युगसम्बाद साप्ताहिक
Yugasambad Saptahik
Monday, 12.18.2017, 11:52pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
विशेष रिपोर्ट
 
गायक बिष्ट सिकिस्त : उपचारका लागि खर्चको अभाव
Tuesday, 09.12.2017, 11:53am (GMT+5.5)

कलाकारको भौतिक देह मर्छ, तर, उसले छाडेर गएको कला कहिल्यै मर्दैन । कला र कलाकारको महिमा कहिल्यै राउँदैन । तापनि नेपालमा कलाको तारिफ गर्ने अनि कलाकारको वेवास्ता गर्ने प्रवृत्ति छ । मरेपछि उसकको गुणगान गाउने गरिन्छ । सिर्जनाको जति तारिख गरिन्छ, त्यसको सर्जकको उत्तिकै वेवास्ता । विगतदेखि वर्तमानसम्म सर्जक–सिर्जनाको व्यथा हेर्दा यस्तै देखिन्छ । न राज्य गम्भीर छ, न त्यो सिर्जनामा रमाउने आम मानिस नै ।
अहिले यस्तै एउटा सर्जक मृत्युसंग संघर्ष गरिरहेको छ– सात समुद्रपारी । “म मौनतामा अल्झिएको एउटा जीवन, कहाँ जाने, कसलाई सोध्ने, कसलाई खोज्ने ?” भन्दै आफ्नो जीवन रक्षाका लागि पुकार गरिरहेको छ । तर, न विदेशमा रहेर नेपाल र नेपालीप्रति चिन्ता जाहेर गर्दै भाषण गर्नेहरुको ध्यान गएको छ, न त स्वदेशमा कला–कलाकर्मीहरुका संघसंस्थाहरुले चासो दिएका छन् ।
यहाँ सन्दर्भ उठाउन खोजिएको छ ‘पप सम्राट’ ओमविक्रम बिष्टको । गायक विष्ट यतिबेला अमेरिकामा रोगसंग संघर्ष गरिरहेका छन् । नेपाली संगीतलाई अलग धारमा मोड्ने गायक बिष्ट अमेरिकामा थला परेका छन् तर बिष्टको बारेमा काठमाडौं मात्रै हैन संसारका ७० भन्दा बढी देशामा संगठित भएका नेपालीहरु नै बेखबर जस्तै छन् । पप सम्राट ओम विक्रम विष्ट अमेरिकाको न्यूयोर्कमा उपचार खर्चको अभावमा बसिरहेका छन् । विष्टको दुबै मृगौला फेल भएको छ र प्रत्यारोपण आवश्यक छ । चिकित्सहरुले त्यसको विकल्प अर्को नभएको बताइसकेका छन् ।
अमेरिकामा छोरी ज्वाईको साथमा बस्दै आएका बिष्ट यतिबेला हप्तामा तीनपटक डाइलोसिस गरिरहेका छन् । आफू आर्थिक संकटमा परेको बताउँदै उनी भन्छन छोरी– “ज्वाइँको घरमा पाहुना लागेर उपचार गरिरहेको छु । दुवै मृगौला फेल भएको छ । हप्तामा ३ दिन डाइलोसिसका लागि अस्पताल जानुपर्छ ।”
त्यसो त बिष्टका बारेमा अनर्गल प्रचार पनि भएका छन् । उनी सम्पन्न मान्छे हुन्, अमेरिकामा स्थायी बसोबास अनुमति पाएका छोरीको संरक्षणमा छन् । उपचार गर्न गाह्रो छैन । विष्टको उपचारका विषयले अमेरिकामा विरोधाभाषी कुरा पनि आए । उनलाई पैसा उठाउन खोजेको आरोप पनि लगाइयो । नौ महिनादेखि नियमित उपचार गराइरहेका पपसम्राट ओमविक्रम विष्ट यस्ता प्रश्नहरुको उत्तर दिंदा आक्रोश व्यक्त गर्छन– “म बिरामी मान्छे । अहिलेसम्म कति खर्च भयो हिसाबकिताब नै छैन ? म कसरी हिसाब देखाऊँ ? उपचार मात्र हो र ? अमेरिकाको न्यूयोर्क जस्तो महँगो शहरमा बसेर खान पनि त खर्चै लाग्छ नि ! त्यसमाथि पनि म त बिरामी ।”
“डाक्टरले भनेअनुसारको खाना खानुपर्छ, पथ परेजमा बस्नुपर्छ । डाइलाइसिस गर्नलाई मात्र त इन्सुरेन्सले बेहोर्छ । अस्पताल जाँदा–आउँदा र औषधिमा लाग्ने अन्य खर्च इन्सुरेन्सले बेहोर्दैन ।” म यस्तो बिरामी छु, यतिबेला उपचार सहयोग गर्नुको साटो करोडौं रुपैयाँ उठाएर भाग्न लागेजस्तो गरी मिडियाले पनि मेरै खैरो किन खन्नुपर्यो” भन्दै गायक विष्टले मिडियामाथि आक्रोश पोखे । दुवै मृगौैला फेल भएर जीवन मरणको दोसाँधमा छट्पटिएको शिथिल शरीर र समयमै उपचार होला कि नहोला भन्ने अन्योलले पनि हुन सक्छ, गायक विष्टको त्यो चिड्चिडाहटलाई अस्वाभाविक हैन ।
