युगसम्बाद साप्ताहिक
Yugasambad Saptahik
Monday, 09.23.2019, 08:45pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
दृष्‍टिकोण
 
वीपी–पुष्पलाल र राष्ट्रिय मेलमिलाप
Tuesday, 07.30.2013, 03:40pm
नेपाली क्रान्तिका दुई पात्रहरूको स्मृति दिवस अघिल्लो हप्ता मनाइयो । प्रजातन्त्र र समाजवादबाट मुलुकको रुपान्तरण गर्नुपर्छ भन्ने मान्यता राख्ने वीपी कोइराला र साम्यवाद नै मुलुकको आवश्यकता हो भन्दै क्रान्तिमा होमिएका पुष्पलाल दुई विपरीत राजनीतिक सिद्धान्तका अनुयायी भए पनि यी दुबैको उद्देश्य मुलुकमा शान्ति, स्थिरता, जनअधिकार र आर्थिक–सामाजिक विकासका साथ राष्ट्रिय एकता र सार्वभौम अखण्डता मजबुत बनाउने थियो, मेलमिलापको माध्यमबाट राष्ट्र बचाउने थियो । 
राजनेता बन्ने कि राष्ट्रिय आवारा ? - दयालबहादुर शाही
Wednesday, 07.24.2013, 12:44pm
नेपालको राजनीतिमा प्रभाव पार्ने अन्तिम र सवोच्च शक्ति नेपाली जनता नै हुन् । खेतमा किसानको मेहनतले मात्र धान फल्छ, नत्र घाँसपातको साम्राज्य फैलने गर्दछ । सानो मुलुकमा जनताको जागरुकता र एकताले मात्र जनताको राजनीति विजयी हुन्छ, नत्र बाह्य हस्तक्षेप र प्रतिगमन बलशाली भैदिन्छ । 
अब पशुपतिनाथले मात्र मुलुक बचाउने !
Wednesday, 07.17.2013, 11:40am
राष्ट्रिय राजनीतिमा देखापरेको अहिलेको दृश्यले यो मुलुक कसरी चलिरहेको छ र कसरी टिकिरहेको छ भन्ने कुतुहलता जागृत छ । आम मानिसमा यतिबेला मुलुक पशुपतिनाथ र रेमिट्यान्सले मात्र धानिरहेको टिप्पणी गर्न थालेका छन् ।
अपेक्षित वातावरणको अभाव
Tuesday, 07.09.2013, 08:45am
संविधानसभाको निर्वाचनले मुलुकको राजनीतिक गतिरोधको अन्त्य गर्छ भन्ने अपेक्षित वातावरण तयार हुन सकेको छैन । राजनीतिक नेतृत्वमा देखिएको चरम उदासिनताले गर्दा मुलुकमा निर्वाचनको सहज वातावरण समेत बन्न सकेको छैन । निर्वाचन जसरी पनि गराउने र निर्वाचन हुनै नदिने पक्षबीच सम्भावित द्वन्द्वको त्रासले सिंगो मुलुक अहिलेदेखि नै त्रसित बन्न पुगेको छ ।
मनोमानीले हद नाघ्यो
Friday, 07.05.2013, 07:31pm
आर्थिक विकासका लागि निजी क्षेत्रको अपरिहार्यताको नारा घन्काउने उद्योग वाणिज्य संघ लगायतका संघसंस्थाले पनि पानी जस्तो वस्तुमा हड्ताल गर्नु हुन्न भन्न सकेन । राजनीतिक नाममा उद्योग–व्यवसाय बन्द हुँदा बन्द सदाका लागि बन्द हुनुपर्छ भन्दै आवाज उठाउने व्यवसायीहरू उनीहरूले सेवा बन्द गर्दा भने चुपचाप रहे । 

