचन्दन, हर्र्रो, बर्र्रो, अमला तथा रिठ्ठाजस्ता जडिबुटी खेती लगाउने बृहत् अभियान सुरु गरेको छ ।

 

जनकपुरधाम । जनकपुरमा विषाक्त रक्सी सेवनबाट मृत्यु हुनेहरुको सङ्ख्या बढ्दै गएको छ । मृत्यु हुनेहरुको सङ्ख्या आइतबारसम्म १७ पुगेको छ । विषाक्त रक्सी सेवनपछि उपचारका लागि स्थानीय अस्पतालहरुमा जाने क्रम पनि बढ्दै गएको छ ।

टीकापुर । आफूहरुमाथिको थिचोमिचो र दानवीय व्यवहार दोहोरिएमा हतियार उठाउन बाक्य हुने चेतावनी कैलालीका मुक्त कमैयाहरुले दिएका छन् । भदौ ११ गते कैलालीको गेटा गाविसस्थित मुक्त कमैया शिविरमा भएको आगजनीको विरोधमा टीकापुरमा निकालेको विरोध र्‍याली पछि भएको कोण सभालाई सम्वोधन गर्दै मुक्तकमैया समाजका नेता जीतवहादुर चौधरीले "मुक्तकमैयामाथि दानवीय व्यवहार गरिदै छ, हामी अब धेरै थिचोमिचो सहेर बस्न सक्दैनौ, हतियार उठाउन समेत वाध्य हुने छौं'' भनेका हुन् ।

काठमाडौं । आगामी मंसिर ६ गते हुने संविधानसभाको निर्वाचनको प्राविधिक तयारी प्रभावकारी रुपमा भैरहे पनि राजनीतिक तयरी अझै हुन नसकेको सर्न्दर्भमा प्रधानमन्त्री गिरिजाप्रसाद कोइरालाले संविधानसभा निर्वाचनका विषयमा कुनै पनि नकारात्मक टीकाटिप्पणी नगर्न सबैसँग आग्रह गर्नुभएको छ । प्रधानमन्त्री कोइरालाले गृह मन्त्रालयद्वारा हालै आयोजित संविधानसभा निर्वाचन सुरक्षासम्बन्धी अनुशिक्षणको उद्घाटन गर्दै उक्त कुरा बताउनुभएको हो ।

भैरहवा । राजधानीबाहिर भएका पत्रकारितासंग सम्बन्धित सबैभन्दा वृहत भेला हालै लुम्बिनीमा सम्पन्न भयो । नयाँ नेपालका लागि स्वतन्त्र, व्यवसायिक र प्रभावकारी सञ्चार भन्ने नाराका साथ सञ्चालन भएको 'मोफसलको मिडियाः सम्भावना एवं चुनौती' विषयक राष्ट्रिय सञ्चार सम्मेलन संविधानसभा निर्वाचन सम्पन्न गर्न क्रियाशील हुने प्रस्तावनासहित १५ बुँदे लुम्बिनी घोषणापत्र जारी गर्दै सम्पन्न भयो ।

काठमाडौं । आगामी मंसिर ६ गते संविधानसभाको निर्वाचन हुने नहुने विवाद उठिरहेको बेला संविधानसभा निर्वाचनका लागि नेपाली संचार क्षेत्रको भूमिकाका बारेमा चर्चा गरियो । नेपाल पत्रकार महासंघद्वारा गत आइतबार आयोजित आगामी संविधानसभा निर्वाचन र नेपाली मिडियाको भूमिका सम्बन्धी कार्यशालाका अधिकांश वक्ताहरुले जनआन्दोलन-२ बाट प्रााप्त उपलब्धिहरुलाई संस्थागत गर्नका लागि संविधानसभा अनिवार्य रहेको र यसका लागि संचारको भूमिका विशेष रहने धारणा व्यक्त गरे ।