युगसम्बाद साप्ताहिक
Yugasambad Saptahik
Sunday, 08.25.2019, 11:59pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
आर्थिक
 
मुलुक चरम आर्थिक संकटको दिशातिर
Tuesday, 07.30.2019, 12:39pm (GMT+5.5)

काठमाडौं । अस्थिर सरकारका कारण मुलुकले आर्थिक विकास गर्न नसकेको डंका जतिपिटे पनि कामगर्ने कुशलता नभएकै कारण यस्तो स्थिति उत्पन्न भएको रहेछ भन्ने प्रमाण दुई तिहाई बहुमतको सरकारको अहिलेसम्मको कार्यकालले देखाएको छ । यस अवधिमा व्यापारघाटा उच्चमात्रामा बढेको छ । गत आर्थिक वर्षको समाप्तिसम्म १२ खर्ब ९९ अर्ब ८० करोड रुपैयाँ बराबरको आयात हुँदा निर्यात भने जम्मा ८७ अर्ब ८३ करोड रुपैयाँको भएको छ । 
निर्यातको तुलनामा उच्च आयात भएका कारण कुल ब्यापार घाटा १२ खर्ब ११ अर्ब ९६ करोड रुपैयाँ पुगेको छ । ब्यापार घाटा उच्च दरले बढेका कारण चालु खाता घाटा २ खर्ब ४८ अर्ब ७२ करोड रुपैयाँ पुगेको छ । अघिल्लो बर्ष चालु खाता घाटा २ खर्ब १० अर्ब २४ करोड रुपैयाँ थियो । त्यस्तै शोधनान्तर घाटा ९० अर्ब ८३ करोड रुपैयाँ पुगेको छ । अघिल्लो वर्ष घाटा ४ अर्ब ३४ करोड रुपैयाँ मात्र थियो।
मुलुकमा विदेशी मुद्रा सञ्चिति घट्दै गएको छ । अघिल्लो असारमा ११ खर्ब २ अर्ब ५९ करोड रुपैयाँ रहेकोमा यसपालीको जेठसम्म घटेर १० खर्ब ३० अर्ब ८८ करोडमा झरेको छ । अमेरिकी डलरमा हिसाब गर्दा १० अर्ब ८ करोडको सञ्चिति ९ अर्ब २५ करोडमा झरेको छ । 
विदेशी मुद्रा सञ्चति घट्दा मुख्य रूपमा आयातमा असर पर्छ । नेपाल राष्ट्र बैंकले सार्वजनिक गरेको चालू आर्थिक वर्षको ६ महिनाको तथ्यांकअनुसार कुल विदेशी विनिमय सञ्चिति १० खर्व ५८ अर्ब २० करोड रुपैयाँ कायम भएको छ । जबकि गत असर महिनामा ११ खर्ब २ अर्ब ५९ करोड रुपैयाँ थियो ।
असार महिनाको तुलनामा पुस महिनासम्म आइपुग्दा विदेशी सञ्चिति झन्डै १ खर्बले घटेको छ । शोधनान्तर घाटामा गएका कारण मुलुकको चालू खाता पनि घाटामा गएकाले विदेशी सञ्चिति घटेको हो । यसरी मुलकको विदेशी सञ्चिति लगातार घटेपछि समग्र मुलुकको आयातलाई नै असर गर्ने छ ।
आर्थिक स्थायित्व कायम गर्न असफल सरकारले विकास र समृद्धिका जति नारा घन्काए पनि त्यो पानीको फोकासरह बिलाउने गरेको छ । स्थिर र शक्तिशाली सरकारले सत्ता संचालन गरिरहेको मुलुकमा ३ वर्षकै उच्च मूल्यवृद्धि भएको छ । तथ्यांकअनुसार गत आर्थिक वर्षको ११ महिना (जेठ मसान्तसम्म) मूल्यवृद्धि ६ दशमलव २ प्रतिशत पुगेको छ । यो ०७३ को असोज महिनापछिकै सबैभन्दा उच्च मूल्यवृद्धि हो । सो महिना अघिल्लो आर्थिक वर्षको सोही अवधिको तुलनामा ६ दशमलव ७ प्रतिशत मूल्यवृद्धि भएको थियो । त्यसयताका महिनाहरूमा मूल्यवृद्धि ५ प्रतिशतभन्दा तल रहँदै आएकोमा वैशाखमा ५ दशमलव ३ र जेठमा ६ दशमलव २ प्रतिशत मूल्य बढेको हो । आर्थिक वर्ष ०७४।७५ को ११ महिनामा ४ दशमलव १ प्रतिशत मात्रै मूल्यवृद्धि भएको थियो । सरकारले गत आर्थिक वर्षमा ६ दशमलव ५ प्रतिशतमा मूल्यवृद्धि सीमित गर्ने लक्ष्य राखेको थियो । 
तरकारी, खाद्यान्न र माछामासुको मूल्य उच्च रूपमा बढेपछि समग्र मूल्यवृद्धिमा चाप परेको नेपाल राष्ट्र बैंकले जनाएको छ । खाद्यान्नको मूल्य अघिल्लो वर्षको तुलनामा ५ दशमलव ६ प्रतिशत, माछामासुको ७ दशमलव ६ प्रतिशत र तरकारीको १४ दशमलव ६ प्रतिशतले बढेको छ । गैरखाद्य तथा सेवा क्षेत्रको मूल्यवृद्धि भने ५ दशमलव ७ प्रतिशत रहेको छ । क्षेत्रगत रूपमा सबैभन्दा उच्च मूल्यवृद्धि काठमाडौं उपत्यकामा ७  दशमलव १ प्रतिशतले भएको छ । ०७६ को जेठ महिनामा भारतको मूल्य वृद्धिदर ३ दशमलव १८ प्रतिशत मात्र रहेकोमा नेपालमा भने ६ दशमलव २ प्रतिशत पुगेको छ । 