आशंका निवारणमा देखिएका चुनौति
Wednesday, 06.26.2013, 12:27pm
राजनीतिक दलहरूबीचको आशंका, आक्रोश, पूर्वाग्रह, आरोप–प्रत्यारोपको शृङ्खला चिर्दै सरकारले आउँदो मंसिर ४ गतेका लागि संविधानसभाको निर्वाचन घोषणा गरेको छ । निर्वाचनको घोषणासंगै जनतामा निर्वाचन हुन्छ कि भन्ने झिनो आशा पलाएको भए पनि राजनीतिक परिस्थितिले आशंकालाई नै बल पुर्याउने काम गरिरहेको छ । प्रमुख भनिने चार राजनीतिक दलहरूले संविधानसभाको निर्वाचनलाई सफल बनाउन जसरी अग्रसरता देखाउनु पर्ने थियो त्यो पटक्कै छैन ।
यत्रोविधि विद्यार्थी अनुत्तीर्ण हुनुको कारण के हो ?
Tuesday, 06.18.2013, 02:49pm
एसएलसीको नतिजालाई हेर्ने हो भने प्रत्येक वर्ष उत्तीर्ण दर घटिरहेको छ । दुई वर्षयता करिब आठ प्रतिशतभन्दा बढीले उत्तीर्ण दर घटिरहेको छ । यतिधेरै संख्यामा विद्यार्थी अनुत्तीर्ण हुनु शैक्षिक पद्धति र परीक्षा प्रणालीको मात्र दोष हो कि यसका कारक अरु पनि छन् भन्ने अहिले गम्भीर बहसको विषय बनिरहेको छ ।
मानवीय सम्वेदनशीलता हराउँदै
Wednesday, 06.12.2013, 12:18pm
असहाय, दीन–दुःखीलाई सेवा गर्नु परम धर्म हो भन्ने नेपाली परम्परा विस्तारै हराउँदै गएको छ । असशक्त, रोगी, शारीरिक कमजोरी भएका, वृद्ध–वृद्धा र महिलाहरूलाई सहयोग गर्ने परम्परा पनि अब हराउँदै गएको छ । वृद्धवृद्धाको सेवाको नाममा पशुपति वृद्धाश्रममा गएर वर्षको एकदिन मिठाई, कपडा र कम्बल बाँड्ने काम हुने गरेको छ । उता दैनिक जीवनमा त्यस्ता व्यक्तिहरूलाई उपलब्ध गराइएको सुविधा समेत बलिया बांगाले नै हडप्ने गरेका छन् । 
शिर उठाउने मौका खेर नफाल
Wednesday, 06.05.2013, 02:55pm
यतिबेला मुलुकको शिर निहुरिएको छ केही राजनीतिक दलका स्वार्थी नेताहरूका कारण । इतिहासमै नेपाल यति कमजोर, विदेशीको चलखेल र समस्यै सस्याको चंगुलमा फसेको थिएन । यसको कारण नेपाल भूमि पनि होइन र नेपाली जनता पनि होइनन् ।
वर्षा सुरु भएपछि कस्तो होला काठमाडौको हालत ?
Tuesday, 05.28.2013, 08:12am
मञ्जुश्रीले चोभारको डाँडो काटेर पानीको निकास खोलेपछि काठमाडौं उपत्यकामा मानव वस्तीको विकास भयो भन्ने पौराणिक कथा छ । सो कथा अनुसार राजधानी उपत्यका ठूलो तलाउ थियो । यसको भूबनोट हेर्दा पनि हो जस्तै लाग्छ । कचौरा आकारका उपत्यका घना आवादीका लागि उपयुक्त नभए पनि सेवा, सुविधा र अवसरको केन्द्रीकृत अवस्थाले गर्दा राजधानीमा धान्नै नसकिने चाप परेको छ । यसैका कारण राजधानी उपत्यकाले अनेक किसिमका समस्या भोगिरहेको छ । 

