युगसम्बाद साप्ताहिक
Yugasambad Saptahik
Sunday, 10.20.2019, 08:22pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
आर्थिक
 
दशैं आयो– महंगीले छोयो आकाश
Wednesday, 10.02.2019, 05:16pm (GMT+5.5)

काठमाडौं । नेपालीहरुको महान पर्व बडा दशैं घरघरमा भित्रिसकेको छ । आम जनता चाडबाड मनाउने सामग्रीको जोहोका लागि बजारमा ठेलमठेल गरिरहेका छन् भने आआफ्नो जन्मथलो पुग्नेहरुको सख्ंया पनि उत्तिकै छ । अनि यस्तै अवसरका फाइदाा उठाउँदै लुटन्न पल्केकाहरु अस्वाभाविक मूल्यवृद्धि गरेर आम जनता चुसिरहेका छन । सरकारले त्यसलाई नियन्त्रण गर्न प्रभावकारी कद चाल्न सकेको छैन । वाणिय विभागले चाडबाडमा मूल्य बढाउने, अभाव सिर्जना गर्ने र गुणस्तरहीन बस्तु विक्री गर्ने केही सय व्यापारीमाथि कारबाही सुरु गरेको भने पनि बजारमा महंगी बढ्दो छ ।
दसैंको मुखमा चामल, हरियो तरकारी, खाने तेल, मासु, लत्ताकपडा र जुत्ताको मूल्य एक्कासी बढेको छ । मूल्य बढ्नुपर्ने कुनै कारण नभए पनि खाद्यान्न लगायतका वस्तुको मूल्य आकाशिएको छ । तीन हजार तीन सय पर्ने ३० किलोको जिरा मसिनो बोरामा सय रुपैयाँ बढेको छ । एक हजार पाँच सय ७५ देखि एक हजार ६ सयमा बिक्री हुने २५ किलोको अर्को थरीको जिरा मसिनोको प्रतिबोरा ५० देखि सय रुपैयाँसम्म बढेको छ ।
बजार अनुगमनको जिम्मेवारी पाएको वाणिज्य आपूर्ति तथा उपभोक्ता संरक्षण विभागले दैनिक उपभोग्य वस्तुको मूल्यवृद्धि भएको स्विकारेको छ । विभागका महानिर्देशक योगेन्द्र गौचनले डलर महँगिएका कारण मूल्य वृद्धि भएको बताउनुभएको छ भने खुद्रा व्यापार संघका अध्यक्ष राजकुमार श्रेष्ठले दैनिक उपभोग्य वस्तुमध्ये चामलको मूल्य बढेको स्वीकार्नुभएको छ ।
दसैं नजिकिएसंगै भदौसम्म प्रतिकिलो ७८ रुपैयाँमा बिक्री हुने चिनीको मूल्य प्रतिकिलो ८० पुगेको छ । एक सय ३० रुपैयाँ लिटरमा आउने भटमासको तेलमा १० रुपैयाँ बढेर एक सय ४० र एक सय ४० मा आउने सनफ्लावर तेलको भाउ एक सय ५० रुपैयाँ पुगेको छ ।
गत भदौ १५ को तुलनामा असोज ११ गते शनिबारसम्म हरियो तरकारी तथा सागतर्फ पनि अत्यधिक मूल्य वृद्धि भएको छ । अनुगमनकारी निकाय वाणिज्य आपूर्ति तथा उपभोक्ता संरक्षण विभागका अनुसार सबैभन्दा बढी सागको मूल्यवृद्धि भएको छ । सागमा दुई सय पाँच प्रतिशतसम्म मूल्य वृद्धि भएको छ । ७५ रुपैयाँ किलोमा बिक्री भएको रायो र पालुंगो सागलाई अहिले दुई सय पाँच रुपैयाँ तोकिएको छ । यस्तै कुल खपतको करिब ९८ प्रतिशत भारतबाट आयात हुने प्याजको मूल्यमा ५४.४१ प्रतिशतले मूल्यवृद्धि भएको छ ।
त्यस्तै प्रतिकिलो ६८ मा कारोबार भएको प्याजको मूल्य एक सय पाँच रुपैयाँ पुगेको छ । ६५ रुपैयाँ जाने भान्टा र बोडीको मूल्य ९२ प्रतिशतले बढेर एक सय २५, ५५ रुपैयाँ प्रतिकिलो पर्ने करेला एक सय २७ प्रतिशतले महँगिएको छ । यसको मूल्य प्रतिकिलो एक सय २५ रुपैयाँ तोकिएको छ । यस्तै लौका, लसुन, भेडे खुर्सानी, भिन्डी, आलुको पनि मूल्य बढेको छ । तरकारीको मूल्यवृद्धिका विषयमा अनुगमन गर्दा केही सातादेखि निरन्तर रूपमा परेको पानीका कारण स्वदेशी तरकारी गलेर भएको र भारतमा समेत पानीका कारण तरकारी उत्पादन कम भएकाले मागअनुसार आपूर्ति नहुँदा वृद्धि भएको गौचनको बुझाइ छ ।
दशैंमा सबैभन्दा बढी खपत हुने खसीको मासु र मूल्य बढेको छ । भदौमा प्रतिकिलो ६ सय रुपैयाँ हाराहारीमा रहेको जिउँदो खसीको मूल्यमा एक सय ५० रुपैयाँ बढेको छ । दसैंमा थप ५० देखि एक सय रुपैयाँ बढ्न सक्ने मासु व्यवसायीको भनाइ छ । खुद्रा व्यापारीले भने वृद्धि भएको मूल्यमा झन्डै ४० देखि ५० रुपैयाँ अतिरिक्त जोडेर उपभोक्ताबाट असुल गरिरहेका छन् ।
त्यस्तै सबैभन्दा बढी किनमेल हुने वस्तुमा लत्ताकपडा र जुत्ता पर्छन् । भीडभाडको फाइदा उठाउँदै व्यवसायीले लत्ताकपडा र जुत्तामा सय प्रतिशतसम्म बढी मूल्य थपेर उपभोक्ताबाट असुल गर्दै आएका छन् । विभागको अनुगमन टोलीले मूल्यसूची नराखी उपभोक्ताबाट अत्यधिक मूल्य असुल गर्ने व्यपारीलाई जरिबाना तिराएको छ ।


