युगसम्बाद साप्ताहिक
Yugasambad Saptahik
Monday, 04.06.2020, 03:42pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
विचार विवेचना
 
आजको दिशाहीन राजनीतिक चरित्र - महेश्वर शर्मा
Monday, 03.23.2020, 09:03am (GMT+5.5)

साम्राज्यवादीको चकचकी भएको बेलामा पनि आफ्नो पृथक र स्वतन्त्र अस्तित्व जोगाएर बसेको नेपाल आज नेपालीहरुकै अविवेकले गर्दा शंकटापन्न अवस्थामा पुग्ने हो कि भन्ने जगजगी भएको छ । यसको कारण के भने आज राजनीतिक दलहरु सिद्धान्त र आस्थाका आधारमा नभएर जातित्व र प्रान्तका आधारमा विभाजित हुने मानसिकतामा पुगेर पार्टी नै खोलेको पनि देखिएकै हो । यसको अर्थ दलहरुको आधार नै खलबलिएको सिथति बुझ्न सकिन्छ । प्रान्त छुट्याउने र एकल पहिचानन खोज्ने नारा पनि सुनिएकै हुन् ।
यो विभाजनकारी अभियान माओवादीले राष्ट्रको एकता नै चुँडिने गरी आँखा चिम्लेर जसले जे माग्छ त्यही दिन्छौं भनेर उत्ताउलो व्यवहार देखाउन थालेपछि आउन थालेको हो र यसमा कतिपय बुद्धिजीवी समेत विचलित हुन पुग्दा प्रजातन्त्र नै कतै ‘बाँदरको हातमा नरिवल’ हुने त होइन भनेजस्तो सोचनीय स्थिति आउनुलाई दुर्भाग्यपूर्ण विडम्बना नै सम्झनु पर्दछ । मिलेर बसेका सबै जातजातिले आआफ्नै डम्फू बजाउन थाल्ने हो भने देश सग्लो रहला ? विचारणीय प्रश्न हो यो ।
२०६२ सालको आन्दोलनले नयाँ आशाको बीउ रोपेको थियो, तर विस्तारै त्यो बीउ त भाले बीउको रुपमा देखिन थालेपछि अर्थात् सत्ताधारी नै चरम भ्रष्ट भएको देखेर जनता निराश हुँदै गएका छन् । राजतन्त्र फालेर गणतन्त्रमा मनपरी गर्न पाएपछि सामाजिक जीवनमै विचलन आएको छ । मन्त्री नै भ्रष्टाचारका आहालमा चुर्लुम्म भएको देखेको युवापुस्ताले कस्तो शिक्षा ग्रहण गर्ला सोचनीय स्थिति छ । 
आजको अराजक स्थिति, मनपरीतन्त्र, अनुशासनहीनता, चारित्रिक अधःपतन पराकाष्टामा देखिनु र सरकारमा हुनेहरु नै त्यसैमा संलग्न देखिनुबाट परिवर्तनकै औचित्य समाप्त भएको छ । जनता पनि बाँच्नुपर्छ भन्ने शुद्धि नै सरकार चलाउनेहरुमा आएको देखिएन । अधिकार पाएपछि मान्छे कसरी बिग्रदोरहेछ भन्ने उदाहरण नै आजको सरकार भएको अनुभव जनतालाई छ ।
आज प्रेस स्वतन्त्रता, अभिव्यक्ति स्वतन्त्रता भएर पनि अवस्था जस्ताको तस्तै भनेजस्तो छ । ती स्वतन्त्रता त टाठाबाठा, गाँठवाला र पहुँच भएकालाई मात्रै भएका छन् । लोकतन्त्र–गणतन्त्र शब्द त शक्तिशालीका हतियार भएका छन् । उनीहरुका अगाडि कानुन, नियम समेत पाखा लाग्छन्, अनि पाखुरेहरुकै तानाशाही चल्छ । प्रजातन्त्रमा जनताले अनुभव गर्न पाउनुपर्ने मुख्य कुरा सुरक्षा हो । तर आज त्यही सुरक्षित हुँदैन भने अरु के आशा गर्न सकिन्छ । यथार्थमा आजको राजनीति नै दिशाहीन भएको छ । आजको चुनाव जित्न अधिकांश ठेकेदार र व्यापारी मात्र समर्थ छन् । त्यस्ता प्रतिनिधिबाट जनकल्याणको आश गर्नु भनेको भाले रुखबाट फलको आशा राख्नु जस्तै हो ।
यो सानो देशमा मन्त्रीका जन्ती छन् । संघ र प्रदेशकै मन्त्रीको लस्कर लामो छ । त्यसपछि पालिकाहरुमा भुरे टाकुरे रजौटाहरुको ठूलो भीड छ । तैपनि जताततै गुनासै गुनासा सुनिन्छन् । सबैभन्दा बढी गुनासा त प्रधानमन्त्रीकै सुनिन्छ । जनताले गुनासा गर्न नपाउन भनेर उहाँले छेके हाल्न खोज्नुभएको त होइन ? नत्र उहाँलाई के नपुग्दो भएर गुनासा सुनाउनु  हुन्छ ? राम्रा काम भए त गुनासा नहुनुपर्ने ! जनचाहना अनुसार काम नभएर जनताले गुनासा गर्नु त स्वाभाविकै हो । तर, प्रधानमन्त्री नै गुनासो गर्ने भएपछि त सोच्नैप¥यो– अब जनताले उहाँका लागि के गरिदिनु प¥यो ? अधिकार जति उहाँकै मुठीमा छ । राष्ट्रपति बनाउने सामथ्र्य समेत उहाँमै छ भने अब के पुगेन ? जनताका लागि यो बुझिनसक्नु पहेली भएको छ ।
जनताले चाहेजस्तो नभए पनि प्रधानमन्त्री र उहाँको सरकार एवं पार्टीले चाहेजस्तो त भएकै छ नि । सरकारमा भएकाहरुका चारित्रिक दुर्बलताका कारण जनताले चाहे अनुसार काम हुन नसकेको यथार्थलाई प्रधानमन्त्री स्वीकार गर्नुहुन्छ कि हुन्न, कुन्नि त्यो वास्तविकतालाई आत्मसात गरेर अघि बढेमा उहाँकै उचाई थपिने थियो । तर भजनमण्डलीको दह्रो पर्खालबाट बाहिर निस्केर गृहदृष्टि लगाउन पो उहाँलाई गाह्रो होला । उहाँले त्यो आँट गर्नसके जनता कसरी लुटिएका छन् र देश कसरी खँगारिदैछ भन्ने दृश्य छर्लङ्ग हुने थियो ।
जनताले चाहेको अहिले एउटै कुरा पूरा गरिदिनोस् प्रधानमन्त्री जी ! त्यो हो केन्द्रदेखि गाउँतहसम्म सरकार चलाइरहेकाहरुको चारित्रिक दृर्बलता र भ्रष्ट प्रवृत्तिको उपचार । जनताका लागि अहिले त्यत्ति भए पनि ठूलो उपकार हुनेछ । जनता अहिले प्रधानमन्त्रीजीको पूर्ण स्वास्थ्यलाभको कामना गरिरहेका छन् ।