Rating (Votes: )   
Share     Print


Other Articles:
माथिल्लो तामाकोशीमा सकसै सकस (07.30.2019)
अबको एक महिनापछि ओसाका उडान (07.30.2019)
नेवानिको व्यवस्थापन विदेशीलाई दिने तयारी नेपाली असक्षम कि राजनीतिक स्वार्थ ? (07.22.2019)
दशैं अगाडि नै नारायणीमा मिनी पानीजहाज (07.22.2019)
यार्सा जोगाउने चिन्ता (06.18.2019)
संघीय संरचनाको पहिलो बजेट– कुन प्रदेशको कति ? (06.18.2019)
सन्तोषजनक बजेट - कार्यान्वयन चुनौतिपूर्ण (06.05.2019)
दुई तिहाईको सरकार गफमै सीमित - विकास खर्च न्यून व्यापार घाटा उच्च (05.28.2019)
भूकम्पले खण्डहर बनेको तातोपानी नाका यसरी खुल्दैछ (05.28.2019)
आठ महिनामा २४ प्रतिशतले आयात वृद्धि (04.30.2019)
अब पैंतालीस हजारमै जापान उड्न पाइने ! (04.30.2019)
२५ खर्बको लगानी प्रस्ताव- द्रुत कार्यान्वयन आवश्यक (04.25.2019)
केही भएको पनि छैन नभएको पनि हैन (04.25.2019)
कामै नगरी भुक्तानी भ्रष्टाचार होइन र ? (04.16.2019)
सबै नेपालीलाई बैंक खाता अभियान- वित्तीय पहुँचको आधार (04.16.2019)
पर्यटनमा देखिएको उत्साह र भोग्नुपरेको वियोग (04.16.2019)
विश्वव्यापी बजार भएको रत्न प्रशोधन कहिले ? (04.10.2019)
पाँच वर्षभित्र नेपाल अल्पविकसितको सूचीबाट हट्ने ! (04.10.2019)
नेपालीले बनाए मिनी पानीजहाज (04.04.2019)
उत्साहका साथ सकियो लगानी सम्मेलन (04.04.2019)



 
::| Latest News

 
[Page Top]