युगसम्बाद साप्ताहिक
Yugasambad Saptahik
Wednesday, 12.19.2018, 10:37am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
दृष्‍टिकोण
 
सस्तो बजारका सस्ता सामान र मन्त्री
Tuesday, 04.24.2018, 01:20pm (GMT+5.5)

- यादब देवकोटा
एउटा मन्त्रीको काम के हो ? उसले सम्हालेको मन्त्रालयको जिम्मेवारी के हो ? मन्त्री मन्त्रालयमा बसेर मन्त्रणा गर्ने कि सस्तो लोकप्रियताका लागि सुरुवालको इजार कस्दै भाषण गर्न कुद्ने ? यो प्रश्न आम नेपालीको हो र हामीले लामो समयदेखि यस्तै देखिआएका छौं । मन्त्रीको काम भनेको सभा, समारोह वा कुनै कार्यक्रममा उद्घाटन गर्ने, विमोचन गर्र्नेे । अर्थात् पानसमा बत्ती बाल्ने, रिवन काट्ने, भाषण गर्ने अनि जाने । यो क्रम दिनमा थुप्रैपटक हुँदैआएका छन् । मन्त्री भनेको उद्घाटन नै गर्ने हो, कार्यक्रममा गएर भाषण मात्रै गर्ने हो भन्ने भान आमरुपमा छ ।
कतिपयले विगतमा उद्घाटन गर्ने काममा जान्न भने । तर, पारा उही ! मन्त्री भएपछि त्यस्तो कार्यक्रममा गएन भने चर्चा नै नहुने । संचार माध्यममा छाउनै नसकिने । हुन पनि हो गतिलो काम गरे पो चर्चामा आउनु, संचारमा छाउनु । काम गर्नु केही छैन । बगम्फुसे भाषण गरेरै कार्यकाल बिताउनेहरु धेरै थिए र अहिले पनि छन् । 
के हामीले यो प्रथा तोड्न सक्दैनौं । कार्यक्रममा मन्त्रीलाई बोलाउने चलन हटाउन सक्दैनौं ? मन्त्री नै बोलाउनुपर्ने कार्यक्रम भैरहेका हुन्छन् त ? त्यस्तो नभए पनि राजनीतिक दलसंग निकट रहेका संस्थाको कार्यक्रम हुन्छ, मन्त्री नगए पार्टीभित्र बिरोध सुरु हुन्छ । विचरा मन्त्रीहरुलाई मात्र के दोष ? विषयगत कार्यक्रममा जानुपर्छ, विज्ञहरुका कुरा छन् भने झनै जानुपर्छ र सुन्नुपर्छ । तर हाम्रा मन्त्रीहरु कार्यक्रमको अन्त्यतिर पुगेर छेउ न टुप्पोका भाषण गरेर फर्कन्छन् । आयोजकलाई मन्त्री आए पुग्यो । त्यसबाट देशलाई, समाजलाई के लाभ भयो ? त्यो वास्ता छैन । मन्त्रीसंग बसेर फोटो खिचाउन पाए सबैलाई पुग्यो ?
अब देश समृद्धको दिशातिर लम्कन्छ भनिएको छ । वर्तमान सरकारले काम गर्ने दृढता जनाएको छ । तर, मन्त्रीहरुलाई अझै पनि सम्मान खान, दोसल्ला र खादा भिर्न अनि किलोका किलो फूलको माला लगाउनमै फुर्सद छैन । कसैलाई गृह जिल्लामा, कसैलाई सम्बन्धित जातीय संगठनले, कसैलाई कुन व्यवसायीले, कसैलाई कसले सम्मान गर्ने गरिरहेका छन् । यो सम्मानको अर्थ के होला ? नाजायज लाभ लिन चाकरी गरेको हो कि वा मन्त्रीलाई राम्रो कामको शुभकामना दिन मात्र ?
अब समय आएको छ । मन्त्रीहरुले जस्तोसुकै कार्यक्रममा नजाने वातावरण बनाउनुपर्छ । बरु यसका लागि मन्त्रिपरिषद्बाटै निर्णय गराएर एउटा “उद्घाटन मन्त्री”का रुपमा विनाविभागीय मन्त्री राखेर उनलाई नै सबै उद्घाटन, विमोचन, सभा, सम्मेलनको अतिथि बनाउन पठाइदिए कसो होला ? 
हुन त प्रधानमन्त्री नै सानातिना कार्यक्रममा गएर मीठा भाषण गरेर वातावरणलाई हँसाउँदै, फुर्काउने गर्नुभएकै छ भने उहाँका मन्त्रीहरुले गरे त के भयो ? तर, यसको असर मुलुकको समृद्धिमा र विकासमा कति पर्छ भन्ने ख्याल गरिएको छ कि छैन ? एउटा मन्त्रीले दिनको दुईवटा उद्घाटन गर्दा खर्च हुने समय मन्त्रालयमा बसेर विकासका योजनामा खर्च गर्ने हो भने त्यो कति लाभकारी हुन्छ । अर्कोतिर यसले मन्त्रीहरुको गरिमा पनि बढाउँछ । 
अबको समय भाषण हैन, काम गर्ने हो । दुई तिहाई बहुमतको सरकारका मन्त्रीहरु पनि उद्घाटन, भाषण, विमोचनमै अल्मलिने हो भने काम गर्ने कसले ? केही मन्त्रीहरुले कामको संकेत दिइसकेका छन् । तर पनि उनीहरुको समय भेटघाट, उद्घाटन, रिवन काट्नमै खर्च भैरहेको छ । त्यसैले अब मन्त्रीहरुलाई विषयगत बाहेक अन्य कार्यक्रममा उपस्थित नहुने गरी आचारसंहिता नै लागू गर्नुपर्दछ ।
सम्माननीय प्रधानमन्त्रीज्यू,
तपाईले देखेको समृद्ध नेपालको सपना पूरा गर्ने तपाईका सारथि मन्त्रीहरु नै हुन् । उनीहरुले पूरा समय लगनका साथ काम गरे भने मात्र तपाईको सपनाले साकार रुप लिनेछ । यसका लागि तपाईले नै उनीहरुलाई आचारसंहितामा बाँध्नुपर्दछ । अनि कम्तिमा आफ्नो पार्टी र पार्टीका भातृ–भगिनी संगठनले आयोजना गर्ने कुनै पनि कार्यक्रममा प्रधानमन्त्री–मन्त्रीलाई नबोलाउने निर्णय गराउनु पर्दछ ।
किनभने “परिवर्तन चाहनेले पहिला आफूमै परिवर्तन ल्याउनु पर्दछ” । तपाईले त्यसो गर्नुभयो भने सम्मानको नाममा पैसा तिरेर मन्त्रीका हातबाट सम्मानपत्र लिने र दोसल्ला ओढ्ने–ओढाउनेहरु घट्नेछन् । काठमाडौंमा केही वर्षयता ‘तपाईलाई फलानो मन्त्रीको हातबाट सम्मानित गरिंदैछ, हाम्रो संस्थालाई अलिकति आर्थिक सहयोग गर्नुप¥यो’ भन्दै मन्त्रीको नाम बेचेर पैसा कमाउने धन्दा चलिरहेको छ । 
अब कार्यक्रममा जाने कि नजाने व्यक्तिको इच्छा होला, तर मन्त्री एक व्यक्ति मात्र हैन । उ चौबीसै घण्टा राष्ट्रको सेवक हो । उसले आफूलाई ‘सस्तो बजारको सस्तो सामान’का रुपमा हैन, देश निर्माणको योद्धाका रुपमा प्रस्तुत गर्नुपर्छ, यसका लागि उनीहरुले उद्घाटन, विमोचन जस्ता कार्यक्रम हैन, विकास आयोजनाको अनुगमन, निरीक्षणतिर समय व्यतित गर्नुपर्दछ । 
तसर्थ, 
अब यस्ता कार्यक्रमहरुमा मन्त्री नभै नहुने हो भने एकजनालाई ‘उद्घाटन मन्त्री’ बनाएर राखे कसो होला ? हैन भने कामगर्ने समयमा मन्त्रीहरु हलभित्र निदाउने हो भने त्यसको के अर्थ, पविर्तनको के महत्व अनि समृद्धि नेपालको सपना कसरी पूरा होला ? आगे यहाँहरुको मर्जी !


