युगसम्बाद साप्ताहिक
Yugasambad Saptahik
Friday, 01.18.2019, 03:01am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
सम्पादकीय
 
यी प्रश्नको जवाफ कसले दिने ?
Tuesday, 01.01.2019, 12:48pm
प्रधानमन्त्री केपी शर्मा ओलीदेखि लिएर सरकारका मन्त्रीहरू सरकारले सही ढंगले काम गरिरहेको र सवै जनताले प्रत्यक्ष अनुभूत गर्ने गरी निकट भविष्यमै आश्चर्यजनक नतिजा आउने दावी गरिरहेको सुनिँदै–पढिँदै छ । यदि सरकारका काम कार्वाहीहरू देशलाई दावी गरिएअनुरुपको विकास र समृद्धिको दिशातिर उन्मुख भएका भए आम नेपाली जनताका लागि योभन्दा खुशीको कुरा अर्को हुने थिएन । प्रधानमन्त्री ओलीले विगतमा गर्नुभएका रेल, तेल, पानीजहाज र घरघरमा ग्याँसका पाइप जडानका कुरा नेपाली समाजमा अहिले खिसिट्युरीका कुरा हुनथालेका छन् भने जनताले प्रत्यक्ष अनुभूत गर्ने गरी कुनै नतिजामुखी काम नदेखिएको र भनाइ र गराइमा कहीं पनि एकरूपता नदेखिएकाले प्रधानमन्त्रीको बोलीको समेत पत्यार हुन छोडेको छ । 
जनताको विश्वासमाथि तुषारापात
Tuesday, 12.11.2018, 01:31pm
प्रधानमन्त्री खड्गप्रसाद शर्मा ओली एक वर्ष अगाडि लोकप्रियताको जुन शिखरमा आरूढ हुन पुग्नुभएको थियो पुग नपुग दश महिनाको शासकीय अवधिका गतिविधिले फेदीमै पुग्ने गरी निरन्तर ओरालो झर्ने क्रमलाई गति दिइरहेको सर्वत्र अनुभूत हुन थाल्नु अत्यन्त दुःखद प्रसङ्ग हो । २०७२ सालमा विनाशकारी महाभूकम्पले देश छियाछिया भइरहेको बेला ‘मित्रराष्ट्र’ भारतले नेपालको घाँटीमा सुर्केनी लगाउँदै अघोषित नाकाबन्दी लगाएको बेला प्रष्ट दृष्टिकोणसहितको राष्ट्रिय अडान राखेर उहाँले जुन निर्णायक भूमिका निर्वाह गर्नुभएको थियो त्यसैले जगाएको आशा, भरोशा र विश्वास नेपालका लागि सञ्जीवनी बुटी नै बनेको थियो । 
आन्तरिक उत्पादन निरुत्साहित
Tuesday, 11.20.2018, 11:41am
दश अर्बभन्दा बढीको लगानी भएका र ५० हजारभन्दा बढी व्यक्तिलाई रोजगारी दिँदैआएका  देशभरका २ सय ५० भन्दा बढी कपडा उद्योगहरू मंसिर १ गतेदेखि सातदिने बन्दको कार्यक्रमसहित आन्दोलनमा उत्रिएका छन् । राष्ट्रिय उत्पादन वृद्धि गरी मुलुकको आर्थिक विकास गरेर समृद्ध नेपाल निर्माण गर्ने र सबै नेपालीलाई सुखी बनाउने सपना दुई तिहाई बहुमतको कम्युनिष्ट सरकारले बाँडिरहेको परिप्रेक्षमा आयात प्रतिस्थापन उन्मुख आन्तरिक उत्पादनमा प्रत्यक्ष प्रतिकूल असरपर्ने जुन वातावरण सिर्जना भएको छ त्यसले सकारात्मक परिणाम ल्याउने कुनै लक्षण छैन ।
बडादशैंको शुभकामना
Wednesday, 10.10.2018, 02:02pm
