युगसम्बाद साप्ताहिक
Yugasambad Saptahik
Monday, 10.22.2018, 11:46pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
दृष्‍टिकोण
 
दुई तिहाईको सरकारका यो गति ?- यादब देवकोटा
Tuesday, 09.25.2018, 12:27pm (GMT+5.5)

दशैंको मुखमा दुई प्रमुख घटनाले सरकारलाई गलाएको छ । यी घटना यातायातसंग सम्बन्धित छन् । यातायात क्षेत्रको सिण्डिकेट तोड्यौं भनेर गर्वगर्ने सरकारलाई यातायात व्यवसायी र मजदुरहरुले घुँडा टेकाइदिए । उनीहरु मौकाको प्रतिक्षामा थिए । पाए दशैं । यातायात व्यवसायीले आफ्ना माग पूरा नभए अग्रिम टीकट बुकिङ नगर्ने घोषणा गरे भने इन्धन आपूर्ति गर्ने ट्यांकर चालकहरुले पनि हड्ताल गरे । पाँच दिन इन्धन आपूर्ति नहुँदा काठमाडौं लगायत देशभर हाहाहार भयो ।
अन्ततः यातायात व्यवसायीको माग अनुसार १० प्रतिशत भाडा वृद्धि हुने भयो । दशैंको शुभकामना सार्वजनिक यातायातको भाडा १० प्रतिशत वृद्धिले गरेर दिइयो । सरकारले के गर्नुपथ्र्यो र के ग¥यो भन्ने यसमा बहस र टिप्पणी नगरौं, तर सरकारमा रहेका दलका नेताहरुले सरकार असफल पार्ने खेल भयो भन्ने टिप्पणीमाथि भने केही लेख्नैपर्ने भएको छ।
सरकार असफल पार्न को लागिपरेका छन् ? दुई तिहाईको सरकार कसरी असफल हुन्छ ? आफ्नै कारणले कि विपक्षीको कारणले ? आफ्नै कारणले असफलताको दिशातिर तीब्रगतिमा कुदिरहेको सरकारले आफ्नो उपस्थितिबोध कहीं कतै गराउन सकेको छैन । एकपछि अर्को आकर्षक निर्णय, अनि ती निर्णयहरुको फितलो कार्यान्वयन सरकारको असफलता हो । सरकारले जनताले अनुभूत गर्ने गरी कुनै काम गर्न सकेको छैन । चर्का र आकर्षक भाषण अनि दुई तिहाईको दम्भ देखाएर सरकारको बिरोध गर्नेलाई अरिङ्गलले झै झम्टन निर्देशन दिंदा आम जनतामा कस्तो भान पर्ला ? सरकारले सोचेकै छैन ।
सरकारका नराम्रो कामको बिरोध गर्न नपाइने, सत्तापक्षले गरेका भ्रष्टाचारको कुरा संचारमाध्यममा आउनै नहुने, आए पत्रकारलाई अपराधीलाई जस्तो जेल कोच्ने कामले सरकारले कुन मार्ग तय गर्न खोजेको हो भन्ने प्रष्ट छैन ।
सरकारको आधा वर्षको गतिविधिले जस्तो सरकार बने पनि काम गर्ने संस्कार र संस्कृति नभएपछि मतले मात्रै केही हुँदो रहेनछ भन्ने देखाएको छ । दुई तिहाईको सरकार बने पनि सरकार संचालकहरु बढी गफ, काम कममै व्यस्त देखिएका छन् । सत्तारुढ दलका नेताहरु सरकार असफल पार्ने षड्यन्त्र हुन थाल्यो भन्दै कमजोरी लुकाउने प्रयासमा छन् । योभन्दा नालायकी अरु केही होइन । पछिल्लो समय देशमा महिला हिंसा (बलात्कार)का घटना बढ्न थालेको छ । अझ बालिका बलात्कारका घटनाले समाज त्रस्त छ, छोरी जोगाउने चिन्तामा छन् बाबुआमाहरु । सरकार अपराधी पत्ता लगाउन असक्षम भैरहेको छ । अनि यस्तोमा सत्तारुढ दलका अध्यक्ष नै भन्छन्– “हत्या, हिंसा, बलात्कार जस्ता घटना सरकार बिरुद्धको नियोजित षडयन्त्र जस्तो लाग्न थालेको छ ।”
हिजो जनतालाई संविधान बनेपछि सबै कुरा पाइन्छ भनेर आश्वासन दिए । आज काम गर्न खोजेको हो गर्नै दिएनन् भनेर जनताको ध्यान अन्तै मोडन खोजिंदैछ । अहिले प्रमाणित भएको एउटा तथ्य के हो भने नेपालमा विकास नभएको ऐन, नियम, कानुन नभएर हैन कि नियत, संस्कार र क्षमता नभएर हो । यसको ज्वलन्त उदाहरण काठमाडौं लगायत देशका अधिकांश क्षेत्रका सडक, खानेपानी, विद्युत तथा भूकम्प पीडितहरुको आवास निर्माणको अवस्था नै काफी छ । यी काम समयमै गर्न केले रोक्यो सरकारलाई ? संविधानको कुन धाराले छेक्यो अनि छेकेको भए सच्याउन कसले रोक्यो ? संसदमा दुई तिहाई बोकेर बसेको सरकारलाई किन यस्तो गाह्रो ?
कामगर्न नसक्ने अनि सरकारमा बसेका दलका नेताहरु सरकार असफल पार्ने षड्यन्त्र हुन थालेको आरोप लगाउँछन् । तर, त्यस्तो षड्यन्त्र कहाँबाट भैरहेको छ भन्ने उनीहरु मुख खोल्न सक्दैनन् । खासमा सरकार असफल सरकारमा बस्नेहरुबाटै भैरहेको छ । जनताको अपेक्षा अनुसारका काम गर्न नसक्नेहरु सरकारमा बसेपछि सरकार स्वाभाविक रुपमा असफल हुन्छ । अरुलाई दोष दिएर उम्कने अवस्थामा अब कोही पनि छैनन् । 
हिजोसम्म एक वर्षका एक सरकार बनेकाले विकास भएन भन्दै बहुमत माग्नेहरुले बहुमत मात्रै होइन प्रचण्ड बहुमत पाए । अब कामगर्न रोक्ने को ? यसअघि राजतन्त्रले विकास भएन भनियो, त्यो हट्यो, संविधान चाहियो भनियो, त्यो आयो, संघीयता चाहियो भनियो त्यो पनि आयो । अब जनताले सुख पाउनबाट कसले रोक्यो ? रोक्नेहरु सिंहदरबारमै छन् ।
२०१५ सालदेखि यता पहिलोपटक दुई तिहाईको सरकार बनेको छ । तर, सरकार ट्यांकर चालक र यातायात व्यवसायीसंग घुँडा टेक्छ । यी परिदृश्य देख्दा लाग्छ सरकार हावा भरेको बेलुन हो, जो देख्दा छ अजंगकै देखिन्छ तर, एउटा छेस्कोले पनि फुट्छ । समयमै आवश्यक तयारी गरेको भए, स्पष्ट नीति बनाएर कार्यान्वयनमा कडाई गरेको भै अहिलेको अवस्था आउने थिएन । सरकारले सुरुमा जुन गति लिएको थियो र जुन उत्साह देखाएर जनतालाई भरोसा दिलाएको थियो त्यो अब मर्दैछ, कारण के हो ? सरकारमा रहेकाहरु र सरकार चलाउने पार्टीका नेताहरुले समीक्षा गर्ने बेला आयो ।


