युगसम्बाद साप्ताहिक
Yugasambad Saptahik
Saturday, 11.25.2017, 11:16am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
अन्तरर्वाता
 
पार्टीभित्र संसदमा जस्तै बहुमतले अल्पमतलाई पेल्न खोज्यो
Tuesday, 03.31.2015, 10:56am (GMT+5.5)

- घनश्याम भूसाल, उप–महासचिव, नेकपा एमाले
० एमाले कसरी विवादमा फस्यो ? 
एमालेभित्र गुटगत राजनीति मौलाउन नवौं महाधिवेशन कारक बन्यो जो निकै दुर्भाग्यपूर्ण हो । महाधिवेशनमा हामी निकै नराम्रोसँग गुटबन्दीमा विभाजन भयौं । जसले गर्दा विचारमा कम र सांगठनिक, त्यसमा पनि नेता को हुने भन्ने गुटबन्दीको राजनीतिमा निकै नराम्रोसँग फस्यौं । त्यसैको प्रभाव नियुक्ति, सरकार सञ्चालनदेखि पार्टी सञ्चालनमा पर्दै गइरहेको छ । अर्थात् महाधिवेशनको निरन्तरताको रुप वा असरको रुपमा यो विवाद रहिआएको छ । 

 माधवकुमार नेपालले भनेजस्तो केपी ओलीको भूमिका पार्टीभित्र पनि बहुमतको बलमा पेल्ने गरी आएको हो ? 
हिलेसम्मको अवस्थालाई हेर्दा ठ्याक्कै भनिहाल्ने स्थिति त आइसकेको छैन तर आउन लागेको चाहिं हो । म यी कुरालाई लुकाउन चाहन्न । संसद्मा जस्तै पार्टीभित्र पनि बहुमतले पेल्ने खालको त्यस्तो दुष्प्रयास भएका हुन् तर हामी त्यस्तो मूल्य र मान्यता विपरीतको प्रयोगलाई पार्टीभित्र अभ्यास गर्न दिंदैनौं ।

० तर तपाईंकै वरिष्ठ नेताले त नामै लिएर पार्टी अध्यक्षकै गलत भूमिकाले राष्ट्रिय राजनीतिमा सहमति जुट्न नसकेको र पार्टीभित्र पनि उस्तै गरी आएको टिप्पणी गर्नुभयो नि ? 
हामीले पार्टीले राष्ट्रिय राजनीतिक सहमतिका लागि अधिकतम लचिलो हुने निर्णय गरेका छौं र त्यो नै पार्टीको औपचारिक निर्णय हो । हाम्रो जोड पनि यसैमा हो । उता पार्टी बाहिर अन्य दलहरूसँगको सम्बन्धमा अन्यथा सोच्ने हो भने पनि पार्टीभित्र एक ढिक्का नभई त्यस्तो सोच्न सकिंदैन । तर हामी अहिले हरेक विषयमा एक ढिक्का हुन सकिरहेका छैनौं । हामी अझै पनि नवौं महाधिवेशनमा अल्झिएको गुटबन्दी राजनीतिबाट मुक्त हुन सकिरहेका छैनौं । त्यसरी हेर्दा एमालेभित्र देखा परेको जुन शक्ति प्रदर्शनको अभ्यास छ, त्यसको प्रभाव राष्ट्रिय राजनीतिमा सहमति जुटाउन नदिन पनि भयो भन्ने लाग्दैछ । 

० महाधिवेशनसँगै नयाँ नेतृत्व आयो, तर नेतृत्वले नै गुटको बीउ रोपेर त्यसमा मलजल गर्दैछ, एमाले पार्टी अब कता जाँदैछ ?
महाधिवेशनपछि हामीमा सांगठनिक रुपमा जुन कचिंगल रह्यो, यो दुर्भाग्यपूर्ण हो । यहाँभित्र अहिलेसम्म एउटा पेलेर जाने प्रवृत्ति देखा परेको छ । पार्टीभित्र सम्पूर्ण समस्याहरूको समाधान पनि गर्दै ल्याएका छौं । जस्तै स्थायी समिति र पोलिटब्यूरो समितिको गठन, यो निकै महत्वपूर्ण थियो, त्यसलाई हामीले समाधान गरेर आयौं । अहिले त्यस्तै महत्वपूर्ण केन्द्रीय सदस्यहरूको सांगठनिक कार्य विभाजन हो, त्यसमा पनि त्यही महाधिवेशनको प्रभावहरू देखा परे, हामीले त्यसको विरोध गरेर सही रुपमा समाधान गर्न दबाब दिएका थियौं । अन्ततः हाम्रो प्रयास सफल भएको छ । समानताका आधारमा हामीले केन्द्रीय सदस्यहरूको कार्यविभाजन गर्न सफल भएका छौं । 