Rating (Votes: )   
Share     Print


Other Articles:
सत्ता र पैसाले ल्याएको आजको विचलन - महेश्वर शर्मा (02.12.2020)
अर्थतन्त्रमा सकारात्मक परिवर्तन ल्याउने हिम्मत भए !- तारा सुवेदी (02.12.2020)
जनकपुरधाम धार्मिक पर्यटनको केन्द्र बन्दै – अजयकुमार साह (01.14.2020)
सरकारले फितलोपन देखाउन हुँदैन - महेश्वर शर्मा (01.14.2020)
सत्तामा पुगेर मैंमत्ता नवन, मित्रहरु !- तारा सुवेदी (01.14.2020)
आजको परिस्थिति : दोषी को ?- तारा सुवेदी (12.17.2019)
राजनीति अब कमाउने धन्दामा परिणत ! - महेश्वर शर्मा (12.17.2019)
आज देशको स्थिति र लाटो साथीको कविता - महेश्वर शर्मा (11.27.2019)
निवृत्त राष्ट्र सेवकहरुको अभिव्यक्ति स्वतन्त्रतामा प्रतिबन्ध किन ? - तारा सुवेदी (11.27.2019)
सीमा अतिक्रमण : जानाजान गरेको हेपाई- महेश्वर शर्मा (11.14.2019)
नेपाल र नेपाली हेपिनुको कारण र समाधान ? - तारा सुवेदी (11.14.2019)
सरकार नै नसच्चिएसम्म यहाँ केही हुँदैन - महेश्वर शर्मा (10.22.2019)
“अभिवादन र बधाई” के.पी. ओलीलाई तर... - तारा सुवेदी (10.22.2019)
चिनियाँ र नेपाली जनताको सपना र भाग्य सँगै जोडिएको छ– राष्ट्रपति सी (10.15.2019)
सकियो दशैं ! कतिले बुझे नारी शक्तिको महिमा र महत्व ? - गीता श्रेष्ठ (10.15.2019)
भारतमा कश्मीरको विलयले नेपालमा पार्ने प्रभाव ? - तारा सुवेदी (10.15.2019)
चिनिया राष्ट्रपतिको भ्रमणः नेपालको अपेक्षा र जोखिम- तारा सुवेदी (10.02.2019)
छोराछोरी अभिभावकको खोक्रो ‘सान’को भरिया मात्र हैनन् - गीता श्रेष्ठ (09.25.2019)
भूमि संशोधन विधेयकले ल्याएको हलचल - महेश्वर शर्मा (09.25.2019)
सरकारप्रतिको जन धारणा ? - तारा सुवेदी (09.25.2019)



 
::| Latest News

 
[Page Top]