Rating (Votes: )   
Share     Print


Other Articles:
बाँके र बर्दियाका महिलाले पाँच हजार खसीबोका काठमाडौँ पठाउने (10.02.2019)
घरमै थन्कियो बहुमूल्य यार्सागुम्बा (09.25.2019)
सुनको कचौरा बोकेर किन भीख माग्ने ? (09.17.2019)
दुःख भएर के गर्नु लेकाली क्षेत्रमा छ लोभलाग्दो कमार्ई (09.17.2019)
दार्चुलाको स्याउले पाएन बजार (09.17.2019)
वर्षमा सात सयको मृत्यु हुन्छ विदेशमा (09.10.2019)
भ्रमण वर्ष सफलताका मुख्य आधार युरोपेली पर्यटक (09.10.2019)
रेमिट्यान्सले चुकेको सामाजिक मूल्य (08.20.2019)
विद्युत प्राधिकरणको मुनाफा बढ्दै जाँदा चुनौती पनि थपिँदै (08.20.2019)
मुलुक चरम आर्थिक संकटको दिशातिर (07.30.2019)
माथिल्लो तामाकोशीमा सकसै सकस (07.30.2019)
अबको एक महिनापछि ओसाका उडान (07.30.2019)
नेवानिको व्यवस्थापन विदेशीलाई दिने तयारी नेपाली असक्षम कि राजनीतिक स्वार्थ ? (07.22.2019)
दशैं अगाडि नै नारायणीमा मिनी पानीजहाज (07.22.2019)
यार्सा जोगाउने चिन्ता (06.18.2019)
संघीय संरचनाको पहिलो बजेट– कुन प्रदेशको कति ? (06.18.2019)
सन्तोषजनक बजेट - कार्यान्वयन चुनौतिपूर्ण (06.05.2019)
दुई तिहाईको सरकार गफमै सीमित - विकास खर्च न्यून व्यापार घाटा उच्च (05.28.2019)
भूकम्पले खण्डहर बनेको तातोपानी नाका यसरी खुल्दैछ (05.28.2019)
आठ महिनामा २४ प्रतिशतले आयात वृद्धि (04.30.2019)



 
::| Latest News

 
[Page Top]