जनताले सम्झिरहने मदन भण्डारी
Tuesday, 05.21.2013, 07:56am
नेपाली वामपन्थी आन्दोलनलाई उचाइमा पुर्याउन महत्वपूर्ण भूमिका खेल्नुभएका मदन भण्डारी र पार्टीको संगठन विस्तारमा अचम्मैको कौशल देखाउनु हुने नेकपा एमालेका तत्कालीन संगठन विभाग प्रमुख जीवराज आश्रितको योगदानको व्याज एमालेले अहिलेसम्म पनि खाइरहेको छ । मदनको राजनीतिक दृष्टिकाण र आश्रितको संगठनकला यतिबेला धुमिल छ । एमालेको स्पष्ट दृष्टिकोण नै छैन भन्ने आरोप लागिरहेको छ भने संगठनमा गुटबन्दी तीब्र छ । 
बन्द फिर्ता : जनतालाई दुःख नदिने निर्णय !
Tuesday, 05.14.2013, 02:33pm
विश्वमै सबैभन्दा बढी बन्द, हड्ताल, चक्काजाम हुने मुलुक नेपाल पर्दछ । देशभरको आँकडा हेर्ने हो भने ३६४ दिनमा २०० दिनभन्दा बढी कुनै न कुनै किसिमको बन्द, चक्काजाम, हड्ताल भएको पाइन्छ । यस्तो कार्य गर्नेमा राजनीतिक दल, तिनका भातृ संगठन र विभिन्न समूहहरू रहेका छन् । जुनसुकै वहानामा पनि नेपाल बन्द, उपत्यका बन्द, चक्का जाम जस्ता जनतालाई दुःख दिने काम व्यापक रुपमा भैरहेका बेला ११ विद्यार्थी संगठनले भने पूर्व निर्धारित बन्दका कार्यक्रम स्थगित गरे । त्यसै गरी निर्वाचनको विरोध गर्दैआइरहेका नेकपा–माओवादी सहितका ३३ दलले पनि हिजोको लागि आव्हान गरिएको नेपाल बन्द फिर्ता लिए ।
दिल्लीमा प्रचण्डको प्रशंसै प्रशंसा !
Tuesday, 05.07.2013, 08:08am
प्रधानमन्त्री हुँदा प्रधान सेनापति प्रकरणपछि विग्रिएको भारतसंगको सम्बन्ध सुधार्न तीन वर्षभन्दा बढी समयसम्म मेहेनत गर्नुभएका एमाओवादी अध्यक्ष प्रचण्डको सपना अन्ततः साकार भएको छ । भारतमा उहाँले पाउनुभएको मान सम्मान र भारतीय नेताहरूले गरेको प्रशंसाले प्रचण्डको महत्वकांक्षा अरु चुलिएको छ । भारतपरस्त भनेर आरोप लाग्ने डरले भारतभन्दा पहिले चीन भ्रमणमा जानुभएका अध्यक्ष प्रचण्डले भारतलाई आफू भारत विरोधी नभएको प्रमाणित गर्ने उपायको खोजीमा निरन्तर लागिपर्नुभएकोमा कसैको पनि विमति छैन ।
प्रजातन्त्र–लोकतन्त्र र गणतन्त्र
Monday, 04.29.2013, 07:21pm
वैशाख ११ गते, मुलुकमा लोकतन्त्र प्राप्त भयो भनिएको दिन । भित्री कुराहरू छाड्ने हो भने नेपाली जनताले गरेको अभूतपूर्व संघर्षको प्रतिफल नै लोकतन्त्र हो र त्यसैको जगमा घोषणा भएको गणतन्त्रले पनि लगभग आधा दशक पार गर्न लागिसक्यो । जनता रैतिबाट सार्वभौमसत्ता सम्पन्न भए भन्दै नेताहरूले गरेको हुँकार अहिले यति ठूलो झूठ सावित भएको छ कि नेताको आकांक्षा, उनीहरूको चाहना, उनीहरूको गतिविधि नै जनताको आकांक्षा, चाहना र गतिविधि मान्नुपर्ने विडम्बना छ । 