नेपालीहरूको महान चाड बडादशैं– २०७५ भोलिदेखि सुरू हुँदैछ । हिन्दु संस्कृति र परम्पराबाट अनुप्राणित नेपाली समाजमा बडा दशैंको विशेष महत्व छ । आपसी सद्भाव, मेलमिलाप र सम्पर्क विस्तार एवं वृद्धिका लागि यो अवसरको उपयोग नेपाली समाजको गौरवमय पक्ष हो । शिक्षा, रोजगारी , व्यापार(व्यवशायको सिलसिलामा घरपरिवारबाट टाढा रहेका व्यक्तिहरू पारिवारिक मिलनका लागि यही अवसरको प्रतिक्षामा रहेका हुन्छन् । राज्यले पनि प्रमुख चाडको रूपमा बडादशैं मनाउन लामो विदा दिने र मातहतका कर्मचारीलाई एक महिनाको तलब वरावरको रकम उपलब्ध गराई दशैं पर्व मनाउन सघाउँदै आएको लामो परम्परा छ । यो अवसरमा सवै तहका शिक्षण संस्थाहरूमा पनि बिदा दिने प्रचलन छ । नेपालमा यो नै सवभन्दा ठूलो राष्ट्रिय चाडपर्व हो ।
नागरिकतामा फेरि चलखेल
Tuesday, 10.02.2018, 12:34pm
नेपालका धर्तीपुत्रहरू सवै नेपाल आमाका सन्तान हुन् र ती सवैले विना झन्झट नेपालको नागरिकता पाउनुपर्छ भन्ने कुरामा कुनै विवाद छैन । तर सीमा व्यवस्थापन नभएको, आवागमनमा कुनै रोकटोक पनि नभएको र अभिलेख नियमनन पनि नगरिरिने गरेको दक्षिणी खुला सिमानाबाट जनसांख्यिक अतिक्रमण निरन्तर भैरहेको कटु यथार्थबोध मात्र नभै त्यसबाट उत्पन्न समस्याले नेपाललाई नराम्रोसंग गाँजिरहेको वस्तुतथ्य वारम्बार उजागर हुँदैआएको र नागरिकताको विवादास्पद सवाल पनि यसमा नराम्रोसंग गाँसिएको जगजाहेर नै छ । तीन करोड पनि जनसंख्या नभएको नेपाल र सवा अर्वभन्दा पनि बढी जनसंख्या भएको भारतबीच अव्यवस्थित र नियमन नगरिएको खुला सिमाना रहेको र आवागमनमा कुनै रोकटोक पनि नरहेको अवस्थाले गर्दा लाखौं भारतीयहरू नेपालमा आई व्यापार–व्यवशाय र रोजगारी गरिरहेका छन् भने अनेक प्रपञ्च गरी नागरिकता समेत हातपारेर नेपालको आन्तरिक राजनीतिमा समेत दखल दिने हैसियतमा पुगेका छन् । 
रहस्यमय मौनता
Tuesday, 09.25.2018, 12:26pm
नेपालको वैदेशिक नीति निर्धारण र सम्बन्ध परिचालनको सार्वभौम अधिकारमाथि नै दखल दिने गरी भारतका सेना प्रमुख विपिन रावतले गत हप्ता ‘बिमस्टेक’ राष्ट्रहरूको संयुक्त सैनिक अभ्यासको समापन अवसरमा प्रस्तुत गरेको असङ्गत र अपाच्य धारणाप्रति नेपाल सरकारको रहस्यमय मौनता गम्भीर चासोको विषय बनेको छ । “भूगोलका कारणले नेपाल र भुटान भारतसंग ढल्किनै पर्छ, नेपाल र चीनबीचको अहिलेको सम्बन्ध ‘गठबन्धन’ हो र यो अस्थायी रहेको छ ।” भन्ने सेना प्रमुखको कथन अत्यन्त आपत्तिजनक, अमर्यादित र दुराशयपूर्ण रहेको र स्वतन्त्र नेपालको वैदेशिक नीति निर्धारण र सम्बन्ध परिचालनको सार्वभौम अधिकारमाथि दखल पुर्याउने नियत त्यो आक्रोशपूर्ण बर्बराहटबाट छर्लंगिएको प्रष्टै भएको छ ।
राष्ट्रिय लगानी बालुवामा पानी
Tuesday, 09.11.2018, 12:23pm
सबैका लागि शिक्षा–नेपालका सत्ताधारीहरूले वर्षौंदेखि लगाउँदैआएको यो आकर्षक नारा हो । हरेक वर्ष अन्तर्राष्ट्रिय साक्षरता दिवस र राष्ट्रिय शिक्षा दिवसको दिन आयोजना गरिने औपचारिक कार्यक्रममा सरकारका तर्फबाट निकट भविष्यमै निरक्षरता उन्मुलन गरिने प्रतिबद्धता जाहेर गर्दै साक्षरता अभियानको उद्घोष गरिने चलन नै बसेको छ ।
बिजुली बिक्रीको नयाँ सपना
Tuesday, 09.04.2018, 12:43pm