० नेपालको मूल राजनीति र एमालेभित्रको राजनीति एउटै समस्यामा अल्झिएको छ, बहुमत कि सहमतीय प्रक्रिया, तपाईंको पार्टी अध्यक्षको भूमिका किन यस्तो रह्यो ? 
हामीले गणतन्त्रलाई संस्थागत गरेका छौं, समावेशितालाई समावेश गरेका छौं, र कतिपय धार्मिक, एकलकाँटे संरचनालाई वैधानिक रुपमा संस्थागत गरेका छौं । अब हामीले संस्थागत गर्न बाँकी रहेको संघीयताको स्वरुप हो । म यस विषयमा के ठान्छु भने हामी वामपन्थीहरूका अगाडि यी मुद्दालाई भोलि निर्माण गर्ने वामपन्थी एकीकृत पार्टी, वामपन्थी राज्य र नयाँ आन्दोलनको पक्षमा कुन महत्वपूर्ण हुन्छ भन्ने हिसाबले छलफल गरियो भने सजिलो हुन्थ्यो । यसरी छलफलमा जाने हो भने हामीबीच सहमति धेरै टाढा थिएन । यतातिर हामीले छलफल नै गरेनौं । यी कुराहरू एमाओवादीका साथीहरूसँग गर्दा उहाँहरूलाई अलि बढी संवेदनशील चाहिं पाउँछु, तर हाम्रा केही तात्कालिक मुद्दाहरूमा देखिएको विवादले हाम्रो मूल उद्देश्यलाई प्रभाव पारिरहेको छ भन्ने मेरो बुझाइ छ । 

० यी सबै काम गर्न तपाईंको नेतृत्व जिम्मेवार भएर लागेको छ त ?
मैले अघि पनि भनें एमाले महाधिवेशनमा निकै नराम्रोसँग गुटबन्दी राजनीतिमा फस्यो र अहिलेसम्म त्यहाँबाट निस्कन सकेको छैन । मूल नेतृत्व समेत त्यहींभित्र हराइरहेको छ । हाम्रा अगाडि जस्ता जिम्मेवारी आएका छन्, त्यो भूमिका देखाउन हाम्रो नेतृत्व चुकेको छ । त्यसको दोष मेरो पनि होला तर अध्यक्ष र महासचिव मूल नेतृत्व हुनुका कारणले उहाँहरू बढी दोषी हुनुहुन्छ । 

० तपाईं वैचारिक छलफल रुचाउने नेता, एमाले पार्टीमा आएको अहिलेको नेतृत्वमा अध्ययन कत्तिको देख्नुहुन्छ ? 
अहिले आम रुपमा विचार सिद्धान्तमा भन्दा पार्टीका केही स्वार्थ, गुटको स्वार्थ र नेताको स्वार्थमा केन्द्रित हुँदै गएको छ । यो एमालेभित्र मात्र होइन, अरु पार्टीभित्र पनि त्यस्तै देख्छु । विचार, सिद्धान्त र वर्गीय राजनीतिको एउटा नेता, गुटको ओझेलमा पर्दै गएको छ । एमालेभित्र पनि यस्तै छ । तर यस्तो गलत विचारको विरुद्धमा जबर्जस्त आवाज पनि उठिरहेको छ । तर बलियो भएर आउन सकेको छैन । र पनि एक दिन हरेक पार्टीमा विचार, सिद्धान्तका आधारमा राजनीति गर्नेहरूको अवस्था बलियो हुन्छ भन्नेमा म निकै आशावादी छु । 

० संस्थापनले गुटका आधारमा सबैतिर पेलेर जान लाग्यो भन्ने तपाईंहरूको निष्कर्ष छ, अब तपाईंहरू त्यसलाई कसरी प्रतिवाद गर्नुहुन्छ ? 
एमालेको इतिहास, परम्परा, विधि र आवश्यकता हेर्दा कसैले कसैलाई पेलेरै जाने अवस्था छैन । यदि लिडरसिपले पेलेरै जान लाग्यो भने म यसलाई असाध्यै राजनीतिक रुपमा हेर्छु । यो सांगठनिक हिसाबले प्रतिक्रिया दिने खालको मात्र हुँदैन । यसको अर्थ अर्काे समानान्तर कमिटी बनाएर जानुपर्छ भन्ने पनि होइन । हाम्रो इतिहासलाई हेर्दा समानान्तर संगठन चलाउने, तोडफोड, गुण्डागर्दी गर्ने र नेतृत्वलाई धम्क्याएर आफ्नो अवस्था बलियो बनाइराख्ने काम हामीले कहिल्यै गरेनौं । यो हाम्रो काम पनि होइन । केही साथीहरूले हिजो यस्तो गर्नुभयो, तर हामी त्यस्तो गर्दै गर्दैनौं । तर पार्टीको तल्लोस्तरसम्म लैजान्छौं र आफ्ना विचार राख्छौं ।

