युगसम्बाद साप्ताहिक
Yugasambad Saptahik
Friday, 10.18.2019, 04:04am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
सम्पादकीय
 
दुर्नियतिको घनचक्कर
Tuesday, 07.30.2019, 12:33pm (GMT+5.5)

देशको वर्तमान अवस्था कुनै पनि दृष्टिले उत्साहप्रद र भविष्यप्रति आश्वस्त हुनसक्ने नदेखिनु गम्भीर चिन्ताको विषय हो । राजनीतिक, आर्थिक, सामाजिक, सांस्कृतिक, कुटनीतिक हरेक क्षेत्रमा प्रत्यक्ष रूपमा देखिँदैआएका परिदृश्यहरूले मुलुक स्थायित्व, विकास र समृद्धि, सद्भाव, आफ्नोपनाको रक्षा र सन्तुलित वैदेशिक सम्बन्ध विस्तारको वाञ्छित दिशामा अगाडि बढेको आभास र प्रत्याभूति दिने प्रकृतिका कुनै लक्षण देखिन नसक्नु वर्तमान समयले खडा गरेको सर्वा्धिक ठूलो चुनौती हो । मुलुकमा अहिले पाँच वर्ष राज्य सञ्चालन गर्ने लोकप्रिय जनादेश पाएको सरकार स्थापित छ तापनि स्थायित्वबोध हुनसक्ने विश्वसनीय वातावरण सिर्जित छैन । सत्ताधारी दलभित्रैबाट खडागरिएका एकपछि अर्का सवालहरूले एकातिर पारस्परिक सद्भाव र विश्वास खण्डित गरिरहेका छन् भने अर्कातिर वैदेशिक शक्तिहरूबाट नियन्त्रित अस्थिरता सिर्जना गर्ने प्रपञ्च भैरहेको कथन पनि सुन्नमा आइरहने गरेको छ । नेपालको आन्तरिक राजनीतिमा दिशानिर्देश गर्ने र सुक्ष्म व्यवस्थापन गर्ने चासो र तदनुकूलको भूमिकामा बाह्यशक्तिको निर्णायक उपस्थितिको लामो शृङ्खलाका दुष्परिणामहरू राजनीतिक स्थायित्व र एकीकृत राष्ट्रिय दृष्टिकोण निर्माणका लागि सर्वा्धिक ठूला व्यवधान बनेका छन् । मुलुक दुर्नियतिको घनचक्करबाट अहिले पनि पिल्सिइरहेको छ ।
नेपालमा निरन्तर देखिँदैआएको राजनीतिक रन्थमोलले खडा गरेको सर्वा्धिक ठूलो समस्या भनेको सामाजिक आर्थिक विकासका आधारहरू विशृङ्खलित हुँदैजानु र हरेक क्षेत्रमा विचलन र विसङ्गतिको लहर उठ्नु नै हो । वैदेशिक क्षेत्रबाट प्रत्यक्ष र परोक्ष रूपमा प्रायोजन र प्रक्षेपण गरिएका कतिपय मुद्दाले एकातिर सामाजिक सम्बन्धको आधारभूत सेतु भत्काउँदै अनपेक्षित विद्वेषको बिषाक्त वातावरण सिर्जना गरेको छ भने अर्कातिर सांस्कृतिक विचलनले राजनीतिक–सामाजिक अगुवाहरूलाई समेत प्रभावित पारेका ‘होली वाइन’ प्रसङ्गदेखिका अनेक प्रकरणहरू क्रमशः उजागर हुँदैआएका छन् । ‘चार वर्ण छत्तीस जातिको फूलवारी’मा विध्वंश गर्न वैदेशिक लगानीमा खटिएका खेतालाहरूले मच्चाएको बितण्डाले मुलुकको हरेक क्षेत्र प्रदूषित र प्रताडित भैरहेको छ । यसको समग्र असर मुलुकको भविष्यमाथि परिरहेको छ । राष्ट्रिय चिन्तनधार नै धमिलिँदैगएपछि त्यसको प्रतिकूल प्रभावबाट मुलुक प्रताडित हुने बाहेक कुनै परिणाम आउँदैन भन्ने कुराको यथेष्ठ प्रमाण त मुलुक हरक्षण हरपल कमजोर बन्दैगएको अवस्थाले नै दिइरहेको छ । आन्तरिक कलहका बीजहरू रोपिँदै र फैलिँदैगएका छन् । जिम्मेदार ओहदामा बस्नेहरूलाई आआफ्नो डम्फू बजाउँदैमा फूर्सद छैन ।
नेपालको राजनीतिक इतिहासमा शासनतन्त्र परिवर्तनका अनेक अध्याय थपिँदैगएका छन् भने सिंहदरबारको घुम्ने मेचमा बस्नेहरूको अनुहार पनि बदलिँदैगएको छ । शासनसत्ताको आसनमा बसेपछि आफूलाई सर्वज्ञ र मर्मज्ञ ठान्ने अनि आफूले भनेको सवैले पत्याउनुपर्ने र मान्नुपर्ने मनोदशालाई तन्त्र परिवर्तन र अनुहारको फेरबदलले पनि परिवर्तन गर्नसकेन । नातावाद, कृपावाद र अर्थमोहको अपसंस्कृतिको बोलबाला झन् झन् मौलाउँदैगएको वास्तविकतालाई कसैले पनि ढाकछोप गर्नसक्ने अवस्था छैन । परनिर्भरता आर्थिक क्षेत्रमा मात्रै विस्तारित छैन सत्तामुखी राजनीतिक क्षेत्रमा पनि उत्तिकै व्याप्त छ । बाह्यशक्तिको आशीर्वाद लिने  अवाञ्छित होडले राजनीतिक विकार र विसृङ्खलताका दुष्परिणामदायी अध्यायहरू अभिलिखित हुँदैगएका छन् । पर्दापछाडिको निर्देशनमा चल्ने नाटकीय शैलीको शासनसत्ता वा राजनीतिक गतिविधिले स्वाभिमान र राष्ट्रिय सम्मानमाथि सधैं प्रहार गरिरहेको हुन्छ । दुर्दान्त नियतिको यस्तो खेलले प्रताडित हुँदैआएको नेपालको नियति बदलिएको कुनै लक्षण नदेखिनु अहिलेको वास्तविक चित्र हो ।


