युगसम्बाद साप्ताहिक
Yugasambad Saptahik
Wednesday, 10.23.2019, 11:15pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
सम्पादकीय
 
अनिष्टकारी भविष्यको संकेत
Tuesday, 09.15.2015, 11:41am (GMT+5.5)

मुलुक अनिष्टकारी चक्रव्यूहमा फँसेको छ । नानाथरी बितण्डाहरू नेपाल भूमिमा प्रायोजित रुपमा मञ्चित भैरहेका छन् । सबभन्दा ठूलो चुनौति राष्ट्रिय एकता, अखण्डता र सार्वभौमिकतामाथि नै खडा भएको छ । नेपालको आन्तरिक राजनीतिक गतिविधिमा बाह्यशक्तिको खटनपटन नांगो रुपमा देखिँदैआएको छ ।  नेपालको राजनीतिक दिशा निर्धारण नेपाली जनताको अभिमतले नभै बाह्यशक्तिको रणनीतिक स्वार्थ अनुरुपको निर्देशनमा चल्ने कुत्सित परम्परा बसालिएकाले त्यसका विकृत रुपहरू जताततै उजागर भैरहेका छन् । देशको कथित मूलधारको राजनीति देशको भूराजनीतिक अवस्थिति अनुरुप नभै बाह्यशक्तिको दलालीमा परिचालित हुने गरेकाले सिद्धान्त, मूल्य, मान्यता र आदर्शको विसर्जन स्वाभाविक नियति बनेको छ । नेपाललाई बहुपक्षीय द्वन्द्वको भूमरीमा फँसाएर आफ्नो अभीष्ट पूरा गर्ने लामो समयदेखि चल्दैआएको खेल पुनः एकपटक उत्कर्षमुखी बन्दैगएको तथ्यको उद्घाटन देशमा अहिले प्रायोजित रुपमा प्रक्षेपित भैरहेका घटनाक्रमले उजागर गरिरहेका छन् । मुलुकको स्वतन्त्र अस्तित्वमाथि नै आँच आँच पुर्याउने खालका अनेक सुनियोजित प्रकरणहरू दृश्यमान हुँदैगएका छन् । हत्या, हिंसा र अराजकताको माहोल खडा गरेर राष्ट्रिय एकता, अखण्डता, सद्भाव र सार्वभौमिकतामाथि धाबा बोल्ने जुन षड्यन्त्रात्मक गतिविधिहरू प्रायोजित भैरहेका छन् ती प्रसंगले प्रत्येक देशभक्त नेपालीको मन रोइरहेको छ । मुलुकको भविष्य अब कुन दिशातिर मोडिने हो ? यो अनुमान गर्नै नसिकिने अवस्थाको सिर्जना भएको छ ।

विगत एक महिनादेखि देशका बिभिन्न भागमा हिंसा भडकिइरहेको छ । एकातिर जसरी भए पनि  संविधान निर्माण गरिछोड्ने हठको प्रदर्शन भैरहेको छ भने अर्कातिर आन्दोलनका नाममा बर्बर ढंगले मान्छे मार्ने शृङ्खला चलेको छ । संघीयताको नाममा मुलुकमा रोपिएको बिषाक्त बीजले  राष्ट्रिय एकता, अखण्डता र सामाजिक सद्भावमाथि नै आँच ल्याउने खालका गतिविधिलाई प्रबद्र्धन गरिरहेको छ । मुलुक समग्रतामा संविधान निर्माणको हठ र त्यसको विरोधमा दूराग्रहजन्य धारणा राखेर मच्चाइएको अराजकताको दोहोरो चापमा परेको छ । यो सुनियोजित अराजकताले अहिलेसम्म चालीस जनाको ज्यान लिइसकेको विवरण सार्वजनिक भैसकेको छ भने देशको समग्र अर्थतन्त्रलाई धराशायी बनाउँदै लगेको छ । महिना दिनदेखि तराई क्षेत्रका उद्योगहरू बन्द छन् भने हजारौं मजदुरहरू बेरोजगार बनेका छन् । राजस्व संकलन दिनहूँ ओरालो लागेको छ । लाखौं विद्यार्थीहरूले विद्यालयको मुख देख्न पाएका छैनन् । सर्वसाधारण जनताको आवागमनमा निरन्तर रोकावट छ । देशका जनतालाई चामल, दाल, तरकारी समेत विदेशबाटै आयात गरेर खानुपर्ने अवस्थामा पुर्याउने कारणीहरू नै यो देशको देखाबटी हर्ताकर्ता बनेकाले मुलुकको यो दर्दनाक हालतलाई आत्मसात् गर्ने र त्यसलाई सम्बोधन गर्ने क्षमता खेताला हैसियतका नेताहरूसंग नभएको ध्रुब सत्य नै हो । यस्तो नियतिले मुलुकलाई कुन भँड्खालोमा जाक्ने हो भन्ने मात्र चिन्ता जनमानसबीच जागृत भैरहेको छ ।

