युगसम्बाद साप्ताहिक
Yugasambad Saptahik
Saturday, 12.15.2018, 11:28pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
सम्पादकीय
 
बडादशैंको शुभकामना
Wednesday, 10.10.2018, 02:02pm (GMT+5.5)

नेपालीहरूको महान चाड बडादशैं– २०७५ भोलिदेखि सुरू हुँदैछ । हिन्दु संस्कृति र परम्पराबाट अनुप्राणित नेपाली समाजमा बडा दशैंको विशेष महत्व छ । आपसी सद्भाव, मेलमिलाप र सम्पर्क विस्तार एवं वृद्धिका लागि यो अवसरको उपयोग नेपाली समाजको गौरवमय पक्ष हो । शिक्षा, रोजगारी , व्यापार(व्यवशायको सिलसिलामा घरपरिवारबाट टाढा रहेका व्यक्तिहरू पारिवारिक मिलनका लागि यही अवसरको प्रतिक्षामा रहेका हुन्छन् । राज्यले पनि प्रमुख चाडको रूपमा बडादशैं मनाउन लामो विदा दिने र मातहतका कर्मचारीलाई एक महिनाको तलब वरावरको रकम उपलब्ध गराई दशैं पर्व मनाउन सघाउँदै आएको लामो परम्परा छ । यो अवसरमा सवै तहका शिक्षण संस्थाहरूमा पनि बिदा दिने प्रचलन छ । नेपालमा यो नै सवभन्दा ठूलो राष्ट्रिय चाडपर्व हो । दैवीशक्तिप्रति विश्वस्त रहँदैआएको नेपाली समाज अहिले रूपान्तरणको नयाँ क्रममा रहेको र यसको सामाजिक–सांस्कृतिक महत्वलाई न्यूनीकरण गर्दैजाने सुनियोजित प्रयास पनि भैरहेको अनुभूत हुन थालेकाले मौलिक संस्कृतिको जगेर्ना ठूलो चुनौती बन्दैगएको छ ।             देशको कूल जनसंख्याको ९१ प्रतिशत ओमकार परिवार भएको मुलुकलाई बाह्य दवाव र प्रभावमा धर्मनिरपेक्ष घोषित गरी सनातन  धर्म, संस्कृति र परम्पराविरूद्ध लक्षित गतिविधि गर्ने जुन अवसरको सिर्जना गरिएको छ त्यसको नकारात्मक असर नेपाली समाजमा देखिँदैआएको छ । 
बहु भाषिक, बहुजातीय र बहुसांस्कृतिक स्वरूप ग्रहण गरेको सिङ्गो नेपाली समाजलाई शदियौंदेखि एकताबद्ध बनाउन यो देशको मौलिक संस्कृति र परम्पराले जुन योगदान दिँदैआएको छ त्यसलाई पटाक्षेप गरी सांस्कृतिक विचलनको गति तीब्रपार्ने निषेधात्मक प्रवृत्तिहरू पनि यसबीचमा मौलाइरहेका छन् र राष्ट्रिय समस्याको रूप लिइरहेका छन् । समय गतिशील र परिवर्तनशील छ– हिजोको अवस्थामा समाज अडिरहन सक्दैन तापनि आफ्नो मौलिक संस्कृति र परम्पराबाट विचलित हुँदै आयातित संस्कृतिप्रति अनुराग राखेर सामाजिक धरातललाई नै विशृङ्खलित पार्ने गतिविधिको विस्तार हुँदैगयो भने राष्ट्रिय एकता र अखण्डताको जरो नै उखेलिने भय पैदा हुन्छ । नेपालको मूल सांस्कृतिक धार कुन हो र यसको संरक्षण–संवर्धन कसरी गर्ने भन्नेतिर विचार नपु¥याउने हो भने हाम्रो मौलिकता गुम्दैजान्छ । नेपाल अहिले सांस्कृतिक अतिक्रमणको चपेटामा छ । विदा कटौतीका नाममा राष्ट्रिय चाड मनाउन समेत व्यवधान खडा हुने अवस्थाको सिर्जनाले दूरदराजका वासिन्दाहरू आहत हुनुपरेको स्थिति सिर्जित छ । देशका विभिन्न भागमा बिधर्मीहरूको प्रलोभनपूर्ण लगानी र चलखेलका दुष्प्रभावहरू सामाजिक–सांस्कृतिक सद्भावविरूद्ध लक्षित हुँदैआएका छन् । तर हाम्रो मौलिक संस्कृतिको संरक्षण–संवर्धन र समुत्थानका लागि राष्ट्रिय जागरण नै पैदा हुननसकेको स्थितिबोध सामाजिक रूपान्तरणको अहिलेको निर्देशित गतिविधिले प्रष्ट इङ्गित गरिरहेको छ ।    
बडादशैं नेपाली समाजको गौरवशाली संस्कृतिको द्योतक हो । आश्विन शुक्ल प्रतिपदाका दिन घटस्थापना गरी नौ दिनसम्म शक्तिदातृ माता दुर्गादेवीको पूजा आराधना गर्ने र दशौं दिन आसुरी प्रवृत्तिमाथि विजय प्राप्तिको कामना गर्दै प्रसाद ग्रहणका साथ मान्यजनसंग टीका लगाएर आशीर्वाद लिने प्रचलन छ । समाजबाट आसुरी प्रवृतिको अन्त्य होस्, खरावमाथि असलको विजय होस्, अन्यायमाथि न्यायको विजय होस्, अविश्वासमाथि विश्वासको विजय होस् र समाजमा वैमनस्यता र कलहको शेष नरहोस् भनेजस्ता नितान्त सकारात्मक सोच र विचारको प्रवाह गर्नुमा नै बडादशैं र त्यसमा पनि विजया दशमीको महत्व छ । नेपाली समाजमा यतिखेर सांस्कृतिक बिचलनका जुन लहरहरू उठिरहेका छन् तिनले हाम्रो सकारात्मक र सृजनात्मक सोच–विचारलक्षित संस्कृतिको गौरव र महत्वलाई नै स्खलित गराउने प्रयास गरिरहेको छ । विकृतिका अनेक शृङ्खलाहरू रचित छन् । यस्ता प्रवृतिहरू हाम्रो सामाजिक सद्भाव खल्बल्याउन, राष्ट्रिय एकता खल्बल्याउन र अखण्डतामाथि प्रहार गर्न लक्षित छन् । बडादशैंको यो अवसरले यस्ता आसुरी प्रवृतिविरूद्ध राष्ट्रिय जागरण पैदागर्न अभिप्रेरित गरोस् र आपसी सद्भाव, मेलमिलाप र सुख–समृद्धिका लागि एकताबद्ध प्रयास गर्न उत्साहित बनाओस् भन्ने हाम्रो हार्दिक कामना छ । सांस्कृतिक गौरव प्रदर्शनको यस क्षणमा हामी समस्त पाठक वर्ग, सहयोगी, शुभेच्छुक तथा समस्त नेपाली जनमा हाम्रोतर्फबाट हार्दिक शुभकामना अर्पण गर्दछौं ।


