युगसम्बाद साप्ताहिक
Yugasambad Saptahik
Sunday, 12.15.2019, 02:23am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
सम्पादकीय
 
नेपाल चीन सम्बन्धको नयाँ आयाम
Tuesday, 10.22.2019, 01:28pm (GMT+5.5)

चिनिया राष्ट्रपति सी चीङफिङको अघिल्लो हप्ता सम्पन्न भएको दुई दिने नेपाल भ्रमणको ऐतिहासिक महत्व, उपलब्धि र द्विपक्षीय सम्बन्धको भावी दिशावारेका चर्चा–परिचर्चाहरू अझै ताजै छन् । नेपाल र चीनबीचको बहुआयामिक पारस्परिक सम्बन्धलाई भविष्य–दृष्टि र दिशा दिनेतर्फ लक्ष्योन्मुख रहेको यो भ्रमण दुई देशबीचको चासो र सरोकारको मात्र विषय नबनी दक्षिण एसियाली क्षेत्रकै ’कनेक्टिभिटी’ विस्तारसंग पनि जोडिएकाले यसको दूरगामी महत्व रहेको निर्विवाद नै छ । परिवर्तीत विश्व सन्दर्भमा चीनको आर्थिक (राजनीतिक क्षेत्रमा बढिरहेको अतुलनीय भूमिकाकै कारण पनि चीनसित भूसीमा जोडिएको नेपालसंग चीनको बढ्दो हिमचीम स्वाभाविक रूपमा नै अन्तर्राष्ट्रिय चासोको बनिरहेको देखिन्छ । नेपाल र चीनबीच सीमा जोडिएको र परम्परागत सम्बन्धको लामो इतिहास रहेको भए पनि उच्च हिमशृङ्खलाका कारण देखिएको असहजता चीनले आर्थिक र प्राविधिक क्षेत्रमा गरेको अद्भूत विकासकै परणाम भन्नुपर्छ– त्यो असहजता क्रमशः हट्दैगएको छ र भूपरिबेष्ठित अवस्थाबाट भूजडित अवस्थामा रूपान्तरित हुने अवस्थाको सिर्जनाले सम्भावनाका धेरै ढोकाहरू खुल्दैगएका छन् । यो स्वतन्त्र नेपालका लागि उज्यालो भविष्यको संकेत र सन्देश दुबै हो ।
नेपाल र चीनबीच स्वाभाविक रूपमा विकसित भैरहेको सम्बन्धलाई अरूचिको विषय बनाएर नेपाल चीनतिर ढल्किएको र चीनमय भएको भनेजस्ता भ्रमात्मक धारणाको बीजारोपण गर्ने कसरत अहिले जुन रूपमा भैरहेको छ त्यसका पछाडिका निहित उद्देश्यप्रति नेपाल बढी नै चनाखो र सतर्क हुनुपर्ने आवश्यकता एकातिर छ भने अर्कातिर विगत र वर्तमानमा भएका सम्झौता र सहमतिको द्रुततर कार्यान्वयनप्रति प्रतिबद्ध प्रयासको अपरिहार्यता पनि उत्तिकै महसुस छ । नेपालप्रति चीनले निरन्तर देखाउँदैआएको सदासयतापूर्ण सहयोग र उसको आर्थिक–प्राविधिक क्षमताबाट अधिकतम लाभ लिनसक्ने अवसरको उपयोग हाम्रै क्षमतामा भरपर्ने कुरा हो । विगतमा चिनिया सहयोगलाई बिक्रीका वस्तुको रूपमा उपयोग गर्ने महाभूलका पछाडिका अन्तर्र्नििहत कारण अप्रीतिकर छन् । प्राप्त अवसरलाई सही उपयोग गर्ने क्षमताको विकास गर्न नसक्दाका अनपेक्षित परिणामहरू हाम्रा वर्तमानका भोगाइ बनेका छन् ।  द्विपक्षीय सम्बन्ध विस्तारमा अन्य शक्तिको नकारात्मक प्रभाव हाम्रो निरन्तरको समस्या हो । हाम्रो राष्ट्रिय आकांक्षापूर्तिका लागि स्रोत र शक्तिको परिचालनका लागि हामी नै अग्रसर र सक्षम हुनुको विकल्प छैन ।
आर्थिक विपन्नता, स्रोत, साधन, प्रविधि र प्रशिक्षित दक्ष जनशक्तिको अभाव एकातिर र उपलब्ध अवसर र प्राप्त सहयोगको समयोचित उपयोगमा वाञ्छित तत्परता र क्षमताको कमी अर्को्तिर हाम्रा अहिलेका मूल समस्या हुन् । पराश्रयी सोच र व्यवहारका कारण मुलुक हरेक क्षेत्रमा परनिर्भर भन्दैगएको दारूण अवस्था नै हाम्रो वर्तमानको यथार्थ हो । चीनले छोटै अवधिमा आर्थिक र प्रविधिक क्षेत्रमा जुन अद्भूत विकास गरेर विश्वमा नै जुन उदाहरण प्रस्तुत गरेको छ त्यो हाम्रा लागि प्रेरणाकै स्रोत बन्नसक्छ । विश्वका अनेक मुलुकमा अहिले चिनिया पूँजी र प्रविधि विकासमा आधार बनिरहेका छन् । दक्षिण एसियाली राष्ट्रहरूमै हेर्दा चिनिया लगानी कम भएको देश नै नेपाल हो । राष्ट्रिय विकास र समृद्धिका लागि चिनिया पूँजी र प्रविधिको उपलब्धताको उपयोग गर्ने जुन अवसर नेपाललाई प्राप्त छ त्यसको उपयोग गर्ने क्षमताको विकास नै हाम्रो अहिलेको राष्ट्रिय आवश्यकता हो । चिनिया राष्ट्रपति सी चिनफिङको नेपाल भ्रमणले खोलेका अवसरका ढोकाहरू अधिकतम उपयोग गर्ने राष्ट्रिय सोच र क्षमताको विकास एवं प्रतिबद्ध प्रयासको थालनीमा कुनै बिलम्ब हुनुहुन्न । नेपालको भविष्य उज्यालो हुने र द्विपक्षीय मित्रताको गाँठो कसिलो हुने आधार पनि यही हो ।