चार दलले जेठ २५ गते १६ बुँदे सहमति गरेपछि असार मासान्तभित्र संविधानको रटान लगाए । माघ ८ गतेको रटानले एक वर्ष खाएकै थियो । असार पछि साउन र साउनपछि भदौको रटान चल्यो । संघीय संरचना पछि आयोग बनाएर गर्ने भनिएकोमा त्यसमा दिल्लीको लगाम लाग्यो अनि संघीय संरचनाको कोठे खाकाले देशमा आगो लगाउने निर्देशित परिस्थिति सिर्जना गर्याे । हिंसा हत्या, आगजनी, तोडफोड, बन्द, हड्तालको शृङ्खला सुरू भयो । द्रुतमार्गबाट संविधान बनाउन निर्देशन पाएका नेताहरू कोठे बैठकमा लागे । निर्माण प्रक्रिया अगाडि बढाउन भनी जनताको रे संकलनको पनि नाटक मञ्चन भयो तर प्राप्त रे सुझावलाई थन्क्याएर विदेशी प्रभुहरूकै निर्देशनलाई शिरोधार्य गरी मस्यौदाले विधेयकको रुप लियो । अब जस्तो भने पनि संविधान बन्ने भयो भन्ने अवस्थामा पुगेपछि दिल्लीको लगाम फेरि कसिएको छ । पछिल्लो चरणमा भदौभित्रै संविधानको रटान गर्ने नेताहरू दिल्लीको लगामपछि लत्याकलुतुक भएका छन् । नेताहरूको हैसियत पूरै उदांग भएको छ । नयाँ दिल्लीले नेपालको राजनीतिक स्वामित्व नेपाली जनताको हातमा होइन आफ्नो हातमा रहेको देखाउन गरेको हर्कतले संविधान निर्माणको गतिलाई मात्रै  प्रभावित पार्ने नभै मुलुकको अनिष्टकारी भविष्यप्रति इंगित गरिरहेको छ ।  


Rating (Votes: )   
Share     Print


Other Articles:
कैलालीको घटनाबाट पाठ सिकौं (09.01.2015)
मुलुक कता जाँदैछ ? नेताहरूले ख्याल गरुन् (08.26.2015)
छ प्रदेशको संघीयता (08.11.2015)
फेरि स्वामित्वकै प्रश्न (08.04.2015)
संविधान निर्माणको चटारो र राजनीतिक स्वामित्वको प्रश्न (07.28.2015)
मत संकलनको तामझाम (07.21.2015)
नीति तथा कार्यक्रम र बजेट (07.14.2015)
संविधानको मस्यौदा र उब्जिएका सवालहरू (07.07.2015)
सहयोगको ओइरो (06.30.2015)
सही बाटो पहिलिएला त ? (06.23.2015)
राहत सामग्रीमा भ्रष्टाचार (06.09.2015)
असामान्य अवस्थाको अन्त्य कसरी ? (06.02.2015)
वृहद राष्ट्रिय एकता अपरिहार्य (05.27.2015)
महाभूकम्पपछिको राष्ट्रिय सङ्कट (05.15.2015)
कहिले सुध्रने आर्थिक अवस्था ? (04.07.2015)
डा. के.सी.को अनशन र लुटतन्त्रको जालो (03.31.2015)
सीमासुरक्षाको सवाल (03.17.2015)
परिणामदायी वार्ताको खाँचो (03.10.2015)
अहिलेको यक्ष प्रश्न (03.04.2015)
प्रजातन्त्रको उपहास (02.24.2015)



 
::| Latest News

 
[Page Top]