Rating (Votes: )   
Share     Print


Other Articles:
काठमाडौंको कष्ट फोहर (09.11.2018)
पाँच हजार वर्षअघिको समाजवाद - यादब देवकोटा (09.04.2018)
नेपाल धनी हुन्छ पानी बेचेर - यादब देवकोटा (08.28.2018)
भ्रम, विभाजन र हिनताले ग्रस्त युवा (08.14.2018)
जीवन सकिए पनि विचार अमर हुन्छ - यादब देवकोटा (07.25.2018)
सक्रिय मनसुन र विपत्तिको त्रास (07.10.2018)
चुनावी चर्चा - सातपटक प्रधानमन्त्री हुने देउवाको दावी (06.12.2018)
मन्त्रीहरू करोडपति, जनता कहिले ? - यादब देवकोटा (05.30.2018)
गरे त हुँदोरहेछ नि ? - यादब देवकोटा (05.08.2018)
सस्तो बजारका सस्ता सामान र मन्त्री (04.24.2018)
अब सिंहदरबार पनि धुर्मुसलाई दिए हुन्छ (04.12.2018)
सानो कुरामा खुसीले उफ्रने हामी (04.03.2018)
इशाईकरणको अर्को अध्याय ‘गाई काण्ड’ (03.27.2018)
विमानको इतिहास, उडान र दुर्घटना (03.20.2018)
स्रोत नभएर हैन सोच नभएर गरीब (03.06.2018)
सरकारलाई धुर्मुस–सुन्तलीको चुनैति (02.20.2018)
सुन्दा राम्रो, गर्न सकस पार्ने निर्णय (01.30.2018)
स्वच्छ वातावरण र यज्ञको सम्बन्ध (01.25.2018)
बल्ल खुल्यो बुद्धिको बिर्को (01.09.2018)
धुलो हटाउन पानी, चिप्लिएर दुर्घटना (01.02.2018)



 
::| Latest News

 
[Page Top]