युगसम्बाद साप्ताहिक
Yugasambad Saptahik
Tuesday, 08.21.2018, 03:13pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
दृष्‍टिकोण
 
धुलो हटाउन पानी, चिप्लिएर दुर्घटना
Tuesday, 01.02.2018, 01:48pm (GMT+5.5)

- यादब देवकोटा
काठमाडौं उपत्यकाका धेरै सडक अहिले पनि धुलो र हिलो छ । कारण मेलम्चीको पाइप विस्तार र सडक विस्तार । अहिले कतिपउ सडकमा धुलो हटाउन हालिएको पानीले हिलाम्ये हुने गरेको मात्र हैन चिप्लिएर दुर्घटना नै हुन थालेका छन् । यात्रुहरु सकसपूर्ण यात्रा गर्न बाध्य छन । स्थानीय निकाय गठन भएपछि अहिले ठाउँठाउँमा दिनको ३–४ पटक पानी हाल्ने गरिन्छ । यसले धुलो त हट्छ तर दुर्घटना बढ्न थालेको छ ।
धुलो हटाउन पानी छ्याप्ने कामले तीब्रता पाएसंगै दुर्घटना पनि बढेपछि स्थानीयबासीहरुमा अर्को चिन्ता थपिएको छ । पानी हाल्न रोकौं धुलोले बसिनसक्नु, हाल्यो दुर्घटना । विशेष गरी दुईपांग्रे सवारी साधन बढी दुर्घटनामा पर्न थालेका छन् । एक गतिमा आइरहेको मोटरसाइकल अकस्मात चिप्लो ठाउँमा पुगेपछि असन्तुलित भै पछारिन पुग्छ । अहिलेसम्म जनको क्षति नभएकाले यो ठूलो समाचारको विषय बनेको छैन । 
राजधानीभित्रका विभिन्न सडक खण्डको समस्या यस्तै छ । केही समय अघिसम्म सडकको बीचमा हात्ती छिर्ने खाल्डा लामो समयसम्म त्यत्तिकै राखिएका कारण ठूलठूला दुर्घटना भए । सामाखुसीमा एक विद्यालय छात्राको वर्षाको समयमा खाल्डामा परेर मृत्यु भयो । गाडी, मोटरसाइकल खाल्डामा खसेका घटना त कति हो कति ? सडकको अवस्था तत्काल सुधार गर्ने महानगरपालिका र सरकारी निकायको प्रतिबद्धता कागजी घोषणा मात्र सावित भएको छ । 
अचम्मको कुरा त के छ भने सडकमा ग्राभेल राखेर पेल्ने काम भएपछि ढलको मगल बनाउन सुरु हुन्छ । केही समय राहत पायो फेरि सडकको समस्या उस्तै । यो क्रम आधा दशकदेखिको हो । विकास निर्माण गर्ने निकायहरुबीचको आपसी समन्वयको अभावमा यस्तो भैरहेको छ ।
काठमाडौंका सडकको जिम्मा विभिन्न निकायलाई छ । मेलम्ची खानेपानी आयोजना, महानगरपालिका, सम्बन्धित नगरपालिका अनि सडक विभाग । तर, एउटाले बनाएकोमा अर्कोले खन्ने, अर्कोले बनाएपछि फेरि अर्कोले खन्ने काम निरन्तर जारी रहँदा सडक कहिले बन्ने हो र राजधानीबासीले कहिले धुला र खाल्डोमुक्त हुने हो पत्तो छैन ।
एक वर्षअघि सर्वोच्च अदालतले सडक विस्तार र मेलम्ची खानेपानीको पाइप विच्छ्याउन खनिएको सडकका कारण काठमाडौं ‘धुलोमाडौं’ बनेपछि धुलो नउड्ने विधि अपनाउन आदेश दिएको थियो । त्यसपछि पानी हाल्ने काम त भयो, तर सडकको अवस्थामा भने खासै सुधार भएको छैन । 
उपत्यकाको सडक निर्माणका कारण वायु प्रदूषण बढेको जनाउँदै अदालतले काठमाडौँ उपत्यकाको सडक निर्माण गर्दा धुवाँधुलो न्यूनीकरण गर्ने विधि अपनाएर मात्र निर्माण गर्न सम्बन्धित निकायलाई अन्तरिम आदेश दिएको थियो । सो आदेशसंगै तत्काल धुलो न्यूनीकरण भए, नभएको निरीक्षण र अनुगमन गर्न, गराउनसमेत समेत आदेश दिइएको थियो ।
काठमाडौं उपत्यकाको सडक विस्तार र खानेपानी पाइप बिछ्याउने काममा सडक विभाग, मेलम्ची खानेपानी आयोजना, काठमाडौं उपत्यका विकास प्राधिकरण र काठमाडौं महानगरपालिकाको अग्रसरता देखिनुपर्ने भए पनि सबै झारा टार्ने शैलीमा मात्रै प्रस्तुत हुँदा महानगरबासीले पाउनुसम्म सकस पाइरहेका छन् ।
अहिलेको अवस्थाले उपत्यकाबासीको आयु ५ वर्ष घटेको विज्ञहरुले बताइरहँदा पनि सरकारको ध्यान गएको छैन । अहिलेको सडक विस्तारको काममा भएको ढिलासुस्तीको कारण ठेकेदार र सरकारी निकायको वेवास्ता बाहेक केही हैन । अनि ठेक्का पार्न दिइएको कमिशनको पूर्तिकै लागि निर्माणकार्य ढिलो हुने गरेको छ ।
नाम नबताउने शर्तमा एक ठेकेदारले केही समय अघि भनेको कुरा स्मरणीय छ । “८० करोडको ठेक्कामा १४ करोड कमिशन दिनु परेपछि कसरी काम समयमा सकिन्छ र गुणस्तरीय हुन्छ ? दुई वर्ष नलम्बाएसम्म सावा पनि उठ्दैन ।” अहिले भैरहेको यही हो ।
विगत केही वर्षयतादेखिको राजधानीको सडकको अवस्थाले पैराणिक–ऐतिहासिक शहर काठमाडौं विश्वका प्रमुख दश प्रदूषित शहरभित्र परेको छ । काठमाडौं अहिले अव्यवस्थित शहर मात्र हैन पर्याप्त सडकको अभाव र भएका सडकको नाजुक अवस्था अनि सवारी साधनको बढ्दो भिडले अरु कुरुप बन्दैगएको छ । 
सीमित घेराभित्र विश्व सम्पदाका सात सम्पदाहरु रहेको काठमाडौं उपत्यका प्रमुख पर्यटकीय नगरमा विश्वचर्चित रहे पनि पछिल्लो समय वर्षामा हिलैहिलो र हिउँदमा धुलैधुलोका कारण मुलुकको पर्यटन व्यवसायलाई नै नकारात्मक असर पारिरहेको छ । आर्थिक समृद्धि र स्मार्ट सिटीको नारा घन्काएर चुनाव जितेकाहरु कता, कुन कुनामा के गरेर बसिरहेका छन् पत्तो छैन । राजधानीको सडकमा हिंड्ने र गुड्ने जो कोही अहिले सम्बन्धित निकायका अधिकारीलाई धिक्कारिरहेका छन् । 
सडक मर्मत र सुधारको नाममा बजेट सक्ने काम मात्रै भैरहेको छ । सडकका खाल्डा ग्राभेलमात्र हालेर पुर्दा भोलिपल्ट उस्तै अवस्थामा परिणत हुने गरेका छन् । कतिपय ठाउँमा सवारी साधन गुड्दागुड्दै पनि ग्राभेल उक्किने गरेको छ । 