नेपाल जलस्रोतको धनी मुलुक हो । नेपालमा साना–ठूला गरी ६ हजार नदीनाला छन्  भनिन्छ । तीबाट बग्ने पानीको सही सदुपयोग हुने  हो भने हजारौं हजार मेघावाट बिजुली उत्पादन हुनसक्छ र आन्तरिक खपतबाट उघ्रिने ठूलो परिमाणको बिजुली छरछिमेकमा निर्यात गरेर नेपाल समृद्ध बन्नसक्छ भन्ने धारणा जबर्जस्त रूपमा स्थापित  छ । तर हाम्रो दुर्दशा के छ भने हामी अझै पनि भारतबाट बिजुली आयात गरेर आफ्नो गर्जो टारिरहेका छौं । वर्षौंदेखि निर्माणको क्रममा रहेका राष्ट्रिय लगानीका हाम्रा विद्युत आयोजनाहरू भ्रष्टाचारको आहालमा नडुबिकन यथासमयमै सम्पन्न भएका हुन्थे भने व्यापार घाटाको पारो चढाउने गरी बिजुली आयात गर्नुपर्ने यस्तो अवस्था नै सिर्जित हुने थिएन ।
जघन्य अपराधका शृङ्खलाबद्ध घटना
Tuesday, 08.28.2018, 01:19pm
कञ्चनपुरकी १४ वर्षीया किशोरी निर्मला पन्तको गत साउन १० गते बलात्कारपछि निर्मम हत्या भएको जघन्य अपराध प्रकरण र अपराध अनुसन्धान प्रक्रियामा देखिएको त्रुटिले उब्जाएका गम्भिर सवालहरू विधिको शासन स्थापनाका लागि ठूलो चुनौती बनेका छन् । स्वतन्त्र र निष्पक्ष छानविनको जिम्मेवारी बोकेको आधिकारिक निकायभित्रैबाट अपराधकर्मको ढाकछोप भएको आरोप लगाउँदै एक महिनादेखि कञ्चनपुरमा भैरहेको जनप्रदर्शन र त्यसपछि उत्पन्न भएको विकराल स्थितिकै उपज अर्का किशोर सन्नी खुनाको समेत  प्रहरीको गोलीबाट ज्यान गएको छ । अपराध नियन्त्रणको जिम्मा लिएको प्रहरीले यथा समयमै छोरी हराएको जानकारी दिँदै खोजी गरिदिन आग्रह गर्दा पनि बेवास्ता गरिएको र अनुसन्धान प्रक्रिया सुरू गरेपछि पनि ‘अपराधकर्मीलाई जोगाउने गरी’ केवल झारा टार्ने शैलीमा काम गरेको प्रष्ट देखेपछि स्थानीय वासिन्दा आक्रोशित भै दवावपूर्ण जनप्रदर्शनमा उत्रिएको विकसित घटनाक्रमबाट पुष्टि हुन्छ ।
आत्मनिर्भरताको दुन्दुभी र वास्तविकता
Tuesday, 08.14.2018, 01:08pm
नेपाल विद्युतमा आत्मनिर्भर हुने दिन नजिकिँदै छ भनिए पनि बीचमा कुनै खण्डखाँतिर आइपरेन भने मात्र अझै एक वर्ष कुर्नुपर्ने भएको छ । आन्तरिक स्रोत परिचालन गरी स्वदेशी लगानीमा बन्दैगरेको ४ सय ५६ मेगावाटको माथिल्लो तामाकोशी पूरा हुन अझै एक वर्ष लाग्ने जनाउ सम्बद्ध अधिकारीले दिएका छन् । अहिले भारतबाट झण्डै ५ सय मेगावाट बिजुली आयात गरेर नेपालको उर्जा संकट टारिएको छ । नमुना आयोजनाका रूपमा अगाडि बढाइएको यो आयोजनालाई सरकारले राष्ट्रिय प्राथमिकता प्राप्त भने पनि तदनुरूपको गतिविधिको अभावका कारण यसको प्रतिफल जनताले पूर व निर्धारित समयमा पाउन नसकेको वास्तविकता प्रष्टै झल्किएको छ । नेपालका कुनै पनि ठूला साना आयोजनाहरू किन यथासमयमै पूरा हुँदैनन् र पूर्वानुमानित लागतभन्दा दोब्बर तेब्बर खर्च हुन्छ भन्ने कुरा गहन चासोको कुरा भए पनि त्यसका अन्तर्निहित कारणहरू खोतल्ने र विगतका कमी कमजोरीहरू दोहोरिन नदिने कुनै प्रतिबद्धता प्रकट हुनेगरेको छैन । 
अस्थिरताको पुनः बीजारोपण !
