युगसम्बाद साप्ताहिक
Yugasambad Saptahik
Wednesday, 11.13.2019, 03:02pm (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
अन्तरर्वाता
 
सरकार स्वतन्त्र हो कि चार दलको छायाँ हो स्पष्ट हुनुपर्छ - शरदसिं भण्डारी– अध्यक्ष राष्ट्रिय मधे
Monday, 04.29.2013, 07:15pm (GMT+5.5)

० तपाईंहरू नेकपा–माओवादीसंग मिलेर सरकारबिरुद्ध आन्दोलनमा हुनुहुन्थ्यो, एकाएक सरकारसंग वार्ता गर्न पुग्नुभयो । वार्ताको नतिजा कस्तो आउने ठान्नुभएको छ ?
हामीले सरकारसंग एक चरणको वार्ता सम्पन्न गरिसकेका छौं । त्यो वार्ता अत्यन्त सकारात्मक र सौहार्दपूर्ण अवस्थामा भएको छ । हामीले विशेष गरी मंसिरमा सम्पन्न हुनसक्ने निर्वाचनको सुनिश्चितताको निम्ति केही प्रश्न उठाएका हौं, कुनै शर्त राखेका होइनौं । यदि मंसिरमा निर्वाचन सम्पन्न गर्ने हो भने यी यी मुद्दाहरूमा अहिलेदेखि नै सम्बोधन गर्नुपर्छ भन्ने हाम्रो माग हो । यसको पृष्ठभूमि भनेको डा. बाबुराम भट्टराई नेतृत्वको सरकारमा रहेका मधेशी मोर्चाले उठाएका विषयहरू नै हुन् ।

हामी मुलुकको निकास निर्वाचनले मात्र दिनसक्छ भन्नेमा स्पष्ट छौं र यसका लागि स्वतन्त्र सरकार चाहिन्छ भन्ने पनि त्यत्तिकै सत्य हो । हामीले त्यही कुरा उठाउँदै आएका थियौं । हाम्रो विमति सरकारप्रति नभएर सरकार गठनको प्रक्रियाप्रति मात्र हो । यो प्रक्रियालाई सच्याइएन भने यो सरकार चार दलको सिण्डिकेटको छायाँ जस्तो मात्र देखिन्छ । त्यस्तो अवस्था आयो भने अन्य दलले निर्वाचनमा भाग नलिन सक्छन् भन्ने सम्भावनालाई इंगित गरेर त्यसलाई सच्याउन माग गरेका हौं ।

० त्यसो भए सरकारले निर्वाचनको मिति घोषणा गर्यो भने तपाईहरू चुनावमा भाग लिनुहुन्छ ?
म तपाईंहरूलाई एउटा आग्रह गर्दछु कि हाम्रो माग एकपटक हेरिदिनुस् । भन्न खोजेको के हो भने पहिले निष्पक्ष र स्वतन्त्र निर्वाचन हुने वातावरणको प्रत्याभूति हुनुपर्यो । दोस्रो कुरा भनेको संविधानमा उल्लेख भएका विषयवस्तुलाई सम्बोधन गर्नुपर्यो । नागरिकता, मतदाता नामावली लगायतका विषयहरूको सम्बोधन गर्नुपर्छ । केही विषयमा सरकार अगाडि बढेको छ । यसले मलाई खुसी तुल्याएको छ । संविधानमा जनगणनाको आधारमा निर्वाचन क्षेत्र निर्धारणको कुरा उठेको छ । त्यो संवैधानिक प्रावधान हो र जनताको मौलिक हकका रुपमा रहेको छ । त्यसलाई पनि सम्बोधन गर्न आवश्यक छ ।

० तपाईंहरूले यी विषयमा सरकारसंग कुराकानी गर्नुभएको छ । के सरकारबाट यी माग पूरा हुन्छ भन्ने लागेको छ ?
यी विषयमा सरकार अत्यन्त सकारात्मक रहेको हामीले पाएका छौं । सकारात्मक यस अर्थमा कि सरकार साँच्चै नै निर्वाचन गराउन अघि बढिरहेको छ भन्ने हामीले अनुभूति गरेका छौं । निर्वाचन गराउनकै निम्ति हामीले उठाएका विषयहरूको सम्बोधन हुनुपर्छ भन्ने हाम्रो ठहरलाई सरकारले पनि सकारात्मक रुपमा लिएको छ । 

