युगसम्बाद साप्ताहिक
Yugasambad Saptahik
Tuesday, 01.16.2018, 03:13pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
सम्पादकीय
 
मुलुकको भविष्यमाथि खेलबाड नहोस्
Tuesday, 01.02.2018, 01:46pm (GMT+5.5)

नेपाली जनताले प्रतिनिधिसभा र प्रदेशसभाको निर्वाचनमा उत्साहपूर्ण सहभागिता जनाएर आगामी पाँच वर्षका लागि आफ्ना प्रतिनिधि छानिसकेका भए पनि ताजा जनादेश अनुसारको नयाँ सरकार गठन बिलम्बको शिकार बन्ने निश्चित प्रायः देखिएको छ । नेपालको आन्तरिक राजनीतिक दिशा निर्धारण र सत्ता गठन प्रक्रियालाई सतहमा हेर्दा नेपाली जनताको अभिमत नै अन्तिम निर्णायक हुने देखिए पनि पर्दा पछाडिका अनेक खेलले नेपाली जनमतको उपेक्षा गर्ने र निर्दे्शित र नियन्त्रित रुपमा राजनीतिक दिशा निर्धारण गर्ने र सरकार गठनमा पनि निर्णायक भूमिका स्थापित गर्नअनेक प्रपञ्च चल्ने गरेको हिजो जुन अनुभव थियो आज पनि त्यही स्थिति दोहो¥याउने कसरत चलिरहेको प्रचूर आभास भैरहेको छ । जनादेश अनुसारको नयाँ सरकार गठनका लागि कहिले राष्ट्रियसभाको गठन प्रक्रियावारे देखिएको कानूनी जटिलतालाई अगाडि सार्ने र कहिले निर्वाचन आयोग भित्रैबाट प्रक्रियागत बिलम्ब गराउने जुन काम भैरहेको छ त्यो कति स्वाभाविक र कति सुनियोजित हो भन्ने अहं प्रश्न खडा भएको छ । जनताको ताजा अभिमतलाई एकातिर पन्छाएर कानूनी छिद्रहरू खोज्दै निर्देशित रुपमा सत्ता लम्ब्याउने र नेपाललाई निरन्तर नियन्त्रित अस्थिरताको शिकार बनाइरहने खेल पनि चल्न दिइरहने जुन प्रयास भैरहेको छ त्यसले कुनै शुभ संकेत दिइरहेको छैन । नेपालको राजनीतिक दिशा निर्धारणमा नेपाली जनताको स्वामित्व स्थापित हुन नदिन गरिँदैआएको षडयन्त्र अहिले पनि उत्तिकै चलिरहेको यथेष्ठ आभास भैरहनु नै निर्वाचन पछिको सर्वा्धिक ठूलो चुनौती हो । 
नेपाली जनमतले भन्छ– पाँच वर्षका लागि वाम बहुमतको सरकार चलाउ, स्थिर सरकारको प्रत्याभूति दिएर मुलुकलाई विकास र समृद्धिको बाटोमा अगाडि बढाउ । नेपाली जनताले पुनः संरचित स्थानीय तहको निर्वाचनदेखि लिएर प्रतिनिधिसभा र प्रदेशसभाको निर्वाचनमा वाम दलहरूको पक्षमा मतदान गरेर राष्ट्रको पुनर्निर्माणको अभिभारा सुम्पिएको कुरामा कुनै सन्देह छैन । पछिल्लो चरणका हरेक निर्वाचनले बाह्य चलखेल र हस्तक्षेपको राजनीति विरुद्ध नेपाली जनता सचेत हुँदैगएको र राष्ट्रियताको पक्षमा दरोसंग उभिने नेतृत्वको स्थापनाप्रति प्रतिबद्ध रहेको यथेष्ठ सन्देश दिएको छ । यी निर्वाचनहरूमा खास गरी नेकपा एमाले र वाम गठबन्धनप्रति नेपाली जनमत आकर्षित हुनुको मूल कारण नै वर्तमान संविधान जारी हुन नदिन र जारी हुनासाथ अघोषित नाकाबन्दी गरेर नेपाललाई ठूलो सकसमा पारी आफ्नो अभिष्ट पूरा गर्न भारतले रचेको ब्यूहरचना विरुद्ध खड्ग ओली नेतृत्वको सरकारले राखेको अडान र भारत निर्भरताको जालो तोड्न  वैकल्पिक रुपमा चीनसित गरेको दूरगामी महत्वको सहमति र सम्झौता नै हो । भारतले औपचारिक शब्दावलीमा जे जति कुरा गरे पनि व्यवहारमा नेपाललाई कहिल्यै स्वतन्त्र ढंगले माथि उठ्न नदिने र  राजनीतिक दिशा निर्धारण र सत्ता संरचनाको स्वामित्व स्थापित गर्ने कसरत गर्दैआएको छ । नेपालमा स्थिर सरकार बन्न र चल्न नदिने भारतको अपरिवर्तनीय रणनीतिको दुष्चक्रमा नेपाल फस्दैआएको इतिहासको क्रमभंग अब पनि हुन सकेन भने नेपाली जनमतको सार्थकता कसरी सिद्ध होला ? यो नै अहिलेको अहं प्रश्न हो ।
नेपाली जनताको अहिलेको चाहना भनेको विगतमा खड्ग ओली नेतृत्वको नौमहिने सरकारले भारतीय हैकमवाद विरूद्ध देखाएको राष्ट्रिय अडानलाई निरन्तरता दिन र राष्ट्रिय स्वाभिमानको पक्षमा दरोसंग उभिनका लागि उहाँकै नेतृत्वमा वामबहुमतको स्थिर सरकार बनोस् भन्ने नै हो । विगतमा उहाँको नेतृत्त्वको सरकार ढालेर कठपुतली सरकार बनाउन र नेपालको आत्मनिर्णयको अधिकारमा ठेस पु¥याउन भारतले जुन ब्यूहरचना गरेको थियो अहिले पनि उहाँको नेतृत्वमा वामबहुमतको स्थिर सरकार बन्न नदिन उत्तिकै जोडजुलुम भैरहेको जगजाहेर छ । वाम गठबन्धन टुटाउन र एमाले माओवादीबीच पार्टी एकता हुन नदिन अहिले विभिन्न कोणबाट जुन ठूलो प्रयास भैरहेको छ मूलतः त्यो केवल खड्ग ओलीको सत्तागमनलाई रोक्न मात्र नभै नेपालमा बहुमतको स्थिर सरकार नै बन्न नदिने भारतको परम्परागत रणनीतिकै उपज हो भन्ने कुरामा कुनै सन्देह छैन । निर्वाचनमा नराम्रो पराजय भोगेको नेपाली कांग्रेस र २ नं प्रदेशमा सीमित रहेका केही दलका नेताहरूले भारतीय रणनीतिको मोहरा बनेर वाम गठबन्धनका प्रबल हस्ती प्रचण्डलाई प्रधानमन्त्रीको प्रलोभन देखाएर नेपाली जनमतको अपमान र उपेक्षा गर्ने जुन चरित्र देखाएका छन् त्यो समयक्रममा उनीहरूकै लागि पनि आत्मघात ठहर्ने छ । नेपाली जनमतलाई तिरस्कार गरेर अरूकै रणनीतिको गोटी बन्न उद्यत हुनु भनेको मुलुकलाई अब पनि दिशाहिनताकै अवस्थामा रुल्मुल्याइरहने दुराकांक्षाको अभिव्यक्ति हो । लोकतान्त्रिक चरित्र विपरीतका यस्ता गतिविधि तत्काल रोकिनुमा नै मुलुकको दीर्घकालीन भविष्य छ ।