Wednesday, 07.25.2018, 12:28pm
राजधानी काठमाडौं अहिले फेरि फोहोरको डुंगुर थुप्रिएर नागरिकको स्वास्थलाई नै प्रतिकूल प्रभाव पार्ने गरी दुर्गन्धमय भएको छ । सडक विस्तार, मेलम्ची खानेपानीको वितरण प्रणाली र दूरसञ्चारका केबुल विस्तार गर्ने नाममा भत्काइएका संरचना, खाल्डाखुल्डी र अस्तव्यस्तताका कारण उब्जिएको धुलो र हिलो अनि अत्यन्त अव्यवस्थित यातायात प्रणालीका कारण फैलिएको धुवाँ र जामले नागरिकहरूको दैनिकीदेखि लिएर स्वास्थ्यमाथि नै प्रतिकूल प्रभाव पारिरहेकाले आम नागरिकको पीडा कहिनसक्नु भएको छ । नयाँ आर्थिक वर्षको बजेट सार्वजनिक हुनासाथ त्यो लागु हुनुभन्दा डेढ महिना अगाडिदेखि नै दैनिक उपभोग्य वस्तुको मूल्यवृद्धिले अनियन्त्रित गति लिएकाले सीमित आय भएका सर्वसाधारण जनतालाई साँझ–बिहानको गर्जो टार्न पनि धौ धौ भएको छ ।
सरकारले खुट्टा नकमाओस्
Tuesday, 07.10.2018, 02:37pm
नेपालमा वैदेशिक शक्तिहरूको चलखेल, पहुँच र प्रभाव आत्मनिर्णयको अधिकार स्थापना र उपयोगका लागि बाधक बन्दैआएको कटु यथार्थ बेलाबखत उजागर हुँदैआएको छ । नेपाल एउटा सार्वभौमसत्ता सन्पन्न स्वतन्त्र मुलुक हो र हाम्रो आन्तरिक मामिलामा दखल दिने अधिकार अरू मुलुकलाई छैन भनी हामीले वारम्बार जिकिर गर्दैआएका छौं । तर इतिहासको लामो कालखण्डदेखि नै नेपालको आन्तरिक मामिलामा चासो राख्ने र अनपेक्षित दवाव दिएर आत्मनिर्णयको अधिकारलाई संकुचनमा पार्ने गतिविधिहरू वैदेशिक क्षेत्रबाट प्रायोजित हुँदैआएका छन् । हाम्रा राष्ट्रिय मुद्दाहरूलाई ओझेलमा पारेर बाह्यक्षेत्रबाट जवर्जस्त बोकाइएका मुद्दाहरूको पछाडि अन्धयात्रा गर्ने प्रवृति नराम्रोसंग मौलाएकाले हाम्रो देशीय राजनीति, अर्थतन्त्र, सांस्कृतिक–धार्मिक क्षेत्रदेखि लिएर राज्यसंयन्त्रका यावत निकायहरू त्यसको दुष्प्रभावको शिकार बनिरहेका छन् ।
विदेशी दाताहरूको चलखेल
Tuesday, 06.12.2018, 03:21pm
नेपालको आन्तरिक राजनीतिमा वैदेशिक चलखेल र हस्तक्षेपकारी गतिविधि नेपालको स्वाधिनता र सार्वभौमिक अखण्डताको रक्षाका लागि ठूलो चुनौती बन्दैआएको छ । राष्ट्रिय राजनीति, अर्थनीति, संस्कृति र भूगोलसमेत यसको चपेटामा पर्नेगरेको कटु यथार्थ नै हो । नेपालभित्र अनियन्त्रित चलखेल गर्नपाएका वैदेशिक शक्तिहरूले दृश्य अदृश्य रुपमा अनेक ब्यूहरचना गरेर नेपालको हुर्मत लुट्ने चेष्टा गर्दैआएका अनेक उदाहरणहरू छन् । अनेकताबीच एकताको संस्कृति निर्माण गरेर आफ्नो स्वतन्त्र अस्तित्व जोगाउँदैआएको नेपाललाई यसको विशिष्ट चरित्र ध्वस्त पारेर विच्छिन्न विच्छिन्न अवस्थामा पु¥याउने प्रकृतिका अनेक खेलहरू वैदेशिक क्षेत्रबाट प्रायोजित हुँदैआएका छन् ।
