युगसम्बाद साप्ताहिक
Yugasambad Saptahik
Thursday, 11.21.2019, 11:38am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
दृष्‍टिकोण
 
युक्रेनको चुनावी नतिजा नेपालले के सिक्ने ? - यादब देवकोटा
Tuesday, 04.30.2019, 01:49pm (GMT+5.5)

संसारभर हाँस्य कलाकारहरुको लोकप्रियता अन्यको तुलनामा उच्च छ । हलिउड, बलियउडदेखि नेपालमै पनि हाँस्य कलाकारहरुको चर्चा र लोकप्रियता शिखरमा छ । नेपालमा एक हाँस्य कलाकार जोडीले त राज्यले गर्नुपर्ने काम गरेर अर्को उचाई छोइरहेका छन् र उनीहरुलाई देशको जिम्मा दिनुपर्ने आवाज उठिरहेको छ ।
एकातिर कलाकारहरु देश विकास गर्दै जाने अर्कोतिर सरकार केही नगरी गफ चुटेर बस्ने गर्दा जनताले विकल्प खोज्न थालिसकेको राजनीतिक विश्लेषकहरुले बताइरहँदा युक्रेनमा हालै सम्पन्न पहिलो चरणको राष्ट्रपतीय निर्वाचनमा ४१ वर्षीय हाँस्य कलाकार भोलोदिमिर जेलेन्स्की भारी मतले विजयी भए ।
युक्रेनी जनताले राजनीतिक नेतृत्वको विकल्प खोजे र यस्तो पात्रलाई शासक रोजे जो जनतालाई सधैं हँसाइरहन्थे । हुन पनि अबको केही समयपछि उनको भूमिका बदलिनेछ । राजनीतिमा कुनै अनुभव नभएका जेलेन्स्की पछिल्लो चुनावमा राष्ट्रपति पेट्रो पोरोसेन्कोलाई ठूलो मतान्तरले पराजित गरेका हुन् । यसको एउटै कारण हो स्थापित राजनीतिक नेतृत्वप्रति जनतामा उत्पन्न निराशा । विकल्प खोज्दा युक्रेनी जनताले ४१ वर्षीय जेलेन्स्कीलाई ७३.२ प्रतिशत मत दिए उनका निकटम प्रतिद्वन्द्वी पेट्रोले २४.४ प्रतिशत मत पाए ।
करिब ४ करोड २० लाख जनसंख्या रहेको युक्रेन पछिल्ला वर्षहरूमा भ्रष्टाचार, अर्थतन्त्रमा छाएको मन्दी तथा पूर्वी भेगमा रूसी समर्थनमा झइरहेको सशस्त्र संघर्षबाट युत्रेन आक्रान्त छ । यसको विकल्पमाा जनताले कुनै राजनीतिक दलका नेता नरोजेर हाँस्य कलाकार रोजे । यो विश्व राजनीतिका लागि एउटा नमूना पाठ हो ।
आज नेपालको अवस्था युक्रेनको भन्दा कम छैन । अर्बौं अर्बका भ्रष्टाचारका काण्ड मच्चिएका छन् । विकास निर्माणका काम नारामा मात्र छ । सुख र समृद्धिको आकर्षक नारा भट्याएर जनतालाई सुविधाको साटो सकस दिइरहेको छ । सरकारले गर्न चाहेर पनि केही गर्न नसकेको देखिन्छ । हुन त प्रधानमन्त्री मन्त्रीहरु सरकारले विकासको लहर ल्याएको दावी गरिरहेका छन् तर जनताले देखेकै छैन त्यो लहर ।
नेपालमा तीन तहको सरकार छ, नारामा सिंहदरबारको अधिकार गाउँगाउँमा पुग्यो भनिएको छ तर गाउँमा विकासको नाममा विनाश मच्चिएको छ । भूकम्प पीडितका लागि सरकारले एकीकृत बस्ती समेत बनाउन सकेको छैन । सम्पदाहरुको पुनःनिर्माणको हालत उस्तै छ । यस विपरीत एक हाँस्य कलाकार जोडी (धुर्मुस–सुन्तली)ले भूकम्प पीडितलाई दुईवटा बस्ती बनाइदिए भने महोत्तरी र रौतहटका मुसहर र बाढी पीडितका लागि एकएकवटा नमूना बस्ती बनादिए । अहिले पनि त्यो जोडी मुलुकको सेवामा सक्रिय छ । उनीहरुलाई राजनीतिमा आउन आव्हान भैरहेको छ आम जनताबाट ।
अहिले यो जोडी सरकारले नै गर्नुपर्ने काम गर्न लागिपरेको छ । भरतपुरमा अन्तर्राष्ट्रिय क्रिकेट रंगशाला बनाउन, जुन रंगशाला विश्वकै लागि नमूना हुने दावी छ । यी सबै कामा गर्ने कलाकारले हो कि सरकारले हो ? यस्तै गतिविधि र अवस्था कायम रहिरहने हो भने नेपालको आगामी निर्वाचनमा युक्रेनको परिणाम दोहोरियो भने आश्चर्य नमाने हुन्छ । हो नेपालमा प्रत्यक्ष निर्वाचित कार्यकारीको व्यवस्था नभएका कारण पनि जनताले विकल्प खोज्न अप्ठ्यारो परेको हो । यदि विकल्प नै खोज्नुपरे अहिलेको शासक–विपक्षी दलहरु कता पुग्छन् भन्न सकिन्न यदि नसुध्रने हो भने ।
युक्रेनी मतदाताले जस्तो मतपरिणाम आउने गरी भोट हाले त्यो नेपालका राजनीतिक दलका नेताहरुलाई गतिलो पाठ त हो नै यस विपरीत जनतालाई पनि सचेत पार्ने एउटा प्रभावकारी उदाहरण हो । अहिले नेपालमा दुई तिहाईको वामपन्थी सरकार छ । समाजवाद उन्मुख अर्थतन्त्रको ग्यारेन्टी संविधानले गरेको छ तर एकपछि अर्को अर्बौंको भ्रष्टाचारका काण्ड सार्वजनिक भैरहँदा समाजवाद कि नेतावाद भन्ने निरुत्तरित प्रश्न उठेको छ । यस्तै अवस्था कायम रहिरहने हो भने कुनबेला जनता जाग्ने हुन र त्यसपछि के हुने हो यसै भन्न सकिने स्थिति छैन ।
बालुवाटार जग्गा विक्री प्रकरणले जनताको मनमा आक्रोश उत्पन्न गराइरहेका बेला खुलामञ्चमा अवैध तरिकाले सटर बनाएर भाडा खाएको तथ्य खुलेपछि जनता सडकमै उत्रिए । कामनपाले तत्काल डोजर लगाएर टहरा भत्कायो । अब प्रश्न ती सटरमा पसल थाप्नेहरुलाई क्षतिपूर्ति कसले दिने ? उनीहरुका सामान पनि नष्ट भएका छन् । सटर हटाउनु एउटा पक्ष हो भने त्यसरी सटर बनाउनु र बनाउन दिनेलाई कारबाही सबभन्दा महत्वपूर्ण पक्ष हो । के सरकारले त्यहाँ सटर बनाएर भाडा खानेलाई अनि सटर बनाउन दिनेलाई कारबाही गर्न सक्ला ? यदि यति काम गर्ने हो भने सरकारमाथि झिनो आशा पलाउने छ । 
अहिले एनलेसको झण्डै पौने खर्ब रुपैयाँ बराबरको लाभकर नतिर्नका लागि अनेक दाउपेच रचिएको छ । सरकारले त्यो कर असुल्ने हो भने सो रकमबाट अर्को माथिल्लो तामाकोशी बनाउन सकिन्छ । 
हो सरकारले यस्तो काम गर्ने चासो नदेखाएर विकासको हावादारी गफल मात्रै छाँटिरहने हो भने युक्रेनको नियतिको शिकार हुनुपर्ने छैन भनेर कसैले भन्न सक्दैन । दुई वर्षअघि फ्रान्समा पनि यस्तै भएको थियो । त्यहाँ राजनीतिमा कमै मात्र नाम सुनिएका युवा इमान्युयल म्याक्रोले स्थापित राजनीतिक दलका नेताहरुलाई धुलो चटाएका थिए । अब समय छ नेताहरुले आफ्नो विकल्प कोही छैन भनेर मनपरी गर्ने हैन कि आआफ्नो दलबाट नभए सडकबाट विकल्प खडा हुन सक्दोरहेछ भन्ने तथ्यलाई बुझेर काम गर्ने आगे उनीहरुकै मर्जी !