Rating (Votes: )   
Share     Print


Other Articles:
अब सिंहदरबार पनि धुर्मुसलाई दिए हुन्छ (04.12.2018)
सानो कुरामा खुसीले उफ्रने हामी (04.03.2018)
इशाईकरणको अर्को अध्याय ‘गाई काण्ड’ (03.27.2018)
विमानको इतिहास, उडान र दुर्घटना (03.20.2018)
स्रोत नभएर हैन सोच नभएर गरीब (03.06.2018)
सरकारलाई धुर्मुस–सुन्तलीको चुनैति (02.20.2018)
सुन्दा राम्रो, गर्न सकस पार्ने निर्णय (01.30.2018)
स्वच्छ वातावरण र यज्ञको सम्बन्ध (01.25.2018)
बल्ल खुल्यो बुद्धिको बिर्को (01.09.2018)
धुलो हटाउन पानी, चिप्लिएर दुर्घटना (01.02.2018)
कहिले छोड्ने बाटो बूढाहरुले ? (12.26.2017)
अबको लफडा प्रदेशको राजधानी ! (12.19.2017)
निर्वाचनको साथर्कता तब हुन्छ... (12.12.2017)
मत तान्ने नै भए पनि सही निर्णय (12.05.2017)
दश वर्षमा मुलुकको परिवर्तनको यथार्थ (11.28.2017)
जो घरभित्रै असुरक्षित छन्... (11.24.2017)
यति धेरै खर्च सबै अनुत्पादक (11.15.2017)
निर्वाचनको महाकुम्भमा मुलुक (11.07.2017)
वाम एकताले ल्याएको तरंग (10.11.2017)
कर्मकाण्डमा सीमित वी.पी. सिद्धान्त (09.12.2017)



 
::| Latest News

 
[Page Top]