युगसम्बाद साप्ताहिक
Yugasambad Saptahik
Tuesday, 08.21.2018, 03:14pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
सम्पादकीय
 
निर्वाचनको नतिजाले दिएको सन्देश
Tuesday, 12.12.2017, 02:48pm (GMT+5.5)

मंसिर १० र २१ गते भएको प्रतिनिधिसभा र प्रदेशसभाको निर्वाचनको मतगणनाको नतिजाले नेपाली जनता राजनीतिक स्थायित्व र राष्ट्रिय समृद्धिको ब्यग्र प्रतिक्षामा रहेको सन्देश प्रवाह गरेको छ । केही महिना अगाडि भएको स्थानीय तहको निर्वाचन र अहिले भएको निर्वाचनले विगतमा पटकपटक बहुमत ल्याएर पनि राजनीतिक स्थायित्व र राष्ट्रिय विकास र समृद्धिका लागि रचनात्मक र परिणामदायी योगदान दिन विफल भएको नेपाली कांग्रेसलाई प्रजातन्त्र र लोकतन्त्रको फलाको गर्दैमा र वामपन्थी दलहरूलाई सत्तोसराप गर्दैमा जनताले नपत्याउने पाठ सिकाएको छ । नेपाली जनता समयक्रममा सचेत बन्दैगएका छन् र देश र जनताको भविष्य निर्माणको बाटो तय गर्न स्वयं अग्रसर छन् भन्ने निर्वाचनको नतिजाले दिएको छ । यो निर्वाचनका लागि भएको वाम तालमेल र निकट भविष्यमै एउटै पार्टी बनाएर अगाडि बढ्ने नेकपा एमाले र माओवादी केन्द्रको उद्घोषले देशव्यापी रुपमा वामदलका कार्यकर्ताहरूलाई उत्साहित बनाएको र बहुमतको स्थिर सरकार एवं सुशासन र समृद्धिका लागि  मतदातालाई पनि आकर्षित गरेको नतिजाले नै देखाएको छ । शासकीय सोच, शैली र संस्कारमा परिवर्तनको अपरिहार्यतालाई पनि यो निर्वाचनले बोध गराएको छ । 
मतदाताहरूको विवेकमाथिको सम्मान नै लोकतन्त्रको सौन्दर्य हो । तर नेपालमा अहिलेसम्म प्रजातन्त्र र लोकतन्त्रको नाममा जे जस्ता अभ्यासहरू हुँदैआएका छन् तीबाट मतदाताहरूको विवेकमाथि खेलबाड भैरहेको र लोकतन्त्रको सौन्दर्य नै नष्ट पारेको देशको दुर्दान्त परिस्थितिले नै पुष्टि गरिरहेको छ । प्रजातन्त्रका नाममा भैरहेको अप्रजातान्त्रिक अभ्यासले मुलुकलाई राष्ट्रिय चिन्तनधारको बाटोमा अगाडि बढाउन व्यवधान खडा गरेको, क्रमिक रूपमा परनिर्भरता बढाउँदैलगेको र बाह्य हस्तक्षेपका लागि अनपेक्षित वातावरण सिर्जना गरेको जगजाहेर छ । अरूले थोपरेका दृश्य–अदृश्य मुद्दाको भारी बोकेर राजनीतिक हुँडलो मच्चाउने प्रवृत्तिले गर्दा राष्ट्रिय संकटको स्थिति बारम्बार सिर्जना भएको, राजनीतिक स्थायित्व कायम हुन नसकेको, विधिको शासनको अभावमा राष्ट्रिय विकास र समृद्धिको चाहना विपरीतका गतिविधिले टाउको उठाउने अवसर पाएको र समग्रतामा देशले उज्यालो भविष्यको बाटो नै तय गर्न नसकेको अहिलेको वास्तविकता हो । यो निर्वाचनको सन्दर्भमा उठेका राष्ट्रिय मुद्दाहरू राष्ट्रियता, राजनीतिक स्थिरता र विकास–समृद्धिका सपनाहरूको जवाफदेहितापूर्ण ढंगले सम्बोधन हुनुपर्छ । यो निर्वाचनको नतिजाले दिएको सन्देश नै यही हो ।
देशको वर्तमान राजनीतिक परिस्थिति अत्यन्त जटिल छ । नेपालको आन्तरिक राजनीतिमा अनपेक्षित चासो राख्दै भारतले निरन्तर रुपमा गर्दैआएको हस्तक्षेपको गति रोकिएको छैन । सम्पन्न निर्वाचनकै क्रममा पनि कुटनीतिक नियोगलाई सक्रिय पारी खेलिएका अवाञ्छित खेलहरू जानकारी बाहिर छैनन् । नेपालमाथि कुटनीतिक गैरकुटनीतिक अनेक दवाव प्रवाह गरेर नेपालमा आफ्ना पिछलग्गुहरूको जमातलाई सत्तारूढ गराउने र सत्ताधारीहरूलाई उपयोग गरेर नेपालको समग्रहित विरुद्ध षड्यन्त्रात्मक गतिविधि चलाइरहने भारतको निरन्तर खेलका दुष्परिणामहरू नेपाली जनताले भोग्दैआएका छन् । नेपालको हकहितका पक्षमा उभिने कुनै पनि शक्ति र समूहलाई उपहास, तिरष्कार र परास्त गर्न चालिँदैआएका खेल विरुद्ध जागृत हुँदैआएको नेपाली जनमतलाई यस पटकको निर्वाचनमा वामगठबन्धनले समेट्न सकेकाले नै उसको पक्षमा आशातीत जनमत उर्लिएको हो । यो वास्तविकतालाई स्वीकार गरेर बाह्य हस्तक्षेपको गति रोक्न र राष्ट्रको हकहितको रक्षा गर्दै जनभावनाको सम्मान गर्दै राष्ट्रिय नीति र कार्यक्रम तर्जुमा गर्ने र मुलुकलाई आत्मनिर्भरताको दिशामा अगाडि बढाउन प्रतिबद्ध प्रयास गर्ने हो भने नेपालको भूराजनीतिक दिशा परिवर्तन हुने र मुलुक उज्यालो भविष्यतिर अगाडि बढ्ने सम्भावना देखिएको छ । आशातीत विजयको अवसरले दिएको जिम्मेवारीलाई निर्वाह गर्ने क्षमता वाम गठबन्धनका नेताहरूले देखाउन सकुन्– हाम्रो शुभकामना छ ।  