हाम्रो भनाइ के मात्र हो भने यदि चुनाव हुने वातावरण बनेन वा चुनाव नै हुन सकेन भने कसले भाग लिन्छ ? अहिले हामी चुनाव गराउँछौं भन्ने दलहरूले पनि चुनाव हुनै सकेन भने के गर्छन् ? त्यस कारण चुनाव हुने अवस्था सिर्जना गर्नुपर्छ । चुनाव हुने अवस्था सिर्जना नगरेर कहीं चुनाव हुन्छ ? केवल हामीले चुनाव गराउन खोजेका थियौं तर फलाना फलाना दलले भाग नलिएर विथोलियो भनेर उम्किन खोज्ने जुन खालको राजनीतिक संस्कृति नेपालमा छ त्यसको अन्त्य हुनुपर्छ । आफूले कर्तव्य नगर्ने र अर्कालाई जिम्मेवारी नदिने प्रवृत्ति यहाँ विकसित छ ।

अहिले पनि सरकार चार दलको सिण्डिकेटको सरकार हो भन्ने प्रत्याभूति भैरहेको छ तर यसको स्वामित्व लिन कोही पनि तयार छैनन् । जस्तो कि लोकमानसिंको नियुक्ति प्रकरणमा प्रचण्डले सर्वोच्च अदालतमा पठाउनुभएको लिखित जवाफमा “चार दलको समितिको संवैधानिक आधार पनि छैन, वैधानिकता पनि छैन । यस्तो समितिले पठाएको सिफारिशका आधारमा किन मुद्दा चलाएको ?” भनेर जवाफ दिनुभएको छ । यस्तो अवस्थामा त्यही चार दलले हामीले सरकरााबनायौं, हामी निर्वाचन गराएरै छाड्छौं भनेर किन दावी गर्छन् ? यो द्वैध चरित्र अन्त्य हुनुपर्छ । 

हामीले के भनिरहेका छौं भने यो सरकार स्वतन्त्र हो कि चार दलको छायाँ हो त्यो स्पष्ट हुनुपर्यो । यदि सरकार चार दलको छायाँकै रुपमा रहने हो भने अन्य दलले किन चुनावमा भाग लिने ? सरकार निष्पक्ष र स्वतन्त्र छ भन्ने तर चार दलको छायाँको जस्तो व्यवहार गर्ने अनि अरु दलले पनि उनीहरूले जे भन्छन् त्यही मान्दिनुपर्ने भन्ने पनि कहीं हुन्छ ?

० तपाईंहरूको माग नाजायज छैन । सरकारसंगको वार्ता सकारात्मक भयो भन्नुभयो त्यसो भए आन्दोलन स्थगित गर्नुभएको हो ?
हामी प्रजातन्त्रमा विश्वास गर्ने प्रजातान्त्रिक पार्टीका नेता हौं । कुनै पनि विषयको हल सकारात्क हिसाबले वार्ताबाट निकाल्न सकिन्छ भन्ने विश्वास हाम्रो छ । हामी अत्तो मात्र थाप्ने हिसाबले आन्दोलनमा गएका पनि होइनौं । हामी त निर्वाचनलाई सार्थक हुनुपर्यो र निर्वाचन पक्कै हुनुपर्यो भनेर आन्दोलनमा गएका हौं ।

० त्यसो भए तपाईंहरू चुनावमा भाग लिनुहुन्छ । यतिबेला मधेशी दलहरू दुई धारमा छन् । चुनावमा मधेशी दलरुसंग तालमेल पनि हुन्छ होला हैन ?
तालमेल वा एकता विचार र व्यवहार मिल्नेहरूका बीच हुन्छ । तपाईंलाई थाहै छ– विजय गच्छारजीहरू एमाओवादीसंग सरकार गठन हुँदाको मोर्चामै सामेल हुनुहुन्छ । उहाँहरू एमाओवादीको एजेण्डामा हुनुहुन्छ । यस्तो अवस्थामा हामी मधेश, आदिवासी, जनजाति, अल्पसंख्यक, पिछडिएका वर्गको प्रतिनिधित्व गर्दै मोर्चामा छौं । हाम्रो मोर्चामा मधेशी मात्र होइन अन्य दलहरू पनि सामेल छन् । त्यसकारण मूल कुरा के हो भने मोर्चा वा तालमेलका लागि विचार मिल्नु आवश्यक छ । जोसंग विचार मिल्छ त्यससंग तालमेल हुन्छ । 