पाँचवर्षका केही मीठा सपना
Wednesday, 05.30.2018, 04:42pm
नेपाल कम्युनिष्ट पार्टीको एकमना सरकारले संघीय संसदमा जेठ ७ गते प्रस्तुत गरेको आर्थिक वर्ष २०७।०७६को नीति तथा कार्यक्रम १३ गते आइतवार सर्वसम्मत रूपमा पारित भएको छ । प्रस्तुत नीति र कार्यक्रम पारित हुने क्रममा संसदभित्र छलफलको क्रममा उठेका सवाल र जिज्ञाशाहरूवारे जवाफदिँदै प्रधानमन्त्री खड्गप्रसाद शर्मा ओलीले दिउँसै सपना देखी पूरा गर्नसक्ने आकांक्षा राखेर नै यो नीति र कार्यक्रम ल्याइएको जवाफ दिनुभएको छ । प्रधानमन्त्रीज्यूको जवाफ र भनाइलाई पत्याउने हो र उहाँको सरकारले गरेको प्रतिबद्धता पूरा हुने हो भने आगामी पाँच वर्षभित्रै देशको मुहार निश्चय नै उज्यालो हुनेछ । प्रधानमन्त्रीज्यूको भनाइमा यो नीति र कार्यक्रम महत्वाकाकांक्षी र कर्मकाण्डी नभै व्यवहारको कसीमा खरो उत्रनसक्ने खालकै हो ।
मोदीको तीर्थाटन
Tuesday, 05.15.2018, 09:29am
भारतका प्रधानमन्त्री नरेन्द्र मोदी नेपालको दुई दिने औपचारिक भ्रमण पूरा गरी गत शनिवार नै स्वदेश फर्किसक्नुभएको छ । उहाँ स्वयंले तीर्थाटनको संज्ञा दिनुभएको यो भ्रमणको उपादेयता वारे भ्रमणको पूर्व सन्ध्यामा जे जस्ता बहस र चर्चा परिचर्चा भएका थिए अहिले त्यसको उपलब्धिका वारे उत्तिकै चर्चा परिचर्चा भैरहेको छ । उहाँ २०७१ सालमा पहिलो पटक नेपालमा आउनुहुँदा नेपाली जनमानसमा जुन सद्भाव र विश्वासको लहर उठेको थियो त्यो पानीको फोकामा परिणत हुनपुगेको निकट अतीतले नेपालीजनको पवित्र मैत्रीभावलाई कुण्ठित गराएको कारणले पनि तेस्रो पटक भएको यो भ्रमणको नतिजा दीर्घ प्रतिक्षाकै विषय बनेको छ । उहाँ भारतको प्रधानमन्त्रीका रूपमा पहिलो पटक नेपालमा पदार्पण गर्दा कुण्ठाग्रस्त नेपाल-भारत सम्बन्धले समयसापेक्ष नयाँ दिशा लिने आशा र विश्वास जागृत भएको थियो । 
मोदीको नेपाल भ्रमण अपेक्षा र आशंका
Tuesday, 05.08.2018, 11:02am
दक्षिणी छिमेकी मित्रराष्ट्र भारतका प्रधानमन्त्री नरेन्द्र मोदी नेपालको दुई दिने औपचारिक भ्रमण सुरु हुँदैछ  । यो भ्रमण सम्बन्ध विस्तारमा केन्द्रित हुने बताइएको छ  । संविधान जारी भएपछि भारतप्रति नेपालीहरुको दृष्टिकोण अरु नकारात्मक भएका बेला हुन लागेको मोदीको नेपाल भ्रमण आफैंमा महत्वपूर्ण छ  । नेपालको शान्ति, स्थिरता, विकास र समृद्धि मात्र भारतको चाहना भएको बताउने भारतीय शासकहरुको बोली र व्यवहार जहिल्यै फरक पर्ने गरेको सन्दर्भमा यसपटकको भमणमा बोली र व्यवहारको तादम्यता हुने अपेक्षा