Rating (Votes: )   
Share     Print


Other Articles:
निर्वाचनको महाभारत (12.05.2017)
स्वच्छ निर्वाचनका चुनौतीहरू (11.28.2017)
प्रमुख मुद्दाहरू सधैं ओझेलमा (11.24.2017)
घोषणापत्र कि भ्रम र झूटको पुलिन्दा ? (11.15.2017)
आचारसंहिताको राजनीतिक पाटो (11.07.2017)
सम्भावनाको नयाँ ढोका खुल्यो ! (10.11.2017)
आचार संहिताको ढोल (09.12.2017)
भ्रष्टाचारको चौतर्फी प्रभाव (09.06.2017)
राष्ट्रहितविरूद्धको सौदावाजी (08.29.2017)
बाढीपहिरोको र डुवानका अन्तर्निहित कारणहरू (08.15.2017)
संकीर्ण स्वार्थका नियोजित खेलहरू (08.08.2017)
आर्थिक समृद्धिको सपना मात्र (07.26.2017)
देखावटी आचारसंहिता (06.28.2017)
निर्वाचन सार्ने घातक निर्णय (06.22.2017)
राजनीतिक प्रदुषणको प्रभाव (06.15.2017)
सन्देहको निवारण होस् (05.31.2017)
सवै पक्षले मनन गर्नुपर्ने बेला (05.24.2017)
म्याक्रोनको जस्तै उदय नेपालमा कति सम्भव ? (05.17.2017)
उपलब्धिमूलक निर्वाचन (05.17.2017)
सन्निकट निर्वाचनको सार्थकता (05.11.2017)



 
::| Latest News

 
[Page Top]