Rating (Votes: )   
Share     Print


Other Articles:
विदेशी शक्तिले चाहेजस्तो संविधान बन्ने ग्यारेन्टी नहुँदासम्म चुनाव हुँदैन - नारायणमान विजुक् (04.22.2013)
महासमितिपछि नेपाली कांग्रेस निर्वाचन केन्द्रित भएको छ – विमलेन्द्र निधि, नेपाली कांग्रेस (04.16.2013)
यो निर्वाचनले मुलुक भड्खालोमा जान्छ - सीपी गजुरेल– उपाध्यक्ष नेकपा–माओवादी (04.01.2013)
सरकारका बारेमा उठिरहेको संवैधानिक प्रश्नहरूको यथोचित जवाफ नदिंदा विश्वासको वातावरण बन्दैन - श (03.25.2013)
प्रधान न्यायाधीश नेतृत्वको सरकार हानीकारकमध्ये कम हानिकारक विकल्प हो - डा. नारायण खड्का (03.18.2013)
"कमसेकम एउटा विषयमा त सहमति भयो नि भनेर खुसी हुनुपर्छ " - डा. रामशरण महत, केन्द्रीय सदस्य, नेपाली (03.11.2013)
प्रधान न्यायाधीशको नेतृत्वमा सरकार गठन भए धेरै अनिष्ट निम्तिन्छ - सीपी मैनाली (03.04.2013)
लोकतन्त्रको बिरुद्ध उभिने विलाएर जान्छन् : कोइराला (02.11.2013)
जनतामा भएको सार्वभौमसत्ता पार्टीलाई दिएपछि यस्तो समस्या उत्पन्न भएको हो - सूर्यप्रसाद श्रेष्ठ (02.04.2013)
मलाई डेकेन्द्रराज थापाको हत्या अनुसन्धानबाट हटाउन चाहिं नसक्लान - प्रहरी निरीक्षक विनोद शर्मा, (01.28.2013)
मुलुकलाई गतिशील बनाउने कि अस्थिर बनाउने भन्ने अहिलेको मूल विषय हो - हरिकृष्ण कार्की, नवनिर्वाचि (01.21.2013)
प्रचण्डलाई नेपाली कांग्रेसबाट एउटा प्रलोभन दिइएको छ - मुमाराम खनाल, राजनीतिक विश्लेषक (12.24.2012)
अहिलेको लडाइँ सत्ताका लागि हैन, कुर्सी र पैसाका लागि हो : भरत विमल यादव (12.17.2012)
हाम्रा नेताहरुमा लोकतान्त्रिक गणतन्त्रको चेत पसेकै छैन - प्रदीप नेपाल, नेता नेकपा एमाले (12.11.2012)
राष्ट्रपतिसंग योभन्दा अर्को विकल्प नै थिएन - डा. दिनेश त्रिपाठी, संविधानविद् (12.03.2012)
कांग्रेस–एमालेसंग सरकार हटाउने एजेण्डामा मात्र सहमति हुन्छ - सीपी गजुरेल, उपाध्यक्ष नेकपा–माओ (11.20.2012)
परीक्षालाई अझ व्यवस्थित बनाउन बारकोड सिस्टम लागु गर्दैछौ - दुर्गाप्रसाद अर्याल, परीक्षा नियन्त (09.24.2012)
धर्म र संस्कृतिले कुनै पनि समाजमा व्यक्तिलाई नियन्त्रणको प्रयास गरेको हुन्छ - विष्णुप्रसाद दाह (09.18.2012)
अब तीन दलको निर्णयले मात्र मुलुकले निकाय पाउनेवाला छैन - लक्ष्मणलाल कर्ण (09.03.2012)
अरू दलको अस्तित्व समाप्त गर्छु भन्ने मोर्चालाई हामीले बहिष्कार गरेका हौं - भीम रावल, नेकपा एमाले (08.27.2012)



 
::| Latest News

 
[Page Top]