नेपाली जनताको छ  । नेपालको आन्तरिक राजनीतिक व्यवस्थापन नेपाली जनताकै आन्तरिक जाम्मेवारीको बिषय हो  । तर भारतले हरेक चरणका राजनीतिक परिवर्तनका नेपाली आकांक्षालाई आफ्नो निर्देशनमा चल्ने कठपुतलीहरू खडा गरेर उपयोग गर्ने र आफ्नो निहित स्वार्थ पूरा गर्दैजाने कसरत गर्दैआएकाले नेपालको आन्तरिक राजनीतिक व्यवस्थापनमा निरन्तर विचलन र जटिलता व्याप्त छ  ।
कुटनीतिक जटिलताभित्रको अहं मुद्दा
Tuesday, 04.24.2018, 01:19pm
प्रधानमन्त्री खड्गप्रसाद शर्मा ओलीको चीन भ्रमणको पूर्व तयारीका लागि चीनको पाँच दिने भ्रमणमा बेइजिङ् पुग्नुभएका परराष्ट्रमन्त्री प्रदीपकुमार ज्ञवाली द्विपक्षीय समझदारी वृद्धिको उत्साहवर्धक सन्देश प्रवाह गर्दै गत शनिवार स्वदेश फर्कनुभएको छ । भारतले नै निर्धारण गरेको मितिमा भारतको राजकीय भ्रमण पूरा गरेपछि चीन भ्रमणको अपरिहार्यता बोध गर्दै त्यसको पूर्व तयारीमा लाग्नुभएका प्रधानमन्त्री ओलीका सामु चीन भ्रमणमा जानु अघि नै भारतीय प्रधानमन्त्री नरेन्द्र मोदीलाई काठमाडांैमा उतैबाट तोकिएको मितिमा स्वागत गर्नुपर्ने अवस्था सिर्जित भएको अनुभूत भैरहेको छ । अतीतका कटु अनुभवलाई ओझेलमा पारेर नेपालसित नयाँ ढंगले सम्बन्ध विस्तार गर्न आतुर देखिएको भारतले चीनसितको बहुआयामिक सम्बन्ध विस्तारप्रतिको आमनेपाली चाहनालाई र उत्तरतिरबाट खुल्ने सम्भावना देखिएको उज्यालो ढोकालाई निक्कै चासो राखेर हेरिरहेको कुरामा कुनै सन्देह छैन ।
सम्बन्ध सुधारको सही बाटो
Thursday, 04.12.2018, 11:23am
नेपाल भारत सम्बन्ध जटिलतम मोडबाट सरल र सहज बाटोतिर उन्मुख गराउन उच्च राजनयिक तहबाट रचनात्मक पहल भएको आभास भएको छ । नेपालका शक्तिशाली प्रधानमन्त्रीका रुपमा भारतको तिन दिने राजकीय भ्रमण सम्पन्न गरी केपी शर्मा ओली गत आइतवार साँझ स्वदेश फर्किसक्नुभएको छ भने यस पटक उहाँले पाउनुभएको आतिथ्य र द्विपक्षीय वार्ता क्रममा उठाइएका विषय एवं सम्झौता र सहमतिका बुँदाहरू केलाउँदा विद्यमान समस्याहरूको निराकरण र बहुआयामिक सहयोगात्मक सम्बन्ध विस्तारले गतिलिने अपेक्षा बढेको छ । औपचारिक तहबाट भनिने गर्दा नेपाल भारत सम्बन्ध जहिले पनि समस्यारहित, पूर्ण समझदारीमा आधारित, आपसी समझदारी र विश्वासबाट विकसित र सांस्कृतिक सहभाव एवं खुला सिमानाले जोडेको भौगोलिक सहजताबाट अभिसिञ्चित हुँदैआएको छ ।
आर्थिक परनिर्भरताको जञ्जिर
Tuesday, 04.03.2018, 01:44pm
