युगसम्बाद साप्ताहिक
Yugasambad Saptahik
Sunday, 12.17.2017, 04:11am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
सम्पादकीय
 
सम्भावनाको नयाँ ढोका खुल्यो !
Wednesday, 10.11.2017, 01:52pm (GMT+5.5)

नेपालमा जनअनुमोदित ठूलो वामपन्थी दलको रुपमा स्थापित भएको प्रमुख प्रतिपक्षी दल नेपाल कम्युनिष्ट पार्टी एकीकृत माक्र्सवादी लेनिनवादी र दोस्रो ठूलो वामपन्थी दलको हैसियतमा रहेको सत्तारूढ दल नेपाल कम्युनिष्ट पार्टी माओवादी केन्द्रबीच आगामी मंसिर १० र २१ गते हुनलागेको प्रदेशसभा र प्रतिनिधिसभाको निर्वाचनको पूर्वसन्ध्यामा भएको चुनावी तालमेलको सहमति र अन्ततः पार्टी एकीकरण नै गर्ने गरी विकसित भएको समझदारीले राष्ट्रिय राजनीतिमा ठूलै तरंग पैदागरेको छ । नेपालको आन्तरिक राजनीति सिद्धान्त, विचार र आचरणलाई बलिबेदीमा चढाएर केवल क्षणिक सत्तास्वार्थमा मात्र केन्द्रित हुँदैगएको पृष्ठभूमिमा वैचारिक निकटता देखाइरहेका राजनीतिक दलहरूबीच चुनावी तालमेल र  पार्टी एकीकरणको समझदारी बन्नु र त्यसलाई व्यवहारमा उतार्ने कसरत गर्नुले नेपालको राष्ट्रिय राजनीतिले नयाँ दिशा समत्नलागेको प्रष्ट संकेत गरेको छ । नेपाल लामो समयदेखि राजनीतिक अस्थिरता, सत्तास्वार्थको घिनलाग्दो खेल, बाह्यशक्तिको अवाञ्छित हस्तक्षेप र परचक्रीकै रणनीतिक स्वार्थको घनचक्करमा फस्दैआएको छ भने राजनीतिक दलहरू पनि प्रकारान्तरले अरूकै उपयोगमा फस्दैआएका घटनाहरू अभिलेखित छन् । २००७ साल यतादेखिका यावत राजनीतिक परिवर्तनपछि जागृत हुनेगरेको नेपाली जनआकांक्षा माथि बाह्यशक्तिको नियन्त्रणकारी रणनीतिक आकांक्षा मुखरित हुनेगरेको कटु वास्तविकता एकातिर छ भने बाह्यशक्तिकै ब्यूहरचनामा फसेर नेपालका प्रमुख राजनीतिक दलहरू सत्तास्वार्थवृत्तमा मात्रै घुमिरहने प्रवृत्ति विकसित छ । यो पृष्टभूमिमा अहिले वाम दलहरूबीच चुनावी तालमेल र पार्टी एकताको जुन विष्मयकारी एवं चमत्कारिक निर्णय सार्वजनिक भएको छ त्यसले नेपाली जनमानसलाई नयाँ ढंगले उद्वेलित र उत्साहित त बनाएको छ नै त्यसका साथै यो सद्प्रयासका निम्ति प्रेरणाको स्रोत के हो भन्ने भन्ने कुतुहलतापूर्ण जिज्ञाशा पनि उत्तिकै रूपमा जागृत भएको छ । 
नेपालको भूराजनीति निरन्तर आन्तरिक राजनीतिक अव्यवस्थापन र बाह्यक्षेत्रबाट प्रक्षेपित मुद्दाहरूको घनचक्करमा परेर दग्ध र असन्तुलित बन्दैआएको अभिलेख छ । आन्तरिक राजनीतिक परिवर्तन र परिवर्तनपछिको राजनीतिक व्यवस्थापनका लागि मुलुक बाहिरको शक्तिकेन्द्र धाउने लामो परम्परा बसेको र परिवर्तनपछि सरकार बनाउने र ढाल्ने काम पनि बाह्शक्तिकै नियमित खेल बनेको अनपेक्षित अवस्थाले मुलुक नयाँ बाटोको खोजीमा रहेको कटुबोध गराइरहेको छ । अहिले वाम दलहरूबीच सझदारीको जुन प्रकरण सुरू भएको छ त्यो यदि विद्यमान विकृतिहरूको निराकरण गर्दै मुलुकलाई राजनीतिक स्थिरता, विधिको शासनको व्यवस्थापनका निम्ति स्थायी सरकार निर्माण गर्ने, बाह्यशक्तिको अवाञ्छित हस्तक्षेप र चलखेल रोक्ने र आत्मनिर्णयको गुमेको अधिकार स्थापित गर्ने दिशातिर परिलक्षित हुने हो भने मात्र भविष्यमा यसको सार्थकता अप्रतिम रहनसक्छ । होइन यो पनि प्रकारान्तरले प्रयोगपरक राजनीतिकै उपज  मात्र हो भने भविष्यमा नेपाली जनताले फेरि निराश हुनुपर्ने दिन आउने छ । 
नेपाली जनमत वामपन्थी राजनीतिक दलहरूको पक्षमा रहेको पटक पटकका निर्वाचन परिणामले देखाएका छन् । बहुदलीय व्यवस्थाको पुनःस्थापना पछिका हरेक निर्वाचनमा परेको मत विश्लेषण गर्दा वामपक्षमा धेरै मत परेको देखिन्छ तापनि वाम दलहरू एकले अर्काको उछित्तो काट्ने र वैचारिक विधर्मीहरूसंग साँठगाँठ गरेर सत्ता उपभोगमा मात्र केन्द्रित हुने अपसंस्कार वरण गर्दैआएका देखिन्छन् । यो बिडम्बनापूर्ण स्थितिको उपयोग  नेपालमा नियन्त्रित अस्थिरता सिर्जना गरेर अनपेक्षित लाभ उठाउँदैआएको बाह्यशक्तिले  निरन्तर गरिरहेको छ । नेपालमा जहिलेसम्म यो कोर्स परिवर्तन हुँदैन तहिलेसम्म नेपालको भविष्य निर्माणको बाटो नै खुल्दैन भन्ने तथ्य इतिहाससिध्द कुरा भैसकेको छ । वाम दलहरूबीचको चुनावी तालमेल  र प्रस्तावित एकीकरण मुलुकको स्थायित्व र भविष्य निर्माणको दिशातिर परिलक्षित हुनसकेमात्र त्यसले मुलुकलाई नयाँ दिशातिर डो¥याउन सक्छ भन्ने कुरामा कुनै सन्देह छैन ।
वाम दलहरूबीचको चुनावी  तालमेल र बृहद् एकताको समझदारीले नेपालको राजनीतिमा नयाँ तरंग ल्याएको मात्र नभै  सत्ता नेतृत्वमा रहेको नेपाली कांग्रेसलाई पनि लोकतान्त्रिक गठबन्धनका लागि बाध्यात्मक रूपमा प्रेरित गरेको छ । नेपालको आन्तरिक राजनीतिक व्यवस्थापनका निम्ति छिनोफानो गर्नुपर्ने धेरै मुद्दाहरू छन् । बाह्य हस्तक्षेप र चलखेल रोक्न अनि उत्तर दक्षिण दुवैतिरका छिमेकीहरूसित सन्तुलित सम्बन्ध कायम गर्न कठिन मेहनत गर्नुपर्ने अपरिहार्यता छ । केन्द्रिय र प्रादेशिक चुनावको पूर्वसन्ध्यामा देखिएको दृश्यावलीले राजनीतिक ध्रुवीकरणको नयाँ दिशा लिने सन्देश दिएको छ । आगामी निर्वाचनमा अन्तर्घात र गुटगत संकीर्णता देखिएन भने निश्चय नै ६० प्रतिशत भन्दा बढी मत वामपक्षमा  रहने निश्चित प्रायः नै छ । नव सिर्जित यो परिस्थितिले सत्तारूढ नेपाली कांग्रेसलाई मात्र विष्मित र त्रशित पारेको नभै वर्तमान सत्ता गठबन्धनको रणनीतिकार बनेको भारतलाई पनि क्षुब्ध बनाएको बुझ्न कठिन छैन । भारतले कांग्रेस, माओवादी र राजपालगायतका मधेश केन्द्रित दलहरूको दरो गठबन्धन गराएर आगामी निर्वाचनमा एमाले लगायतका राष्ट्रियताको मुद्दा उठाउने दलहरूलाई किनारा लागाउने जुन रणनीति अख्तियार गरेको थियो त्यसमा अवश्य नै पानी फेरिएको छ । नेपालको आन्तरिक राजनीति आफ्नो निर्देशनमा चल्नुपर्छ भन्ने दुराग्रह राख्दैआएको भारतले आगामी दिनमा गर्नसक्ने चलखेलबाट बचेर राष्ट्रिय स्वाभिमानलाई उच्चो राख्दै आत्मनिर्णयको अधिकार पुनःस्थापित गर्नका लागि चुनावी तालमेल र एकीकृत वाम पार्टीको निर्माण गर्न नेकपा एमाले र माओवादी केन्द्रको नेतृत्वले संयम र विवेक प्रदर्शन गर्दै ठूलो चुनौतीको सामना गर्नुपर्ने अपरिहार्यता छ । सैद्धान्तिक आधार र वैचारिक निकटताको जगमा बन्ने एकताले मुलुकको राजनीतिलाई शुद्धीकरण र स्थायित्वका निम्ति निश्चय नै अभिप्रेरित गर्ने छ भन्ने विश्वास प्रकट गर्दै यो सत्कार्यको अभियान सफल रहोस् भन्ने हाम्रो हार्दिक कामना छ ।  


