युगसम्बाद साप्ताहिक
Yugasambad Saptahik
Saturday, 11.25.2017, 11:16am (GMT+5.5) Home Contact
 
 
::| Keyword:       [Advance Search]  
 
All News  
मुख्य समाचार
सम्पादकीय
दृष्‍टिकोण
आर्थिक
अन्तरर्वाता
विचार विवेचना
साहित्य भाषा
अन्तराष्ट्रिय
खेलकुद
कृति समीक्षा
अन्य समाचार
आजको समाचार
तस्वीरको बोली
दस्तावेज
विशेष रिपोर्ट
 
 
अन्तरर्वाता
 
संविधानसभा छोडेर कोही पनि जाँदैन ः अर्थमन्त्री डा. रामशरण महत
Tuesday, 04.07.2015, 01:23pm (GMT+5.5)

० तपाईंहरूले जतिपटक वार्ता गरे पनि मिल्दै नमिल्ने भो । पछिल्लोपटक एमाओवादी अध्यक्ष प्रचण्डसँगको बार्तामा कुरा कहाँ मिलेन ?
सहमतिको सम्भावना टाढिंदै गएको माघ ५ गतेदेखि नै हो । त्यसपछि माघ २८ गते सहमतिका लागि भन्दै संविधानसभाको बैठक स्थगित गरियो । तर, त्यसबीचमा पनि सहमतिका लागि खासै नयाँ ढंगले बहस भएन । यसबीचमा उहाँहरूलाई– तपाईहरू आन्दोलन नगर्नुस, हामी पनि संविधानसभाको बैठक केही दिन रोक्न आग्रह गर्छौ । सहमतिमा आउनको लागि भनेर हामीले भन्यौ । उहाँले आन्दोलन त रोक्न सक्दिन भनेपछि संविधानसभाको प्रक्रिया पनि रोक्ने कुरा त भएन । सहमतिको नाममा संविधानसभाको बैठक अनन्तकालसम्म रोक्ने कुरामा संविधानसभा अध्यक्ष पनि तयार हुनुहुन्थेन । 

० आन्दोलन नरोकिएको र संविधानसभाको बैठक आब्हान भैसकेको बेलामा अब कसरी अघि बढ्नुहुन्छ ?
संविधानसभाको बैठक बस्छ, संविधान निर्माणको प्रक्रिया अगाडि बढ्छ । संविधानसभामा आफ्नो एजेण्डा प्रस्तुत हुन्छ र वार्ता पनि सँगसँगै अघि बढ्छ । वार्ता अघि बढ्दा सहमति भयो भने सहमतिकै आधारमा संविधानसभाले पास गर्छ । यदि सहमति निर्माण हुनसक्ने अवस्था भएन भने पनि मतदानको प्रक्रियाबाट हुन्छ । यो त सर्वस्वीकृत प्रक्रिया हो । यो नियम  विधानमा स्पष्टसँग लेखिएको छ ।

० त्यसो भए अब कांग्रेस र एमालेले प्रक्रियाबाट संविधान दिन आफूलाई अघि बढाए ?
विल्कुल, सहमति भए पनि आखिर प्रक्रियामा त जानु नै पर्छ । सहमति नभएप नि प्रक्रियामै जानु पर्छ । त्यसकारण प्रक्रियालाई रोक्नु हुन्न । जनताले निर्वाचन गरेको संविधानसभा छ । त्यो संविधानसभालाई बन्द गरेर पंगु बनाएर संविधानसभालाई एक किसिमले होस्टेज बनाएर लामो समयसम्म राख्न सकिदैन ।

० तर, विपक्षीहरूले प्रक्रियामा गएर सत्तापक्षले मुठभेड निम्त्याउन खोजेको आरोप छ । कतै त्यस्तै हुने सम्भावना पनि छ नि हैन ?
मुठभेड किन गर्ने ? प्रक्रिया मुठभेड हो र ? प्रक्रियामा जाँदा मुठभेड हुन्छ भनेर लेखिएको छ र ? विधिको शासनमा के मुठभेड हुन्छ भनेर लेखिएको छर ? मुठभेड भनेको विल्कुलै अबैधानिक र हिंसात्मक कुरा हो । डण्डा लिएर सडकमा जाने भन्ने कुरा हिंसात्मक हो कि होइन ? लाठी जुलुस निस्कनु ठीक कि बेठिक ? नेपाली जनताले कुनै किसिमको जुलुस चाहँदैन । लाठीले हिंसा गर्छ । त्यसैले त्यसलाई नेपाली जनता र सरकारले स्विकार्दैन ।

