युगसम्बाद साप्ताहिक
Yugasambad Saptahik
Saturday, 04.04.2020, 07:43am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
अन्तराष्ट्रिय
 
४० प्रतिशतलाई अस्पतालभित्रै संक्रमण
Wednesday, 02.12.2020, 12:08pm (GMT+5.5)

संयुक्तराज्य अमेरिकादेखि अष्ट्रेलियासम्मका वैज्ञानिकहरू चीनको कोरोना भाइरसको प्रकोप साम्य बनाउने उद्देश्यले महत्वाकाङ्क्षी, करोडौँ डलरको अभियानका साथ खोप विकास गर्न नयाँ प्रविधि प्रयोग गरिरहेका छन् । गत वर्षको अन्त्यतिरबाट चीनमा देखिएको यो नयाँ भाइरस द्रुत रूपमा फैलिएको छ र चीनको मुख्य भूमिमै ८०० जनाभन्दा बढी मानिसको मृत्यु भइसकेको छ । भाइरसबाट ३७ हजारभन्दा बढी मानिस सङ्क्रमित छन् । दुई दर्जन अन्य देशमा कोरोना प्रभावित व्यक्ति भेटिएका छन् । 
कुनै पनि खोप बनाउन सामान्यतया वर्षौं लाग्छ र पशुहरूमा परीक्षणको लामो प्रक्रियाका साथै मानवमा परीक्षण र नियामक स्वीकृति आवश्यक हुन्छ तर विशेषज्ञहरूका धेरै टोलीहरु द्रुत प्रक्रियाबाट खोप निर्माण गर्ने दौडमा जुटेका छन्, जसलाई अन्तर्राष्ट्रिय वैज्ञानिकहरुको समर्थन प्रान्त हुने विश्वास छ । अष्ट्रेलियाली वैज्ञानिकहरू ६ महिनाभित्रमा कोरोना भाइरसको खोप तयार गर्ने आशामा छन् । 
“अहिले साँच्चिकै दबाबको स्थिति छ र हाम्रो काँधमा ठूलो जिम्मेवारी छ,” अस्ट्रेलियाको क्विन्सल्याण्ड विश्वविद्यालयका एकजना वरिष्ठ अनुसन्धानकर्ता किथ च्यापेलले बताउनुभयो । तर उहाँले विश्वका धेरै टोलीहरु एउटै अभियानमा जुटिसकेकाले आफूलाई खुशी लागेको बताउनुभयो । 
“आशा छ, यीमध्ये कुनै न कुनै एक सफल हुनेछ र यो प्रकोप साम्य हुनेछ,” उहाँले बताउनुभयो । तर छ महिनाको समयावधि पनि कोरोनाको सङ्क्रमणका दृष्टिकोणबाट कष्टदायी र ढिलो देखिएको छ । जङ्गली जनावरहरू बेचबिखन गर्ने बजारबाट फैलिएको आशङ्का गरिएको कोरोना भाइरसका कारण चीनको मुख्य भूमिमा दैनिक १०० जनाको ज्यान गइरहेको छ । 
पश्चिम अफ्रिकामा करीब ११ हजारको ज्यान लिएको इबोला प्रकोप नियन्त्रणका लागि खोप निर्माण गर्न आर्थिक सहयोग जुटाउनका लागि सन् २०१७ मा गठन भएको ‘कोएलिशन फर इपिडेमिक प्रिपर्डनेस इनोभेसन्श’ (सेपी) पनि यसपटक कोरोना भाइरसको खोप निर्माणमा सक्रियतापूर्वक जुटेको छ । निकै महँगो बायोटेक्नोलजी अनुसन्धानका लागि यस संस्थाले वित्तीय सहायता जुटाउँछ । 
खोपको विकासको गति बढाउने लक्ष्यसहित सेपीले विश्वभरि चारवटा परियोजनामा करोडौँ अमेरिकी डलर लगानी गरिसकेको छ र थप प्रस्तावका लागि आह्वान गरिरहेको छ । 
यी परियोजनाहरुबाट नयाँ प्रविधि प्रयोग गरी निर्माण गरिने खोपहरू निकट भविष्यमा परीक्षण गर्न सकिने विश्वास लिइएको छ । सेपीका प्रमुख कार्यकारी अधिकृत रिचर्ड ह्यासेटले १६ हप्ताभित्रै खोपको क्लिनिकल परीक्षण शुरु गर्ने लक्ष्य राखिएको बताउनुभयो । 
जर्मन बायोफर्मास्युटिकल कम्पनी क्युरभ्याक र अमेरिकी मोडर्ना थेराप्यूटिक्सले ‘मेसेन्जर–आरएनए’ (प्रोटिन उत्पादन गर्न शरीरलाई निर्देशन दिने औषधि) मा आधारित खोपहरु विकास गर्दैछन् । अर्को अमेरिकी कम्पनी इनोभियोले डिएनए–आधारित प्रविधि प्रयोग गरिरहेको छ । 
