युगसम्बाद साप्ताहिक
Yugasambad Saptahik
Monday, 10.22.2018, 11:52pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
आर्थिक
 
व्यापारघाटा दुई महिनामा दुई खर्ब
Tuesday, 10.02.2018, 12:43pm (GMT+5.5)

काठमाडौं । मुलुकले राजनीतिक स्थिरता पाएको, दुई तिहाई बहुमतको सरकार रहेको भए पनि मुलुकको आर्थिक अवस्थामा भने कुनै सुधार छैन । पछिल्लो दुई महिनामा मात्रै व्यापार घाटा दुई खर्बले नाघेको छ । आर्थिक विकास र समृद्धिको नारा जति नै घन्के पनि र योजना जति नै बने पनि ती सबै कागजी पुलिन्दा मात्रै सावित भएका छन् । कृषिउपजमा समेत आत्मनिर्भर हुन नसकेको मुलुकको आयात वैदेशिक रोजगारीले धानेको छ ।
भन्सार विभागका अनुसार चालु आर्थिक वर्षको दोस्रो महिनामा अघिल्लो वर्षको सोही अवधिको तुलनामा ४५ दशमलव ७४ प्रतिशतले व्यापारघाटा वृद्धि भएको छ । भदौ महिनासम्म वैदेशिक व्यापारघाटा २ खर्ब १७ अर्ब ६४ करोड ७५ लाख ९२ हजार रुपैयाँ पुगेको छ । गत आर्थिक वर्षको भदौ महिनासम्म व्यापारघाटा १ खर्ब ४९ अर्ब ३४ करोड २९ लाख ६ हजार रुपैयाँ थियो ।
भदौ महिनामा विभिन्न देशहरुबाट २ खर्ब ३२ अर्ब ३४ करोड ६६ लाख १२ हजार रुपैयाँको वस्तु तथा सामान आयात भएको छ । अघिल्लो वर्षको तुलनामा ४२ दशमलव ५९ प्रतिशतले आयातमा वृद्धि भएको हो । आर्थिक वर्ष २०७४।०७५ मा १ खर्ब ६२ अर्ब ९४ करोड ९१ लाख ४४ हजार रुपैयाँको सामग्रीहरु विभिन्न देशहरुबाट नेपाल भित्रिएको थियो ।
त्यसो त यस अवधिमा निर्यात पनि बढेको छ । तर, त्यो व्यापार घाटा कम गर्न पर्याप्त छैन । अघिल्लो वर्ष नेपालबाट विभिन्न देशहरुमा १३ अर्ब ६० करोड ६२ लाख ३८ हजार रुपैयाँको सामान निर्यात भएकोमा यस वर्ष ८ दशमलव ०३ प्रतिशतले बढेर १४ अर्ब ६९ करोड ९० लाख २० हजार रुपैयाँको सामग्रीहरु निर्यात भएको छ ।
आर्थिक वर्षको सुरुवातदेखि नै व्यापारघाटा चुलिने संकेत देखिएको थियो । अघिल्लो आर्थिक वर्षको पहिलो महिनाको तुलनामा चालु आर्थिक वर्षको साउन महिनामा ५७.१८ प्रतिशतले व्यापार घाटा बढेको थियो । साउनमै मुलुकले १ खर्ब १३ अर्ब ६८ करोड ८६ लाख ४६ हजार रुपैयाँ व्यापारघाटा बेहोरेको थियो ।
गत आर्थिक वर्षको साउन महिनामा ७६ अर्ब ७३ करोड ६० लाख ७३ हजार रुपैयाँको व्यापार घाटा भएको थियो । त्यसो त साउनमा पनि अघिल्लो वर्षको तुलनामा निर्यात थोरै भए पनि बढेको थियो । तर, आयात भने ठूलो मात्रामा बढ्दा व्यापारघाटा पनि वृद्धि भएको हो । गत वर्षको साउन महिनामा ६ अर्ब ७० करोड ७७ लाख ९५ हजार रुपैयाँको वस्तु तथा सेवा निर्यात भएको थिए ।
दुई तिहाईको सरकार र विज्ञ अर्थमन्त्री भएको समयमा अर्थतन्त्रमा व्यापक सुधार हुने सरकारको दावी रहे पनि एक महिनामा सवा खर्ब नजिक व्यापारघाटा हुनु अर्थतन्त्रका लागि राम्रो संकेत होइन ।
आर्थिक वर्षको पहिलो महिना साउनमा विभिन्न मूलुकबाट १ खर्ब २० अर्ब ६१ करोड २० लाख ५३ हजार रुपैयाँ बराबरको वस्तु तथा सेवा आयात भएको थियो भने सोही अवधिमा ६ अर्ब ९२ करोड १५ लाख रुपैयाँको मात्रै निर्यात भएको थियो ।
विगतमा झै भारतसँगकै व्यापारघाटा उच्च छ । भारतबाट झण्डै एक खर्बको आयात हुँदा निर्वात भने ४ अर्बको हाराहारीमा पनि छैन । साउन महिनाको तथ्यांक हेर्दा व्यापार घाटाका आधारमा चीन दोस्रो स्थानमै देखिएको छ ।
नेपालको व्यापारघाटा भारतसंग उच्च छ । भारतले नेपालबाट निर्यात हुने कृषिजन्यदेखि औद्योगिक उत्पादनमा समेत अनेक अवरोध खडा गर्ने गरेको छ । नेपाललाई एकलौटी बजार बनाउँदै आएको भारतले नेपालको वस्तु निर्यातमा उत्पन्न भैरहेको समस्या समाधान गर्नेतिर कुनै चासो देखाएको छैन । ‘मुखमा रामराम बगलीमा छुरा’ गर्ने भारतले नेपालसंगको सम्बन्ध जतिसुकै प्रगाढ रहेको भने पनि नेपाललाई जहिल्यै अचेट्ने काम मात्रै गर्दैआएको छ ।
पछिल्लो समय चीनसंग व्यापार तथा पारवहन सन्धिको ‘प्रोटोकल’ मस्यौदाले अन्तिम रुप लिएपछि भारतमा यसको हंगामा मच्चिएको छ । भारतका संचारमाध्यम तथा विश्लेषकहरु नेपालले भारतलाई पत्याउन छाडेको र चीनतिर लागेको भन्दै यसले भारतलाई खतरा हुने र सच्चिनुपर्ने बताइरहेका छन् । नेपालको वस्तु निर्यातलाई निर्वाध प्रवेश मात्रै दिने हो भने भारत नेपालको हितैषी नै रहेको प्रष्ट हुने भए पनि त्यस्तो स्थिति छैन ।