० तपाईंहरूले यसो भनिरहे पनि सडकमा अर्कै दृश्य देखिएको छ । त्यसको सामना कसरी गर्नु हुन्छ ?
सडकमा आउन चाहनेहरू सडकमा आउँछन । तिनीहरूलाई रोकटोक हुँदैन । तर नियम र विधी मिचेर हिंसात्मक ढंगले आउने, मुठभेड गर्ने, तोडफोड गर्ने काम हुन थाल्यो भने कानूनले आफ्नो बाटो लिन्छ ।

० त्यसो भए तपाईहरू आन्दोलन दवाउने योजनामा हुनु हुन्छ ?
यो तपाईको विचार हो । कानून बमोजिम शान्तिपूर्ण जुलसमा कसैले पनि आपत्ति गर्दैन । यदि हिंसा भडकाउने खालको, उत्तेजना बढाउने खालको काम गरे कानून अनुसार हुन्छ । संविधानसभालाई पंगु बनाएर, महत्वहिन बनाएर, सडकबाट तर्साएर, आतंकित बनाएर उहाँहरू आफ्नो किसिमको संविधान बनाउने नभए संविधानसभा नै भाड्ने षडयन्त्र हो भनेर बुझ्दा हुन्छ । यो षडयन्त्रमा हामी पस्न चाहँदैनौ । यो आशय स्पष्ट भइसकेको छ । त्यसकारण हामी यसलाई सफल हुन दिदैनौं ।

० तपाईंको कुरा सुन्दा त अब संविधानसभाबाट संविधान दिने जिम्मेवारीबाट पछि हटिन्न हो ?
हट्ने नहट्ने कुरा होइन । संविधानसभाबाट संविधान जारी गर्न हामी पूर्ण प्रतिबद्ध छौ । त्यसकै लागि जनताको बीचमा गएका हौ । जनताबाट जनादेश प्राप्त छ । जनादेश प्राप्त सार्वभौम संविधानसभाले संविधान निर्माण गछर्् ।

० सडकबाटै सहमतिको बाटो तय गर्छौ भन्ने विपक्षी मोर्चालाई तपाईहरू अब के भन्नु हुन्छ ?
वार्ताको ढोका खुल्ला छ । हामी अहिले पनि वार्ता गर्न तयार छौ । सहमतिमा आउनको लागि प्रयास गर्छाै तर सहमति एउटाले मात्रै प्रयास गरेर हुँदैन । दुबै थरीले केही न केही आफ्ना पोजिसनहरू छाडेर सहमतिमा आउनु पर्छ । उहाँहरू मेरो गोरुको बाह्रै टक्का भनेर आफ्नै सर्तमा सहमति गर्न चाहनु हुन्छ भने सहमति हुन सक्दैन ।

० प्रक्रिया सुरु भए संविधानसभा छाड्ने चेतावनी विपक्षीले दिएका छन नि ?
लेखेर राख्नुस्, संविधानसभा छाडेर कोही पनि बाहिर जाँदैन । संविधानसभा छाडेर जानुको अर्थ जनतालाई अविश्वास गर्नु हो । जनादेशको अनादर गर्नु हो । हिजोसम्मका आफ्ना सम्पूर्ण भनाईहरूलाई अस्वीकार गर्नु हो ।

० हैन, एमाओवादी अध्यक्ष प्रचण्ड त मोहन बैद्यको एजेण्डामा गैसकेको र पार्टी एकीकरणका लागि उहाँ संविधानसभाबाट बाहिरिन तयार भएको कुरा आइरहेका छन् नि ?
त्यो उहाँहरूको समस्या हो । तर मलाई लाग्दैन प्रचण्डजीहरू संविधानसभा छाडेर जानु हुन्छ भनेर । जानु भयो भने उहाँहरूलाई नै नोक्सान हुन्छ । संविधानसभाको नारा लगाएर उहाँहरूले यति ठूलो द्वन्द्व गर्नु भयो त्यो त देखाउने दात मात्रै रहेछ भन्ने प्रष्ट हुन्छ ।

० तैपनि त्यस्तो भएमा मुलुक मुठभेडमा जान सक्छ नि ?
जाँदैन, जाँदैन । मुठभेडको अवस्था जनताले भोगिसकेका छन । हिंसाको लामो श्रृंखला जनताले भोगिसकेका छन । त्यो कालो युग जनताले देखिसकेका छन । अब त्यसलाई कसैले पनि स्वीकार गर्दैन ।