Rating (Votes: )   
Share     Print


Other Articles:
डुवानको नियतिः सधैँको सन्त्रास (07.22.2019)
मौलिक संस्कृतिको जगेर्ना होस् (06.18.2019)
परिणामदायी कार्यान्वयन ः बजेटको ठूलो चुनौती (06.05.2019)
भारतमा मोदीको पुनरोदय (05.28.2019)
कता छ विधिको शासन ? (04.30.2019)
नागरिकतामा खेलबाड रोकिएन ! (04.25.2019)
भावनात्मक स्वर लहरीको गुञ्जन (04.16.2019)
विपद व्यवस्थापनमा दक्षताको प्रश्न (04.10.2019)
खुल्ला त समृद्धिको बाटो ? (04.04.2019)
लगानी सम्मेलनको सार्थकता (03.28.2019)
द्वन्द्व विस्तारको असङ्गत कसरत (03.18.2019)
यी प्रश्नको जवाफ कसले दिने ? (01.01.2019)
जनताको विश्वासमाथि तुषारापात (12.11.2018)
आन्तरिक उत्पादन निरुत्साहित (11.20.2018)
बडादशैंको शुभकामना (10.10.2018)
नागरिकतामा फेरि चलखेल (10.02.2018)
रहस्यमय मौनता (09.25.2018)
राष्ट्रिय लगानी बालुवामा पानी (09.11.2018)
बिजुली बिक्रीको नयाँ सपना (09.04.2018)
जघन्य अपराधका शृङ्खलाबद्ध घटना (08.28.2018)



 
::| Latest News

 
[Page Top]