Rating (Votes: )   
Share     Print


Other Articles:
अर्थहीन विवाद (12.26.2017)
जनमतको सम्मान होस् (12.19.2017)
निर्वाचनको नतिजाले दिएको सन्देश (12.12.2017)
निर्वाचनको महाभारत (12.05.2017)
स्वच्छ निर्वाचनका चुनौतीहरू (11.28.2017)
प्रमुख मुद्दाहरू सधैं ओझेलमा (11.24.2017)
घोषणापत्र कि भ्रम र झूटको पुलिन्दा ? (11.15.2017)
आचारसंहिताको राजनीतिक पाटो (11.07.2017)
सम्भावनाको नयाँ ढोका खुल्यो ! (10.11.2017)
आचार संहिताको ढोल (09.12.2017)
भ्रष्टाचारको चौतर्फी प्रभाव (09.06.2017)
राष्ट्रहितविरूद्धको सौदावाजी (08.29.2017)
बाढीपहिरोको र डुवानका अन्तर्निहित कारणहरू (08.15.2017)
संकीर्ण स्वार्थका नियोजित खेलहरू (08.08.2017)
आर्थिक समृद्धिको सपना मात्र (07.26.2017)
देखावटी आचारसंहिता (06.28.2017)
निर्वाचन सार्ने घातक निर्णय (06.22.2017)
राजनीतिक प्रदुषणको प्रभाव (06.15.2017)
सन्देहको निवारण होस् (05.31.2017)
सवै पक्षले मनन गर्नुपर्ने बेला (05.24.2017)



 
::| Latest News

 
[Page Top]