विकास र समृद्धि यतिखेर देशको मूल नारा बनेको छ । राष्ट्रपतिले संसदमा गरेको संबोधनमा होस् अथवा प्रधानमन्त्रीका वारम्वारका कथन हुन् समृद्धि र विकासका कुरा छुट्ने गरेका छैनन् । पाँच वर्षको अन्तरालमा मुलुकको कायापलट नै हुने गरी आर्थिक विकासको गति तीब्रतर पारिने प्रतिबद्धताहरू बिस्कुन सुकाएसरह जताततै छरिएका छन् । देशलाई आर्थिक विकास र समृद्धिको बाटोमा अगाडि बढाउनकै लागि संघीय, प्रादेशिक र स्थानीय सरकारहरू प्रतिबद्ध रहेका कुरा हरेक दिन सञ्चार माध्यम छाउने गरेका छन् । तर विधिको शासनको प्रत्याभूति हुने खालका कामको थालनी कुनै पनि क्षेत्रमा भएको थोरै पनि आभास जनताले पाएका छैनन् । राजधानी काठमाडौं धुलो र धुँवाले कुइरिमण्डल छ । नीलो आकाश र हरिया डाँडाकाँडा देख्नै मुस्किल छ भने राजधानीवासीले स्वच्छ हावामा सास पनि फेर्नपाएका छैनन् । 
वैदेशिक हस्तक्षेपको रन्को
Tuesday, 03.27.2018, 12:17pm
युरोपेली संघले गत हप्ता चार महिना अगाडि सम्पन्न प्रतिनिधिसभा र प्रदेशसभाको निर्वाचन पर्यवेक्षण प्रतिवेदन सार्वजनिक गरेपछि त्यसमा समेटिएका विषयलाई लिएर परराष्ट्र मन्त्रालय, निर्वाचन आयोग र प्रेस काउन्सिल नेपालले घोर आपत्ति जनाएका छन् ।  सो प्रतिवेदनले निर्वाचन आयोगबाट जारी आचार संहिताको ठाडो उल्लंघन गर्दै पर्यवेक्षण सम्बन्धी प्रचलित अन्तर्राष्ट्रिय मान्यता र समझदारीपत्र विपरीत नेपालको संविधानको प्रावधानमाथि ठाडो चुनौती दिएर नेपालको आन्तरिक मामिलामा हस्तक्षेप गर्ने धृष्टता गरेको सर्वत्र अनुभूत भएको छ । नेपालको घरेलु मामिलामा अनुचित चासो राख्दै जातिय विद्वेष फैलाउने गरी खस आर्यको आरक्षण खारेज गर्न अवाञ्छित सुझाव दिएर सो प्रतिवेदनले जाति विशेषविरूद्ध प्रत्यक्ष परोक्ष रूपमा नकारात्मक विभेद देखाउने घोर आपत्तिजनक काम गरेको छ । नेपाल सरकारले सो प्रतिवेदनमाथि आपत्ति जनाउँदै सच्याउन गरेको आग्रहलाई पनि पर्यवेक्षण टोलीले अस्वीकार गरेको छ ।
  » झिना मसिना कुरा
  » अर्थतन्त्रको उल्टो बाटो
  » उज्यालो भविष्यतिर लम्किने विश्वास
  » शहीद दिवसको औपचारिकता
  » सीमा अतिक्रमणको पीडा
  » ठूलो अनर्थ निम्तिने संकेत
  » मुलुकको भविष्यमाथि खेलबाड नहोस्
  » अर्थहीन विवाद
  » जनमतको सम्मान होस्
  » निर्वाचनको नतिजाले दिएको सन्देश
  » निर्वाचनको महाभारत
  » स्वच्छ निर्वाचनका चुनौतीहरू
  » प्रमुख मुद्दाहरू सधैं ओझेलमा
  » घोषणापत्र कि भ्रम र झूटको पुलिन्दा ?
  » आचारसंहिताको राजनीतिक पाटो
  » सम्भावनाको नयाँ ढोका खुल्यो !
  » आचार संहिताको ढोल
  » भ्रष्टाचारको चौतर्फी प्रभाव
  » राष्ट्रहितविरूद्धको सौदावाजी
  » बाढीपहिरोको र डुवानका अन्तर्निहित कारणहरू



 
::| Latest News

 
[Page Top]