० यी सबै विवाद मिलाउन पार्टी अध्यक्षको भूमिका कस्तो छ ?
मैले स्थायी समिति बैठकमा पनि प्रष्ट राखेको छु, विभिन्न नियुक्तिका कुरा छ, युवा संघको विवाद छ, यस्तै सरकार सञ्चालनको विषयमा विवाद छ । यसको प्रभावहरू तलसम्म परेका छन् । यो सबै कुरालाई मैले सांगठनिक रुपले मात्र देख्दिनँ । यी कुराहरूमा अध्यक्षको भूमिका सकारात्मक छैन । म त्यही पार्टीको जिम्मेवार नेता भएर धेरै भन्न पनि मिल्दैन । म पार्टी अध्यक्षको पार्टी सञ्चालन सम्बन्धी भूमिकामा सन्तुष्ट छैन । उहाँको कार्यशैली न्यायोचित र समग्र एमाले पार्टीको हितमा छैन । यही बाटो हिंड्यौं भने हामीले पार्टीलाई उँभो लगाउन सक्दैनौं, पार्टी सुरक्षित राख्न सक्दैनौं भन्ने मेरो प्रष्ट बुझाइ हो ।

० पार्टी बैठक पनि अध्यक्ष निवासमै सीमित भयो नि ?
यो राम्रो काम भइरहेको छैन । पार्टी अध्यक्ष बिरामी भएका कारण भनिएको छ । बोल्दा पनि मानवीय संवेदना जोडिएको कुरा छ । तर हामीले राम्रो अभ्यास गरिरहेका छैनौं । पार्टी सार्वजनिक राजनीतिक जीवनको कुरा हो । व्यक्तिको समस्या र पार्टी जीवनको कुरालाई एकै ठाउँमा घोलमेल पारेर बुझ्यौं भने हामी अप्ठेरोमा पर्छौं । तर अहिले यस विषयमा धेरै बोल्ने ठाउँ छैन ।


Rating (Votes: )   
Share     Print


Other Articles:
हामीसंग चाहिं सहमति गर्नुपर्दैन ? (03.17.2015)
विद्यार्थीको काम टायर बाल्ने र बन्द हड्ताल गर्ने मात्र हैन (11.11.2014)
पुष्प व्यवसाय विदेशी मुदा आर्जन गर्ने दरिलो माध्यम हो – कुमार कसजु श्रेष्ठ (10.21.2014)
त्यसबेला हामी लण्डनमा बसेर नेपालमा आगो बाल्छौं (09.23.2014)
विद्यार्थीको नेतृत्व खास विद्यार्थीले नै गर्नुपर्छ : शुभराम बस्नेत (09.09.2014)
हामीले कर नतिर्ने भनेका छैनौं - ज्ञानु गजमेर (09.02.2014)
बायोमेट्रिक प्रणाली संचालन गर्दा वैदेशिक रोजगारी अरु भरपर्दो हुन्छ (08.13.2014)
अहिले नेपाललाई बिजुली, १० वर्षपछि नेपालबाट बिजुली : मोदी (08.04.2014)
संविधानमै बजेट ल्याउने तिथि निर्धारण गरिनुपर्छ (07.09.2014)
बहुमत प्रतिनिधि नेतृत्व हस्तान्तरणको पक्षमा (07.02.2014)
माधव र केपी दुबै सम्पूर्णता हैनन् (06.09.2014)
संसदीय सुनुवाईमा प्रस्तावित न्यायाधीशहरुले के भने (05.26.2014)
न्यायपालिका र व्यवस्थापिकाबीच टकराउको सन्देश गएको छ (05.19.2014)
एमाओवादीमा विचार कि संगठन प्राथमिक भन्ने द्विविधा छ - मुमाराम खनाल (05.12.2014)
स्वास्थ्यलाई पैसा कमाउने पेशा बनाइयो - डा. प्रवीण मिश्र, स्वास्थ्य सचिव (04.08.2014)
खेलकूद राष्ट्रिय एकता र राष्ट्र विकासको आधार हो - खेलकूद मन्त्री पुरुषोत्तम पौडेल (03.24.2014)
घोषणापत्र कार्यान्वयन गर्ने हाम्रो हैसियत पनि छैन र वाध्यता पनि छैन- दिनानाथ शर्मा, प्रवक्ता एम (03.19.2014)
कसैको प्रेरणाले होइन मेहनेतले गीतकार भए - गायत्री थापा (02.03.2014)
राष्ट्रियताको वैचारिक नेतृत्व हुन सकेन - मोदनाथ प्रश्रित (01.13.2014)
मिश्रित प्रणाली निर्वाचनमा दोष बढी गुण कम देखियो - पूर्णबहादुर खड्का, सहमहामन्त्री नेपाली कांग (01.06.2014)



 
::| Latest News

 
[Page Top]