सहमतिको प्रयास नहुनु अशुभ संकेत
Monday, 04.22.2013, 06:58pm
नेकपा–माओवादी सहित ३३ दल सडकमा छन् । ती दललाई निर्वाचनमा सहभागी गराउने उद्देश्यले गम्भीर गृहकार्य हुन सकेको छैन । चार राजनीतिक दल सरकारभन्दा माथि रहेको दम्भ देखाइरहेका कारण उनीहरूले विपक्षी दलहरूलाई सहमतिमा ल्याउने किसिमले सार्थक प्रयास थालेका छैनन् । चार दलमध्येको सबभन्दा ठूलो दल एकीकृत नेकपा माओवादीको निषेधवादी प्रवृत्तिका कारण मोहन वैद्य नेतृत्वको माओवादीलाई संवाद प्रक्रियामै ल्याउन चाहेन ।
कांग्रेसको त्रिवेणी भेलाको निहितार्थ
Tuesday, 04.16.2013, 07:54am
संविधानसभाको पुनः निर्वाचनका लागि गैरराजनीतिक निजामति सरकार बनेपछि प्रमुख राजनीतिक दलहरू चुनावी रणनीति बनाउन सक्रिय भएका छन् । त्यही मेसोमा नेपालको लोकतान्त्रिक आन्दोलनमा लामो समयदेखि अग्रणी भूमिका निर्वाह गर्दैआएको नेपाली कांग्रेसले अघिल्लो हप्ता पार्टीको चुनावी रणनीति बनाउने उद्देश्यले नवलपरासी जिल्लाको त्रिवेणीधाममा महासमितिको वैठक आयोजित गर्यो ।
राष्ट्रिय आकांक्षा ओझेलमा
Tuesday, 04.09.2013, 07:22am
नेपालको राजनीतिमा व्यक्तिगत आकांक्षा हावी हुँदा राष्ट्रिय मुद्दाहरू ओझेलमा परेका छन् भनिन्छ र देखिएको पनि त्यस्तै छ । राजनीतिमा मात्र होइन जुनसुकै क्षेत्रमा त्यस्तै प्रवृत्ति हावी छ । शैक्षिक, सामाजिक, आर्थिक हरेक क्षेत्रमा केही व्यक्तिका आकांक्षा, स्वार्थ र अहंकार हावी भैरहेको छ । मुलुकको विधि विधान अनुसार सबैलाई समान अवसर दिने र जुन क्षेत्रका लागि जस्तो योग्यता–क्षमता चाहिन्छ त्यस्ताले मात्र सहभागिता वा प्रतिस्पर्धा गर्न पाउने शाश्वत सत्य भए पनि त्यसो हुन सकिरहेको छैन । 
समयमै सचेत हुनु बुद्धिमानी
Monday, 04.01.2013, 07:01pm
सरकार, राजनीतिक दल र निर्वाचन आयोग निर्वाचनको तिथि तोक्ने तयारीमा रहेका भए पनि मुलुकमा निर्वाचनको वातावरण भने बन्न सकेको छैन । राजनीतिक दलहरूले पहिलो संविधानसभालाई असफल पारेर पुनः संविधानसभाको निर्वाचन घोषणा गरेकाले आम जनतामा यसले खासै उत्सुक बनाउन सकेको छैन । अर्कोतिर आम राजनीतिक सहमति कायम हुन नसक्दा निर्वाचनको मिति नतोकिंदै वातावरण धमिलिंदै गएको आभास हुन थालेको छ ।
किन हुन्छन् विवादास्पद निर्णय ?
Monday, 03.25.2013, 06:45pm
मुलुकमा अनगिन्ती राजनीतिक दल भए पनि विघटित संविधानसभाको हैसियतका आधारमा एकीकृत नेकपा माओवादी, नेपाली कांग्रेस, नेकपा एमाले र निवर्तमान सत्तामा रहेको मधेशी मोर्चाको निर्णय नै सर्वसम्मत निर्णयका रूपमा स्वीकार गर्नुपर्ने वाध्यता छ । अन्य राजनीतिक दलहरूको सल्लाह र सुझाव समेत नलिने प्रवृत्तिको विकासका कारण मुलुकको समस्या समाधान हुनेभन्दा नयाँ नयाँ समस्या थपिने गरेको छ । 

नेताहरू मुलुक असफल बनाउन सफल
Monday, 03.18.2013, 05:27pm
लोकतन्त्रको मर्म, मूल्य, मान्यता र प्रचलन विपरीत नेपालमा सत्ता राजनीतिको फोहरी खेलले वैदेशिक हस्तक्षेपको नांगो नाच मञ्चन भएको नेपाली जनताले टुलुटुलु हेर्नु परिरहेको विडम्बनापूर्ण अवस्था अहिले छ । अभूतपूर्व राजनीतिक परिवर्तन गर्यौं भन्ने नेताहरूले यति चाँडै नेपालको सत्ता विदेशीको इशारामा गैरराजनीतिक व्यक्तिलाई सुम्पेको इतिहासमै पहिलोपटक हो ।
  » समतामूलक सामाजिक संरचनाको आवश्यकता
  » विकृतिको जड नै शक्तिशाली
  » प्रजातन्त्र दिवस : सन्दर्भभित्रका कुरा
  » एकीकरण ताकाको राज्य सहकारी खडा गरौं - खगेन्द्रराज सिटौला
  » सिद्धान्तविहीन परनिर्देशित राजनीतिको परिणाम
  » सिद्धान्तहीन गठबन्धनका विकृत उपजहरू
  » गुम्दो राष्ट्रिय प्रतिष्ठा
  » महिला हिंसा : विकृत मानसिकताको उपज
  » समानताको नाराभित्र कैद महिला अधिकार
  » अभिषाप बनेको एउटा कलंकित प्रथा
  » समय जति बित्दै छ, उति विमति सिर्जना हुँदैछ
  » प्रमाणपत्र मात्र भिराउने कि क्षमता पनि बढाउने ?
  » राष्ट्रियभन्दा व्यक्तिगत आकांक्षा हावी
  » पोशाक संहिता विद्यालयलाई मात्र ?
  » बढ्दो भोकमरीसंगै हतियार व्यापारको वृद्धि
  » शैक्षिक क्षेत्रमा राजनीतिकरणको मार
  » नेपाली कांग्रेस र पुनःस्थापनाको मुद्दा
  » राष्ट्रिय सोचको अभाव नै अहिलेको अबरोध
  » मुलुक असफल राष्ट्र बन्ने चिन्ता
  » राष्ट्रिय स्वाधीनता र नेताहरूको चरित्र



 
::| Latest News

 
[Page Top]