सिङ्गापुरस्थित ड्युक–एनयुएस मेडिकल स्कुलका सङ्क्रामक रोगसम्बन्धी कार्यक्रमका उपनिर्देशक ओई इङले डिएनए र आरएनए–आधारित भ्याक्सिन (खोप)हरूले भाइरसको आनुवांशिक पक्षलाई ध्यानमा राखेर त्यसलाई नियन्त्रणमा ल्याउने बताउनुभयो । 
प्रोटिनयुक्त खोपले शरीरको प्रतिरोधक प्रणालीलाई मजबुत बनाउने र त्यसले कोरोना भाइरसलाई पत्ता लगाउन र त्यसविरुद्ध आक्रमण गर्न सक्षम हुन्छ । 
अष्ट्रेलियाका अनुसन्धानकर्ताहरूले विश्वविद्यालयका वैज्ञानिकले आविश्कार गरेको ‘मोलिकुलर क्लाम्प’ प्रविधि प्रयोग गरिरहेका छन् । यस प्रविधिबाट डिएनए विधि अनुसरण गरी खोप निर्माण गरिन्छ । 
पाश्चर इन्स्टिच्युटका फ्रान्सेली वैज्ञानिकहरूले कोरोना भाइरसविरुद्ध काम गर्न दादुरा खोपलाई परिमार्जन गर्दैछन् तर यो २० महिनायता तयार हुने आशा गर्न सकिन्न । 
यसैबीच, चीनको सरकारी समाचार संस्था सिन्ह्वाका अनुसार चिनियाँ रोग नियन्त्रण र रोकथाम केन्द्रले पनि खोपहरू विकास गर्न थालेको छ । 
स्वास्थ्य अधिकारीहरूले खोप प्रयोगका सन्दर्भमा जोखिम र फाइदाहरूमाथि विचार गर्न सक्छन् । यदि सार्वजनिक स्वास्थ्य आपतकालीन स्थितिमा छ भने प्रक्रिया छोट्याउन सकिन्छ, ओईले बताउनुभयो । तर उहाँले “यदि स्थितिमा सुधार भयो भने खोप बनाउन पर्याप्त समय लिए हुन्छ,” भन्नुभयो । 
कोरोना भाइरसका लागि कुनै खोप नभएको अवस्थामा केही चिकित्सकहरूले सङ्क्रमितहरूको उपचार गर्न एन्टि–रेट्रोभाइरल र फ्लू औषधीहरूको प्रयोग गरिरहेका छन्, तर यी औषधि प्रभावकारी छ कि छैन भन्ने थाहा हुन सकेको छैन । 
अन्ततः वैज्ञानिकहरू २००२–२००३ का बखत फैलिएको श्वासप्रश्वास रोग सार्सको प्रकोपको अवस्थामा पुग्न सक्छन् । त्यसबखत खोप विकास गर्नुअघि नै औषधिको प्रयोगबाट सार्स नियन्त्रणमा आइसकेको थियो । 
नयाँ कोरोना भाइरस जस्तै प्रकृतिको सार्सका कारण लगभग ८०० जनाको ज्यान गएको थियो । 
यसबीचमा कोरोना भाइरस संक्रमणले महामारीका रुप लिइरहेका बेला त्यहाँका चिकित्सकहरुको एक टोलीले अस्पताल आएका कोरोना भाइरस संक्रमितहरुमध्ये ४० प्रतिशतलाई अस्पतालमै संक्रमित भएको आशंका गरेका छन् । हालसम्म ८ सयभन्दा बढीको ज्यान लिइसकेको कोरोना भाइरसको भ्याक्सिन बनाउन विश्वभरका वैज्ञानिकहरु लागिपरे पनि यसको निदानको उपाय पत्ता लागेको छैन । यस्तोमा कोरोना संक्रमण अस्पतालभित्रै बढी भएको आशंका गर्न थालिएको हो ।
वुहान विश्वविद्यालय अस्पतालममा कार्यरतत टोलीले आफूहरुको अनुसन्धान शुक्रबार अमेरिकन मेडिकल एसोसिएशनमा सार्वजनिक गर्दै सो आशंका जनाएका हुन् । अध्ययन अनुसार जनवरी १ देखि २८ को बीचमा अस्पतालमा १ सय ३८ जना संक्रमित भएकको पुष्टि गरिएको थियो । यीमध्ये ४१ प्रतिशत अर्थात् ५७ जना चिकित्साकर्मी तथा अन्य कारणबाट अस्पतालमा भर्ना भएका थिए ।
अध्ययनमा के आशंका गरिएको छ भने शल्यक्रिया विभागमा एक संक्रमितले १० जनाभन्दा बढी चिकित्सकलाई संक्रमित गरेका थिए । बिरामीमा उच्च ज्वरो र थकानको अवस्था थियो । अनुसन्धानले के निष्कर्ष निकालेको छ भने कोरोना भाइरसको असामान्य लक्ष्यण भएका बिरामी पत्ता लगाउन कठिन छ । यो भाइरसको मानिसबाट मानिसमा तीब्रगतिमा सर्दछ ।