Rating (Votes: )   
Share     Print


Other Articles:
महिनामा एक प्रतिशत पूँजीगत खर्च (10.02.2018)
अब काम नपाएर भौतारिएकालाई निर्माणको अभियानमा लगाइने (10.02.2018)
गरीबी निवारण राजनीतिक चलखेल र चासोको शिकार (09.25.2018)
भारतले नेपालको नोट किन साटेन ? (09.11.2018)
एक महिनामा साँढे तीन अर्बको खाद्यान्न आयात (09.11.2018)
एक महिनाको व्यापारघाटा एक खर्ब १३ अर्ब (09.04.2018)
विमानस्थल अब दैनिक २२ घण्टा (09.04.2018)
बिमा रकम कुम्ल्याउन नक्कली उद्धार (08.28.2018)
हरियो वन नेपालको धन.....तर काठ आयात छ अर्बको (08.28.2018)
बेरोजगारलाई भत्ता कि काम ? (08.14.2018)
विश्व बैंककोे सहायता रकममा दोब्बर हुने (08.14.2018)
बल्ल कमाउने भो नेपालले कार्बन व्यापारबाट (07.25.2018)
एक दर्जन बढी रेलमार्गको प्रक्रिया सुरु (07.25.2018)
हुण्डीको हुण्डरी र स्वीस बैंकको रकम (07.10.2018)
अभिलेख राखिन्छ अनुदानमा औजार वितरण गरेको, औजार हुन्छ गोदममै (07.10.2018)
भारतले तत्काल विद्युतको मूल्य नबढाउने (07.10.2018)
बन्ला त संसारकै गहिरो खोंच क्षेत्रमा जलविद्युत आयोजना (06.12.2018)
बजेट घाटा एक सय ३८ अर्ब (06.12.2018)
सुन तस्करीको सनसनी (05.30.2018)
साठी लाख नेपालीलाई गरीबीको रेखामुनीबाट निकाल्ने चुनौति (05.30.2018)



 
::| Latest News

 
[Page Top]