Rating (Votes: )   
Share     Print


Other Articles:
राष्ट्रपति सीको नेपाल भ्रमण (10.15.2019)
बडादशैँको शुभकामना (10.02.2019)
संविधानको चारवर्ष (09.25.2019)
कुटनीतिक सन्तुलनको समस्या (09.17.2019)
नेताहरूको रहस्यमय मौनता (09.10.2019)
उज्यालो नक्षत्रको विदाइ (08.20.2019)
दुर्नियतिको घनचक्कर (07.30.2019)
डुवानको नियतिः सधैँको सन्त्रास (07.22.2019)
मौलिक संस्कृतिको जगेर्ना होस् (06.18.2019)
परिणामदायी कार्यान्वयन ः बजेटको ठूलो चुनौती (06.05.2019)
भारतमा मोदीको पुनरोदय (05.28.2019)
कता छ विधिको शासन ? (04.30.2019)
नागरिकतामा खेलबाड रोकिएन ! (04.25.2019)
भावनात्मक स्वर लहरीको गुञ्जन (04.16.2019)
विपद व्यवस्थापनमा दक्षताको प्रश्न (04.10.2019)
खुल्ला त समृद्धिको बाटो ? (04.04.2019)
लगानी सम्मेलनको सार्थकता (03.28.2019)
द्वन्द्व विस्तारको असङ्गत कसरत (03.18.2019)
यी प्रश्नको जवाफ कसले दिने ? (01.01.2019)
जनताको विश्वासमाथि तुषारापात (12.11.2018)



 
::| Latest News

 
[Page Top]