० त्यसो भए संविधान कहिले आउँला त ?  
संविधान जेठ असारसम्ममा आउँछ । हामी त जेठ १५ भित्रमै संविधान ल्याउने पक्षमा छौ ।

० एउटा फरक प्रसंग, डा. गोविन्द केसीको अनसनमा यसअघि समर्थनमा रहनु भए पनि यसपटक मौन बस्नुभयो । यसलाई लिएर अनेक टिप्पणी भए । के भन्नुहुन्छ ?
म यो विषयमा मौन बसेको विल्कुलै हैन । डा. गोविन्द केसीले जुन माग राखेर विगतमा अनसन बस्नुभएको थियो त्यसको समर्थन गरेको हँु । सरकारमा आउने वित्तिकै उहाँहरूको माग संबोधन गर्न हामीले पहल गरेको हो । उहाँका त्यसबखतका मागहरू पनि पुरा भएका हुन् । कतिपय मागहरू कार्यान्वयन गर्ने सन्र्दभमा छन । खास गरी नयाँ मेडिकल कलेजहरूलाई सम्बन्धन दिने बारेमा नयाँ सम्बन्धन अहिले दिइनु हुँदैन र यस विषयमा माथेमा समितिले काम गरिरहेको छ । सम्बन्धनका मापदण्डहरू उसले निर्धारण गर्छ त्यसलाई सरकारले पूर्णतया लागु गर्नुपर्छ र गर्छ पनि । 


Rating (Votes: )   
Share     Print


Other Articles:
पार्टीभित्र संसदमा जस्तै बहुमतले अल्पमतलाई पेल्न खोज्यो (03.31.2015)
हामीसंग चाहिं सहमति गर्नुपर्दैन ? (03.17.2015)
विद्यार्थीको काम टायर बाल्ने र बन्द हड्ताल गर्ने मात्र हैन (11.11.2014)
पुष्प व्यवसाय विदेशी मुदा आर्जन गर्ने दरिलो माध्यम हो – कुमार कसजु श्रेष्ठ (10.21.2014)
त्यसबेला हामी लण्डनमा बसेर नेपालमा आगो बाल्छौं (09.23.2014)
विद्यार्थीको नेतृत्व खास विद्यार्थीले नै गर्नुपर्छ : शुभराम बस्नेत (09.09.2014)
हामीले कर नतिर्ने भनेका छैनौं - ज्ञानु गजमेर (09.02.2014)
बायोमेट्रिक प्रणाली संचालन गर्दा वैदेशिक रोजगारी अरु भरपर्दो हुन्छ (08.13.2014)
अहिले नेपाललाई बिजुली, १० वर्षपछि नेपालबाट बिजुली : मोदी (08.04.2014)
संविधानमै बजेट ल्याउने तिथि निर्धारण गरिनुपर्छ (07.09.2014)
बहुमत प्रतिनिधि नेतृत्व हस्तान्तरणको पक्षमा (07.02.2014)
माधव र केपी दुबै सम्पूर्णता हैनन् (06.09.2014)
संसदीय सुनुवाईमा प्रस्तावित न्यायाधीशहरुले के भने (05.26.2014)
न्यायपालिका र व्यवस्थापिकाबीच टकराउको सन्देश गएको छ (05.19.2014)
एमाओवादीमा विचार कि संगठन प्राथमिक भन्ने द्विविधा छ - मुमाराम खनाल (05.12.2014)
स्वास्थ्यलाई पैसा कमाउने पेशा बनाइयो - डा. प्रवीण मिश्र, स्वास्थ्य सचिव (04.08.2014)
खेलकूद राष्ट्रिय एकता र राष्ट्र विकासको आधार हो - खेलकूद मन्त्री पुरुषोत्तम पौडेल (03.24.2014)
घोषणापत्र कार्यान्वयन गर्ने हाम्रो हैसियत पनि छैन र वाध्यता पनि छैन- दिनानाथ शर्मा, प्रवक्ता एम (03.19.2014)
कसैको प्रेरणाले होइन मेहनेतले गीतकार भए - गायत्री थापा (02.03.2014)
राष्ट्रियताको वैचारिक नेतृत्व हुन सकेन - मोदनाथ प्रश्रित (01.13.2014)



 
::| Latest News

 
[Page Top]