विष्ट अस्वस्थ भएको समाचार फाट्टफुट्ट आए पनि अमेरिकाको कुनै पनि सञ्चारकर्मीले फोनसम्म नगरेको गुनासो उनको छ । “अहिलेसम्म कुनै पत्रकारले मलाई फोनसमेत गरेका छैनन् । मलाई यहाँका पत्रकारदेखि अति नै चित्त दुखेको छ । शारीरिक रुपमा अशक्त भएपछि आशा र भरोसा सबैको लाग्दो रहेछ । जतिबेला म तन्दुरुस्त थिएँ तिनै पत्रकारले मेरो अन्तरवार्ता छाप्थे, मेरा सांगीतिक कार्यक्रमहरुलाई प्राथमिकतासाथ पत्रपत्रिकामा ठाउँ दिन्थे अहिले मेरो यस्तो अवस्था हुँदा मलाई साथ नदिएको भान हुन्छ ।”
नौ महिनादेखि नै क्रिएटिनिन र ब्लड सुगरको समस्या देखिएपछि उपचार गराउँदै आएका विष्टको स्वास्थ्य पछिल्लो समय निकै बिग्रिएको छ । दुबै मृगौलाले काम गर्न छोडेपछि उनी कहिले घर र कहिले हस्पिटल गरेर दिन बिताइरहेका छन् । न्यूयोर्कको अपस्टेटमा रहेको एम्स्र्टन सेन्ट मेरिज हस्पिटलमा १२ दिन बसेर भर्खरै मात्र फर्किएका उनी हाल अपस्टेटस्थित छोरीको घरमा बसिरहेका छन् । ६३ वर्षीय विष्टको स्वास्थ्य बिग्रिँदै गएर श्वास फेर्न गाह्रो भएपछि ३ दिनसम्म भेन्टिलेटरमा बसेको बताए ।
डाइलाइसिस गराइरहेका उनले अब जतिसक्दो चाँडो मृगौला प्रत्यारोपण गराउनु पर्नेछ । तर, अमेरिकामै उपचार गराउने हो भने मृगौला प्रत्यारोपणका लागि पाँच वर्ष पर्खनुपर्ने हुन्छ । अमेरिकाको किड्नी पेसेन्ट्स एसोसिएसनले डोनर पाउन कम्तीमा पाँच वर्ष पर्खनुपर्ने बताएपछि उनको परिवारले भारत लगेर प्रत्यारोपण गर्ने योजना बनाएको छ । साथै, मृगौला दान गर्ने व्यक्ति पनि तयार हुनुपर्छ । बिष्ट भन्छन्– “मलाई माया गरेर एक–दुई ठाउँबाट मृगौला दान दिन तयार हुनुभएको छ । सबै चाँजोपाँजो मिलेपछि मात्रै उपचार सम्भव छ । अहिले यत्रो खर्च जुटाउन निकै अप्ठेरो परेको छ । तर पनि हालसम्म मैले कसैसँग मागेको थिइँन । कसैसँग एक रुपैयाँ लिएको पनि छैन ।”
आर्थिक सहयोग संकलनका विषयमा गायक बिष्टले चित्त दुखाउँदै भने– कसैकसैले भन्छन् रे गायक विष्ट आफैं सम्पन्न व्यक्ति हो, किन चाहियो उसलाई दुनियाँको सहयोग ? त्यस्तो राय व्यक्त गर्नेहरुका लागि गायक विष्टले भने मेरो घरबार पूरै बेच्यो भने त उपचार गर्न सकौंला तर पनि मेरो सिंगो जीवन नेपाली संगीत क्षेत्रमा लगाएको छु । के मेरो मृगौला उपचारका लागि घरबार पूरै बेचौं ।’ विष्टको उपचार खर्च जुटाउने उद्देश्यले अमेरिकामा ‘गो फण्ड मी’ नामक अनलाइन साइटमार्फत आर्थिक संकलन अभियान चलाइएको छ ।
नेपाली संगीतमा एउटा अध्यायको सुरुवात गर्ने गायक हुन बिष्ट । जतिबेला हिन्दी शैलीका गीतहरुले बजार पिटिरहेको थियो त्यतिबेला बिष्टले पाश्चात्य शैलीका गीत गाएर नेपाली आधुनिक संगीतको भण्डार भर्न योगदान दिए । बिष्टकै अनुसरण गर्दै आज सयौं गायकहरु सोही पथमा हिंडिरहेका छन् । के बिष्टलाई आदर्श मान्नेहरुले मात्रै पनि उनको उपचारका लागि सक्रियता देखाउँदा सबैलाई दवाव पथ्र्यो कि ।


Rating (Votes: )   
Share     Print


Other Articles:
मधेशवादी दलसँग निर्वाचनमा सहभागी हुनुको विकल्प छैन (05.24.2017)
ती महिनामा बन्यो मुसहर बस्ती (04.18.2017)
हिंसा सहेरै बस्न बाध्य छन् ग्रामीण भेगका महिला (11.29.2016)
एउटा नाटक जसले हराएकाहरूको खोजी गर्छ (09.06.2016)
जनताको घर बनाउन ढुंगा–माटो बोक्दै धुर्मुस–सुन्तली (05.17.2016)
फेरिंदैछ राउटेको जीवनशैली (02.10.2015)
अपार स्रोत र दक्षिण एसियामा ऊर्जाको स्थिति (11.25.2014)
मधुमेह रोगबारे समयमै ध्यान दिन आग्रह (02.17.2014)
नेपाली समाजको यथार्थ चित्रण : झोला (02.10.2014)
आतंक अब साइबर टेरोरिजमको - इन्द्र आचार्य (09.10.2013)



 
::| Latest News

 
[Page Top]