युगसम्बाद साप्ताहिक
Yugasambad Saptahik
Tuesday, 11.20.2018, 04:49pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
आर्थिक
 
भारतले नेपालको नोट किन साटेन ?
Tuesday, 09.11.2018, 12:29pm (GMT+5.5)

काठमाडौं । नेपाल र भारतबीच इतिहासमै सबैभन्दा सुमधुर सम्बन्ध रहेको दुबै देशका प्रधानमन्त्रीले नै दावा गरिरहेका बेला नेपालका बैंकहरुमा र सर्वसाधारणसंग रहेका प्रतिबन्धित भारु ५०० र १००० का नोट साट्न चासो नदेखाउनु आफैंमा विडम्बनाको विषय बनेको छ ।
भारतीय प्रधानमन्त्री नरेन्द्र मोदीले झण्डै दुई वर्षअघि कालो धन रोक्न भन्दै घोषणा गरेको नोटबन्दीपछि नेपालमा रहेका पाँच सय र १००० दरका भारतीय नोटहरु अहिलेसम्म साटिएको छैन । भारतले भुटानको नोट साटिदिएको छ भने नेपालमा रहेको नोटको वेवास्ता गर्दैआएको छ ।
गत साता आफ्नो वार्षिक प्रतिवेदन पेश गर्दै भारतीय केन्द्रीय ब्याङ्कले नोटबन्दीपश्चात् लगभग सबै प्रतिबन्धित नोट भारतीय बैंकिंग प्रणालीमा फर्किएको उल्लेख गरेको थियो ।
त्यसमा नेपालमा रहेका बाँकी त्यस्ता नोटबारे अब के हुने भन्ने उल्लेख छैन । अर्थात् भारतले नेपालमा थन्किएका पुराना प्रतिबन्धित भारु नलिने आशय देखिएको छ ।
दुई देशका केन्द्रीय बैंकबीच यस विषयमा पटकपटक छलफल भएर साट्ने चर्चा चले पनि अहिलेसम्म त्यस्तो हुन सकेको छैन । नेपालका बैकहरुमा करोडौं बराबरका प्रतिबन्धित भारु रहेका छन् । ती नोट साट्न अब बैंकस्तरबाट नभै सरकारी तहबाटै कुरा अघि बढ्नुपर्ने नेपाल राष्ट्र बैंकका अधिकारीहरूले बताएका छन् । भारतीय रिजर्व बैंक र नेपाल राष्ट्र बैंकबीच भएका अहिलेसम्मका वार्तामा कुनै निष्कर्ष ननिस्केकाले अब दुई देशका सरकारबीच नै उक्त विषयमा छलफल हुनुपर्ने राष्ट्र बैंकका अधिकारीले बताएका हुन् ।
नेपालमा रहेका प्रतिबन्धित भारु साट्न नेपाल र भारतका सरकारबीच उच्चस्तरमै ठोस पहल हुनुपर्ने नेपाल राष्ट्र बैंकका ती अधिकारी सुझाव छ । नेपालमा प्रतिबन्धित पाँच सय र एक हजार रुपैयाँका करिब ८ करोड रुपैयाँ रहेको अनुमान राष्ट्र बैंकको छ । तर सर्वसाधारणसँग पनि धेरै परिमाणमा त्यस्ता भारतीय रुपैयाँ रहेकाले उनीहरूलाई ठूलै मर्का परेको छ ।
भारतले भारु नसाटिदिंदा बैंकहरुलाई त करिब आठ करोड घाटा भयो नै सर्वसाधारणले भारतमा रोजगारी गरेर कमाएर ल्याएका पैसा पनि साटिएनन् । धेरै सर्वसाधारणको भारु घरमा थन्केका छन् । यसको विपरीत नोटबन्दीको मारमा नेपाल जस्तै परेको भुटानको भारु भने भारतले साटिदिएको छ । तर नेपालको भने नसाटिदिएकोमा बैंक अधिकारीहरु आक्रोशित छन् ।
त्यसो त साढे तीन महिना जति पहिला जनकपुर र मुक्तिनाथ दर्शन गर्न आएका बेला भारतीय प्रधानमन्त्री नरेन्द्र मोदीसँग नेपालका प्रधानमन्त्री केपी शर्मा ओलीले नेपालमा रहेका भारतीय पाँचसय र एक हजारका नोट साट्ने व्यवस्था गरिदिन आग्रह गरेका थिए । तर ती कुराकानी हालसम्म फलदायी भएका छैनन् ।


Rating (Votes: )   
Share     Print


Other Articles:
एक महिनामा साँढे तीन अर्बको खाद्यान्न आयात (09.11.2018)
एक महिनाको व्यापारघाटा एक खर्ब १३ अर्ब (09.04.2018)
विमानस्थल अब दैनिक २२ घण्टा (09.04.2018)
बिमा रकम कुम्ल्याउन नक्कली उद्धार (08.28.2018)
हरियो वन नेपालको धन.....तर काठ आयात छ अर्बको (08.28.2018)
बेरोजगारलाई भत्ता कि काम ? (08.14.2018)
विश्व बैंककोे सहायता रकममा दोब्बर हुने (08.14.2018)
बल्ल कमाउने भो नेपालले कार्बन व्यापारबाट (07.25.2018)
एक दर्जन बढी रेलमार्गको प्रक्रिया सुरु (07.25.2018)
हुण्डीको हुण्डरी र स्वीस बैंकको रकम (07.10.2018)
अभिलेख राखिन्छ अनुदानमा औजार वितरण गरेको, औजार हुन्छ गोदममै (07.10.2018)
भारतले तत्काल विद्युतको मूल्य नबढाउने (07.10.2018)
बन्ला त संसारकै गहिरो खोंच क्षेत्रमा जलविद्युत आयोजना (06.12.2018)
बजेट घाटा एक सय ३८ अर्ब (06.12.2018)
सुन तस्करीको सनसनी (05.30.2018)
साठी लाख नेपालीलाई गरीबीको रेखामुनीबाट निकाल्ने चुनौति (05.30.2018)
विदेशिनेमा महिला बढी ! (05.08.2018)
आयो कृषि मन्त्रीको प्रतिबद्धता : कृषिजन्य उपजमा आत्मनिर्भरतादेखि निर्यातसम्म (05.08.2018)
१० खर्बको व्यवसाय शून्य राजश्व (04.24.2018)
एक अर्ब ३२ करोड बक्यौता उठ्न बाँकी (04.24.2018)



 
::| Latest News

 
[Page Top]