Rating (Votes: )   
Share     Print


Other Articles:
अपूर्व धार्मिक सहिष्णुताको नमूना : यादब देवकोटा (04.25.2019)
विक्रम संवत जीवनचर्याको शास्त्रीय गणित- यादब देवकोटा (04.16.2019)
सुरक्षित बस्ती नै विपत्तिबाट जोगिने उपाय - यादब देवकोटा (04.10.2019)
जोखिममा पर्दैछ इन्टरनेट खेलले युवा पुस्ता - यादब देवकोटा (04.04.2019)
पैसामा रमाउँदा पतन हुँदैछ समाज - यादब देवकोटा (03.28.2019)
जेनेभामा उठेको ग्रेटर नेपालको आवाज - यादब देवकोटा (03.18.2019)
चाकरी–चाप्लुसी र भजनमण्डली - यादब देवकोटा (01.01.2019)
मानिसलाई पशु बनाउने खेल - यादब देवकोटा (12.11.2018)
नेपाली कांग्रेस अब कुन बाटो हिंड्ने - यादब देवकोटा (11.20.2018)
भत्ता हैन उद्यमशील बनाउने हो कि- यादब देवकोटा (10.10.2018)
रुख काट्नै नहुने हैन तर सफा नियतले- यादब देवकोटा (10.02.2018)
दुई तिहाईको सरकारका यो गति ?- यादब देवकोटा (09.25.2018)
काठमाडौंको कष्ट फोहर (09.11.2018)
पाँच हजार वर्षअघिको समाजवाद - यादब देवकोटा (09.04.2018)
नेपाल धनी हुन्छ पानी बेचेर - यादब देवकोटा (08.28.2018)
भ्रम, विभाजन र हिनताले ग्रस्त युवा (08.14.2018)
जीवन सकिए पनि विचार अमर हुन्छ - यादब देवकोटा (07.25.2018)
सक्रिय मनसुन र विपत्तिको त्रास (07.10.2018)
चुनावी चर्चा - सातपटक प्रधानमन्त्री हुने देउवाको दावी (06.12.2018)
मन्त्रीहरू करोडपति, जनता कहिले ? - यादब देवकोटा (05.30.2018)



 
::| Latest News

 
[Page Top]