Rating (Votes: )   
Share     Print


Other Articles:
बेलायती राजदूत तेहरानबाट पक्राउ, सोधपुछपछि रिहा (01.14.2020)
अमेरिका–इरान तनाबबीच जापानी प्रधानमन्त्री मध्यपूर्व भ्रमणमा (01.14.2020)
अमेरिकाले चार हजार सैनिक फिर्ता गर्दै (12.17.2019)
भाइ राष्ट्रपति पूर्व राष्ट्रपति दाइ प्रधानमन्त्री (11.27.2019)
वेपत्ता भनिएका पवार सकुशल रहेको जानकारी (11.27.2019)
गद्दी आरोहणको खुशियालीमा राष्ट्रिय उत्सव (11.14.2019)
अयोध्याको अर्को ठाउँमा मस्जिद बनाउन आदेश (11.14.2019)
नौ भारतीय सैनिक मारिएका पाकिस्तानी सेनाको दावी (10.22.2019)
आईएसका आफन्त भागेपछि फ्रान्सद्वारा चासो व्यक्त (10.15.2019)
स्थापनाको अवसरमा बेइजिङमा सम्मान समारोह (10.02.2019)
बेहुलीले जन्ती लिएर बेहुलाकोमा गएपछि (09.25.2019)
इरानले ग¥यो खाडी क्षेत्रको सुरक्षाको दावी (09.25.2019)
चिकित्सकको घरमा दुई हजार मानव भ्रुणका अवशेष (09.17.2019)
अमेरिका–तालिबान वार्ता सङ्कटमा, ट्रम्प भन्नुहुन्छ, “क्याम्प डेभिड गोप्य बैठक रद्द” (09.10.2019)
काश्मिर : स्वतन्त्रता दिवस हुँदै राष्ट्रसङ्घीय सुरक्षा परिषद्सम्म (08.20.2019)
भारतले थप्यो काश्मिरमा १० हजार सैनिक, स्थानीय त्रसित (07.30.2019)
अफगानिस्तानमा सुरु भो निर्वाचनको चहलपहल (07.30.2019)
महिला सांसदले राष्ट्रसँग माफी माग्नुपर्छ- ट्रम्प (07.22.2019)
चीन भन्छ- अमेरिका इरान वार्ता गर (06.18.2019)
चीनद्वारा अमेरिकी सामानमाथि थप भन्सार कर उठाउन शुरू (06.05.2019)



 
::| Latest News

 
[Page Top]