Rating (Votes: )   
Share     Print


Other Articles:
आचार संहिताको ढोल (09.12.2017)
भ्रष्टाचारको चौतर्फी प्रभाव (09.06.2017)
राष्ट्रहितविरूद्धको सौदावाजी (08.29.2017)
बाढीपहिरोको र डुवानका अन्तर्निहित कारणहरू (08.15.2017)
संकीर्ण स्वार्थका नियोजित खेलहरू (08.08.2017)
आर्थिक समृद्धिको सपना मात्र (07.26.2017)
देखावटी आचारसंहिता (06.28.2017)
निर्वाचन सार्ने घातक निर्णय (06.22.2017)
राजनीतिक प्रदुषणको प्रभाव (06.15.2017)
सन्देहको निवारण होस् (05.31.2017)
सवै पक्षले मनन गर्नुपर्ने बेला (05.24.2017)
म्याक्रोनको जस्तै उदय नेपालमा कति सम्भव ? (05.17.2017)
उपलब्धिमूलक निर्वाचन (05.17.2017)
सन्निकट निर्वाचनको सार्थकता (05.11.2017)
निर्वाचनविरूद्ध असंगत चलखेल (05.02.2017)
नयाँ वर्षको शुभकामना (04.18.2017)
घोषित निर्वाचनको चुनौती (04.11.2017)
प्रधानमन्त्रीको चीन भ्रमण (03.22.2017)
गोविन्द गौतमको हत्या : सीमा अतिक्रमणको पीडा (03.14.2017)
कालो बादल हटेको छैन (02.28.2017)



 
::| Latest News

 
[Page Top]