Rating (Votes: )   
Share     Print


Other Articles:
नागरिकतामा फेरि चलखेल (10.02.2018)
रहस्यमय मौनता (09.25.2018)
राष्ट्रिय लगानी बालुवामा पानी (09.11.2018)
बिजुली बिक्रीको नयाँ सपना (09.04.2018)
जघन्य अपराधका शृङ्खलाबद्ध घटना (08.28.2018)
आत्मनिर्भरताको दुन्दुभी र वास्तविकता (08.14.2018)
अस्थिरताको पुनः बीजारोपण ! (07.25.2018)
सरकारले खुट्टा नकमाओस् (07.10.2018)
विदेशी दाताहरूको चलखेल (06.12.2018)
पाँचवर्षका केही मीठा सपना (05.30.2018)
मोदीको तीर्थाटन (05.15.2018)
मोदीको नेपाल भ्रमण अपेक्षा र आशंका (05.08.2018)
कुटनीतिक जटिलताभित्रको अहं मुद्दा (04.24.2018)
सम्बन्ध सुधारको सही बाटो (04.12.2018)
आर्थिक परनिर्भरताको जञ्जिर (04.03.2018)
वैदेशिक हस्तक्षेपको रन्को (03.27.2018)
झिना मसिना कुरा (03.20.2018)
अर्थतन्त्रको उल्टो बाटो (03.06.2018)
उज्यालो भविष्यतिर लम्किने विश्वास (02.20.2018)
शहीद दिवसको औपचारिकता (01.30.2018)



 
::| Latest News

 
[Page Top]