Rating (Votes: )   
Share     Print


Other Articles:
कहिले छोड्ने बाटो बूढाहरुले ? (12.26.2017)
अबको लफडा प्रदेशको राजधानी ! (12.19.2017)
निर्वाचनको साथर्कता तब हुन्छ... (12.12.2017)
मत तान्ने नै भए पनि सही निर्णय (12.05.2017)
दश वर्षमा मुलुकको परिवर्तनको यथार्थ (11.28.2017)
जो घरभित्रै असुरक्षित छन्... (11.24.2017)
यति धेरै खर्च सबै अनुत्पादक (11.15.2017)
निर्वाचनको महाकुम्भमा मुलुक (11.07.2017)
वाम एकताले ल्याएको तरंग (10.11.2017)
कर्मकाण्डमा सीमित वी.पी. सिद्धान्त (09.12.2017)
प्रथालाई कानुन बनाउन मिल्छ ? (09.06.2017)
प्रकृतिसंग निकट रहने नै प्रकोपको मारमा (08.29.2017)
विपत्तिलाई राजनीतिक रङ्ग नदिउँ (08.15.2017)
‘डोक्लाम’मा आँसु चुहाउने ‘लिपलेक’ नदेख्ने ? (08.08.2017)
सबथोक छ, तर जनताले केही पाएनन् (07.26.2017)
दार्जिलिङ आन्दोलन र नेपालीको भावना (06.28.2017)
निर्वाचन सार्नुको औचित्य के ? (06.22.2017)
हिमालमा लामखुट्टे नाँच्न थाले... (06.15.2017)
राष्ट्रवाद पनि ‘अन्धो–बहिरो’ हुन्छ र ? - यादब देवकोटा (05.31.2017)
दर्शना, शाक्य र थापाको सन्देश (05.24.2017)



 
::| Latest News

 
[Page Top]